رواية وشم على حواف القلوب الفصل الثالث والثلاثون بقلم ميمى عوالى

بابتسامة و مازالت عينيه معلقة بزينب فى ان انا و انتى يمكن نعملها مع بعض
مى پصدمة انت بتتكلم جد .. عاوز تتجوز من عندك من الصعيد
لتختفى الابتسامة من على وجه رامى و يستدير مبتعدا عن الجميع بقدر يكفى الا يسمعه احد ثم يقول بترصد و مالها الصعيد يا مى 
مى بتردد انت قفشت كده ليه .. انا ما اقصدش حاجة بس يعنى انت متعلم تعليم عالى و مثقف هتيجى بعد كل ده و تتجوز واحدة جاهلة 
رامى پصدمة ده انتى اللى جاهلة 
مى بدفاع هو انا عملت حاجة دلوقتى 
رامى هو انتى بقى فاكرة ان الصعيد لسه بالملس و البيشة و الحبرة و داقين على قورتهم عصافير و واشمين دقنهم زى ما كنا بنشوف فى الافلام و المسلسلات
مى بفضول اومال ايه
رامى عادى يا بنتى .. ناس عاديين خالص عايشين زينا و فيهم اللى احسن مننا كمان مافيش فرق بيننا و بينهم غير شوية مظاهر نتيجة العادات و التقاليد
مى و انت هتقدر تتعامل مع العادات و التقاليد دى 
رامى تصدقينى لو قلتلك ان كان نفسى لو كنت عيشت هنا طول عمرى 
مى ماشى .. بس معنى كلامك كده انها متعلمة
رامى فى البكالوريوس السنة دى 
مى بعدم تصديق مش معقول انت بتتكلم جد
رامى و جد الجد كمان و كمان طلبت من حكم انه يجس نبض اهلها عشان لو كده ادخل بقلب جامد
مى بتوجس طب تفتكر يعنى ان بابا ممكن يوافق
رامى بتنهيدة ثقيلة المرة دى لازم اعمل كل حاجة عشان يوافق يا مى 
مى بدهشة لحقت تحبها امتى عشان الاصرار ده
رامى و هو يلتفت مرة اخرى لتلتقى عيناه بزينب التى كانت تتابع كل لفتاته ليبتسم لها ثم يقول ببعض الحيرة مش عارف .. بس فجأة كده لقيتنى مشغول بيها و بغير عليها
مى بمرح لااا ده انت حالتك حرجة جدا قال و انا اللى كنت فاكرة ان حكم هو اللى اخدك منى اتارى فتاة احلامك هى اللى اخدتك و شكلها كده مش هترجغك تانى 
رامى بدفاع ابدا .. انا فعلا مشغول مع حكم و حتى امبارح بنته الصغيرة وقعت و دراعها اتجبس 
مى يا عينى .. صغننة اوى 
رامى و الله لولا الست نجاة اللى حكتلك عنها قبل كده مش عارف كان هيتصرف ازاى 
مى طب ايه .. المفروض اكلمه اقول له سلامة ورد و اللا ايه
رامى و الله هتبقى لفتة لطيفة .. استنى هديله التليفون 
مى باستنكار هو عندك و سامع كل الرغى ده
رامى لا انا بعدت شوية احنا فى المستشفى اصلا
مى هى البنت حالتها وحشة اوى كده
رامى لا لأ .. دى مراة صاحب حكم هى كمان وقعت الصبح و انكسرت جامد ثم اكمل بمرح .. و تبقى حماتى المستقبلية على فكرة 
مى امم .. بتقدم السبت يعنى 
رامى و هو يضحك بخفوت ابدا و الله بس اهى جت كده .. استنى هندهلك حكم 
كان رامى قد اقترب من الجميع و قال بصوت مسموع تليفون عشانك يا حكم 
حكم باستغراب عشانى انى .. مين 
رامى مى .. عاوزة تطمن على ورد
ليأخذ حكم الهاتف من رامى و يقول اهلين يا دكتورة .. كيفك
مى الحمدلله .. ازيك يا حكم .. الف سلامة على ورد .. هى عاملة ايه دلوقتى 
حكم نشكر الله انها جت لحد اكده 
مى الحمدلله طبعا .. انا لسه عارفة حالا من رامى و طبعا لو احتاجت اى حاجة طبية من هنا من مصر .. خلى رامى يكلمنى و انا هتصرف و