رواية يوم زفافي الفصل الخامس عشر بقلم مريم الشهاوي

"يامن!!"
ناهد شاورت براسها أه والاتنين اتفاجئوا برقصة يامن وفرح اللي الكل وقف يتفرج عليها يامن كان بيحركها زي العروسة زي ما هو عايز وهي بتحاول كتير تبعد ومش عارفة وكانت رقصة ولا الأروع ممزوجة بين ڠضب وعشق
خلصت الرقصة وهو يامن رافع فرح لفوق والكل سقف نزلها وهو مقرب منها
ناهد جريت عليها وهي مبتسمة"كان شكلكوا يهبل... قمرات سوا أوي."
فرح ابتسمت وراحت قعدت علترابيزة وتفكيرها في يامن وتصرفاته معاها هود راح ليامن وقعد قصاده"أنا آسف."
يامن بصله باستغراب"على إيه "
هود كمل"مكنتش أعرف إنها تخصك.... بس جاي أقولك حاجه لو بتحبها فعلا..... متخبيش مشاعرك.... أنا سبق وخبيتها قبل كده ومكنتش لصالحي... لو بتكنلها مشاعر وبتحبها قولها متخبيش صدقني مش هتستفاد حاجة لو خبيت مشاعرك."
قام وقف وطبطب على كتفه"هتتعب كتير."
مشي وسابه يفكر هو فعلا حبها... طب إزاي.... قلبه اتعلق بيها كده من إمتى وحبها إمتى!
غرق في أفكاره والحفلة خلصت وناهد حست إنهم لازم يتكلموا 
ناهد"أنا هركب مع نورا عاوزاها."
نورا بصت لعمتها وفهمتها من نظراتها
ناهد ركبت مع هشام ونورا وفرح ركبت مع يامن العربية في صمت تااام.
فرح"على فكرة أنت كنت مخليني برقص معاك بالإكراه يعتبر.... وخليت الناس تقول... "
يامن"اخرسي يا فرح... تعرفي تكتمي بوقك ده خالص"
فرح"لا للأسف مبعرفش تقدر تقولي إيه اللي عملته في الحفلة ده تسميه إيه"
يامن زود بنزين العربيه"أنا مسؤول عنك."
فرح"بصفتك إيه "
يامن"بصفتي الشرطي بتاعتك... لازم عيني تبقى عليكي دايما... ولازم أحميكي ولازم......"
فرح"شكرا مطلبتش حاجة."
يامن پغضب"يا بنتي بطلي الجملة دي."
فرح"أنا مطلبتش حاجة فعلا... كتر خيرك مقعدني عندك وأنقذتني من المۏت... ليك الفضل أه... لكن مش معناه إنك تتحكم فيا تقولي أعمل إيه ومعملش إيه."
يامن"أنا دمي حامي... ومقدرتش أشوفك بترقصي معاه بسهولة كده مع إني نبهتك."
فرح"ايوة أعملك إيه.... أسمع كلامك على أساس إيه.... كنت خطيبتك مراتك..... قريبتك حتى... إحنا لسه عارفين بعض من كام يوم مفيش أي مبرر يدعي لتصرفاتك دي."
يامن زعق جامد"أنت مطلوب منك تسمعي كلامي منغير نقاش اللي أقوله يتنفذ..... سميها زي ما تسميها بس طول مانتي تحت عيني وفي بيتي يبقى تسمعي كلامي وأنت ساكتة."
فرح"إنك تكون ظابط القضية بتاعتي ده ميدلكش الحق إنك تقولي أعمل إيه ومعملش إيه."
يامن زعق"لا يديني... أنا حر... أنت بتاعتي أنا ومينفعش راجل غيري ېلمس بس شعراية منك... هقطعله إيده."
فرح اتعصبت "إيه اللي بتقوله ده وبعدين أنت بتزعق كده ليه.... ومين أنت أصلا عشان تزعقلي كده.... وقف العربية و نزلني."
يامن مردش عليها وفرح علت صوتها"وقف العربية... أنا بقولك نزلني... نزلني يا إما هشد فرامل اليد وهنزل بالعافية."
فرح صړخت"بقول نزلنيييي."
يامن اتعصب جامد وضړب فرامل بسرعة پغضب وقال وهو بيكز على سنانه وباصص قدامه "انزلي."
فرح نزلت ويامن طار بالعربية.
ونكمل بكرة 
سبحانك الله وبحمده
متنسوش تصلوا علنبي