رواية لن انساك الفصل الثامن عشر بقلم ريهام أبوالمجد

إية وأنت ليه مشدد عليا كدا هو في حاجة حصلت وأنت مش عايز تعرفني
عمران اتنهد وقال ميرنا حبيبتي بلاش أسئلة عشان خاطري وثقي فيا أهم حاجة.
ميرنا واثقة يا عمران.
عمران باس راسها وقال في رعاية الله يا حبيبتي أنا همشي بقى.
ميرنا خلي بالك من نفسك ومتقلقشي مش هخرج وهسمع الكلام.
عمران ابتسم وباس إيدها وقال حبيبة قلبي.
نزلوا سوا وفتح باب الفيلا ولسه هيخرج ميرنا قالت بصوت عالي عمران استنى.
عمران وقف وبصلها فهي جريت عليهوهو ابتسم وهي قالت متتأخرشي عليا يا عمران.
عمران حاوط وشها بإيديه وقال بحنية حاضر يا حبيبتي وخليكي واثقة إني دايما حواليكي ومش هسمح لحاجة ولا لأي حد إنه يأذيكي
وأنا لسه فيا النفس.
ميرنا قالت لا إله إلا الله.
عمران ابتسم وقال محمد رسول الله.
خرج عمران وركب عربيته وميرنا دخلت تاني وقعدت مع زينب ومعاها سلمى وملك وبيتكلموا.
سلمى فاضل على ميعاد رجوع الولاد من النادي نص ساعة صح
ميرنا صح يا حبيبتي مټخافيش الحرس هيرجعهم بالعربية.
سلمى إن شاء الله يا حبيبتي.
ميرنا ماما زينب عمران هيرجع بعد نص ساعة هو كمان فأنا هطلع أغير هدومي عشان نروح نزور سليم الله يرحمه.
زينب بحزن عمرك ما نسيتي ولا يوم مر وأنتي مروحتيش.
ميرنا بحزن دا سليم يا ماما مينفعشي أنساه.
زينب طب عمران هيوافق مهما كان متفهم مش هيقبل مراته تلبس أسود وتروح تزور قبر زوجها المتوفى.
ميرنا مسكت إيدها وباستها وقالت متشليش هم يا ماما عمران متفهم لأبعد الحدود وأنا استأذنت منه أمبارح وهو وافق وقالي إنه هيجي معايا كمان.
زينب ابتسمت وقالت عمران كل يوم بيكبر في نظري عن اليوم اللي قبله.
ميرنا أنتي أم لينا كلنا يا ماما وعمران كان بيعتبر سليم أخوه يا حبيبتي ومفيش حساسية متقلقيش.
زينب ربنا يسعدكم يا حبايبي.
ميرنا يا رب يا حبيبتي.
سلمى أنا كمان هروح أجهز.
ميرنا أنتي حضرتي اللي طلبته منك يا سلمى
سلمى ابتسمت وقالت مټخافيش الأكل كله جاهز وأتغلف والملابس اللي هنطلعها لوجه الله جاهزة.
ميرنا تمام والفلوس معايا جاهزة يلا روحي أنتي أجهزي وخلى الحرس اللي برا يحطوا كل حاجة في العربيات.
سلمى تمام يا حبيبتي.
بقلمي ريهام أبو المجد 
زينب بصتلها وقالت زي كل مرة بتجهزي كل حاجة وبتفاجئ بكل دا بجد أنتي ملاك يا ميرنا.
ميرنا باستها من راسها وقالت بحب أنا مش ملاك يا ماما أنا بنتك أنتي اللي زرعتي فيا كل دا يا حبيبتي فلو في حد فينا ملاك يبقى أنتي يا ماما زينب.
زينب وقالت بدموع ربنا عوضني بيكي حقيقي.
ميرنا وعوضني بيكي يا أجمل ماما في الدنيا.
ميرنا طلعت أوضتها وجهزت ولسه هتخرج من الأوضة حست بحركة في البلكونة فقربت ببطئ وفتحتها وأول ما فتحتها أتصدمت من اللي قدامها.
أمجد ابتسم وقال أكيد وحشتك يا حبي صح أنا جيت عشانك.
ميرنا واقفة مصډومة ومش عارفة تعمل إية ولا تتصرف إزاي جات تجري مسك إيدها جامد وجذبها ليه.
رواية لن أنساك
لكاتبة ريهام أبوالمجد