رواية انجاني حبها الفصل السادس والثلاثون مي السيد
مش بيرضوا ربنا ف لبسهم وجسمهم حرفيا انا بمشي ف الشارع بتصدم من لبس بنات المفروض انهم مسلمين بنطلون ضيق وقصير شعر باين ريحه ماليه المكان ال هي ماشيه فيه دريسات قصيره مبينه جسمها مفكرين ان ده معني الحريه مفكرين انهم كده جامدين هما لو شايفين نفسهم غاليين مش هيعملوا كده عارف ي محمد
_ نعم
هما لو شايفين نفسهم غاليين مش هيفرطوا ف الجنه بالرخص ده وانت كشاب كده كمان ع فكره مش روشنه انك تعاكس بنت ف طريق او انك تكلمها كأنك مقطع السمكه وديلها اتقي ربنا ف بنات الناس عشان تيجي ال تتقي ربنا فيك
محدش قال ان الحب حرام الرسول عليه الصلاه والسلام لما سئل عن احب الناس اليه قال عائشة بس ف فرق بين الحب ال بجد والهيصه ال بتحصل دلوقتي الحب ال بجد بيبقى ف الحلال بس
وع فكره بقا مفيش حاجه اسمها شاب يضحك ع بنت هي لو متقيه ربناا وصاينه نفسها واهلها مكانش اتضحك عليها وكذلك مفيش حاجه اسمها بنت تضحك ع ولد احنا ال بنعلق اخطائنا ع اي شماعه حتي لو شماعه غيرنا المهم اننا بنبعد عن الدين لو الناس وهي بتعلم اطفالها ف مدارس إنترناشيونال وتدفع نص مليون ف السنه ويمكن اكتر لو كانوا علموهم الدين مكانش ده بقا حالنا انما احنا الولد بنقوله انت ولد اعمل ال انت عايزه ع اساس انك هتقول لربنا يارب انا ولد اغفرلي الذنب ده والبنت بتلبس ضيق وقصير عشان تتساوا بالولد اومال انت عايز تكبت حريتها ولا اي ازاي بس دي strong independent woman
مهو عشان نسينا ديننا عشان خارجين من البيت ناسين انه ف ربنا شايفنا ف كل وقت وكل مكان
_ خلاص ي يوسف انا اسف مش هكلم بنات والله
متعتذرليش انا ي محمد انا ماليش دعوه انا مش باخد ذنبك ولا ذنبهم انتو ال بتاخدوا الذنب واحنا محدش عارف هو رايح امتي
خلصنا كلام ومناقشه وسلمت عليهم واخدوا عربيتهم ومشيوا
وانا اخدت عربيتي ورجعت لست الحسن ال وحشتني دخلت لقيتها قاعده مستنياني وهي متوتره اول شافتني جريت ع حضڼي ال استقبلها بلهفه اشد من لهفتها
شيلتها وهي سندت رأسها ع كتفي وهي ساكته قعدنا واخدتها ف حضڼي واحنا بنتفرج ع كرتون كانت مشغلاه
_ اي مالك ساكته لي
مش مصدقه انه ف سعاده زي دي كانت متعانه ليا متحوشالي مش مصدقه ان انا
