رواية اسرار الماضي لبنت ناس الجزء الثاني الفصل الثامن والثلاثون بقلم رينا الهادي

حاجة أنا جيت من غير شنطة هدوم حتي فهخرج بالي عليا الله الغني .
محمد للدرجة دي خناقة إمبارح أثرت فيك كل دة علشان بقولك أخدمي أمي 
رضا لا علشان عاوز تلغي كلامنا وتجبرني علي خدمة واحدة كرهاني و بتسمعني كلام زفت و بنتها معاها أنا مش ملزمة بيها علشان عارف ظروفي قوم تشتري و تبيع فيا كان كلامك واضح لاعمل إللي في راسك لتطلقني علشان كلامك الناشف والسم ليا .
محمد حقي عليك إنت واكلة شارية في خيري ومرتاحة من الغيط اللي كنتي طول النهار فية .
رضا لأ متغالطش نفسك أنا هنا علشان مصلحة إبنك و حمايتة و بعدين بعمل بلقمتي أنا مش مراتك دة إتفاق ثمن أكلي و شربي بدفعة خدمة في بيتك تنظيف و غسيل و عمل اكلك و لما تحب تفضفض بتجي ليا حس لك في البيت لما بروح أتسوق بلف السوق علشان أوفر أكلي معاك نصفة أنا عملاة جبنة حادقة و مربية طيور أمك بتاخد منها و أختك مش مهنياني علي بيضة و بقول و مالة مال أخوها فبلاش تفضي فيا اللي هما مالوك بة من ناحيتي عموما هدور علي مكان اءجرة وأجهزة لمشروع الطيور وأجهز أوضة ليا إن شاء بمرتبة بس ولا إني أتهان تاني لا عندك ولا عند أهلي سيبني في حالي بقي وشوف عاوز أعملك غدا ولا إية 
نظر لها محمد بذهول و لم يستطيع الكلام و نزل وكأن شياطين الأرض تلاحقة .
لاحقتة عزيزة قبل أن ن يخرج وهي تقول مالك يا اخويا فيك إية نكدت عليك الجربوعة 
محمد سيبني دلوقتي .
عزيزة أسيبك ازاي إنت مش شايف نفسك شكلك عامل إزاي لولا إنك طيب و غلبان ماكنتش الشحاتة دي إتجرات و زعلتك بس أنا قولت لك من إمبارح لمح لها بس بالطلاق وهي هتتعدل و تبوس جذمتك ماهي خدت علي الراحة هنا في بيت أبوها بيسحلوها خدمة.
محمد ما أنا أخذت بشورتك المهببة كنت مرتاح أكل شارب و بتضحك في وشي نكدي عليا و عليها بشورتك الهباب و طلعت من الفجر من قهرتها مننا ماهو لو لسانك إلي عاوز قطعة كان بيعرف يراضي كانت نزلت تساعد وتشيل أمك وأخوك بنفس راضية زي ما بتعمل معايا لكن لسانك وقلبت وشك إنت وأخوك خالتها كارهة تشوف خلقتكم وعندها حق .
عزيزة يعني هددتها بالطلاق و عاندت بنت الصارمة
محمد أومال كانت واخدة نفسها من الفجر وخارجة لية و إسمعي بقي الآنقح إتفقت تعمل مشروع تربية طيور وهتأجر مكان ومش هامهها أطلقها لانها ناوية ما ترجعش بيت اهلها كمان هي دماغها أنشق من الحجر ومش بتيجي بالعند و أهو أنا كمان قريب هبقي معاكم ليل نهار ما خلاص كدة ايام او حتي ساعات وكل واحد يروح لحالة .
عزيزة مين هيدخل معاها المشروع دة ويآمن علي فلوسة مع واحدة جاهلة 
محمد ومايآمنش لية هو تربية الطيور غريبة علي الفلاحين ماهي مربية علي السطح و إنت وأخوك كل يومين دابحين من طيورها وواخدة كل البيض .
عزيزة بحزن إنت كمان هتعد علينا اللقمة أنا مابخدش حاجة غير لما أمك تقول إطلعي هاتي لاخوك وأبنة و باخد نايبي لاني فاكرة إني عائشة في خير أخويا راجل البيت .
محمد هتسبيني أغور ولا عاوزة حاجة 
عزيزة طيب ممكن بس نتكلم في القاعة جوة ما يهونش عليا خروجك وإنت متكدر كدة تعالي بس نشرب كوبيتين لمون بالنعناع