رواية اسرار الماضي لبنت ناس الجزء الثاني الفصل الثامن والثلاثون بقلم رينا الهادي

بسم الله الرحمن الرحيم
أسرار الماضي لبنت ناس
بقلم رينا الهادي
الجزء الثاني الفصل الثامن والعشرون
اقدار ٣٨
عندما رجعت رضا البيت الكبير وجدت محمد ينتظرها في صالة البيت بعيون كلها ڠضب هالها منظرة وعلمت أنة سيبدأ معها ما بدأة أمس .
رضا السلام عليكم خير مالك 
محمد ابدأ الست مراتي ماعدش هاممها حد و من صبحيت ربنا برا ولا كآن في راجل في البيت عاوز يطفح مثلا .
رضا بهدوء عكس ما بداخلها إنت قولت لو عاوزة تروحي بدري روحي و كمان قولت ماتشليش همي هفطر مع أمي و كمان جيت بدري من الغيط مش ميعادك دة .
محمد قالوا لي إنك خارجة من بدري إية جريتي علي رقية تشتكي من الفجرية و جاية علي الظهر قولت هفطر مش هتغدي الهانم هتلحق تعمل الغدا .

أخذت نفس طويل لتقول بصوت منخفض اللهم إخزيك يا شيطان ثم علت صوتها أنا جايبة معايا حاجات من السوق و فية أكل بايت ربع ساعة و الأكل يكون جاهز كنت فكراك هتيجي بعد الظهر بعدين هدي نفسك شوية إنت عارف أنا كنت فين.
محمد بصوت عالي عارف بس مش معني كدة تسيبي البيت من قبل الشمس ما تطلع و جاية الظهر إية حلوة القاعدة هناك قوي ما كنتي تكملي اليوم .
رضا طلعت بدري علشان كنت مخڼوقة و أنت عارف لية وجيت دلوقتي علشان أعمل لك لقمة تاكلها عن نفسي القاعدة هناك حلوة و الناس بيقدروا و بيتعاملوا معايا كاني منهم صعبان عليك حد يعاملني كويس وإنت عارف إني أول مرة أشوف نهر إية يعني كفرت إنت إمبارح كنت مش فارقة معاك و عاوز تفارق ما إنت أخدت غررضك ولا علشان أختك شحنتك عليا جاي تفضي فيا من أمتي أنا بهمك أنا في أي مصېبة ما إنت طول اليوم برة آة بتشتغل في الأرض اقعد أنا أكلم الحيطان و أحط إيدي علي خدي لما تيجي أغديك و أعشيك ولعلمك أنا اتفقآت مع نهر هدخل معاها في شغل وهغيب كل يوم شوية طبعا وإنت مش موجود لو هفضل علي ذمتك أما لو هتطلق فخلاص كل واحد هيروح لحال سبيلة يا عم محمد .
محمد بضحكة إستهزاء كنتي في جرة و طلعتي لبرة بقي هتشتغلي و مع نهر و هتطلعي كل يوم شوية مجوزة رجل كنبة دي إنتصار معملتهاش تتفقي من غير إذن إنك هتشتغلي و يا تري إية الشغل دة أصلي عقلي مش ساعفني واحدة زيك جاهلة هتشتغل إية حد علمي يا دوب بتنقي الدودة من القطن و العفش من الزرعة ولا هتشتغلي مرمطون لها و أمها 
رضا كتر خيرك چرح كمان و دوس علشان أبقي عارفة إني إخترت صح هو يوم واحد بس عرفت إن مش شرط أخد إذنك تعرف لو نهر قالتلي عن المشروع دة إمبارح كنت جيت أخذت إذنك ولو رفضت كنت هرفض بس ربك رايد أعرف أني ولا حاجة عندك لا قبل كدة ولا بعد كدة .
محمد هتشتغلي إية يا ست الباشمهندسة .
رضا هريحك و أقولك مش علشانك لأ علشان ربنا قال لازم جوزي يعرف أنا رايحة فين وجاية منين دة لو مطلقتنيش يعني هجيب فراخ و أربيها هي هتتكلف بشړي الكتاكيت والاكل وايجار المكان وأنا هربي و أشتري و أبقي مسئولة عن المكان .
محمد وتأجري مكان لية ما تربي علي السطح.
رضا علشان لما تكرشني من هنا أبقي خفيفة أخرج بنفسي لسة هلم