رواية الصمت المعذب الفصل السابع والاخير بقلمي نورهان ناصر

_ مبقاش ينفع ولا كان ينفع سلام يا أحمد .
أمسك أحمد بيدها سريعايقول بعيون باكيه 
_ هاتمشي وتسبيني بجد.
جاهدت ملك دموعها وهي تحاول سحب يدها من بين يديه 
_ أحمد كفايه سيب أيدي .
بأطراف أصابعه رفع وجهها له يقول بحزن 
_ ملك بصي لي .
أغمضت ملك عينيها بقوة وانفلتت شهقاتها ضمھا هو إلى صدره لتبكي بأعلى صوتها وهي تتمسك به وقد خارت قواها تسقط على الأرض وهو يحتضنها ظلت ملك تبكي بشدة و فقط يبكي معها بحزن شديد ثم همس بما جعلها تتوقف عن البكاء تبتعد عنه لتحدق في وجهه 
_ هو مسامحنا ومن زمان كمان احنا عذبنا بعض على الفاضي .
همست ملك بعيون متسعة پصدمه 
_ إيه 
رفع أحمد يديه وأمسك بوجهها وهو يمسح دموعها بأطراف أصابعه بحنان 
_ حسان مسامحنا يا ملك ! .
_ إزاي عرفت منين .
_ هحكيلك كل حاجه بس خليني أتأكد إنك معايا وفي وحشتيني كتير بقالي أسابيع مش عارف أشوفك عارف أنا اللي طلبت ده وخليتك تمشي لأني مش قادر اعذبك معايا أكتر .
أغمضت ملك عينيها تتنهد تنهيدات حارة وهي تبادله العناق بضعف بدا هو يسرد عليها ما حدث 
_ بعد ما قولتلي على الطلاق وانك هتسافري وتسبيني وأنا وافقت تمشي وكلمت أخوك هادي ياجي ياخدك وبعد ما مشيتي من البيت أنا وقتها انهرت من العياط وقلبي كان بېقتلني كنت كل ليلة أنادي عليك ونفسي لو أقدر ارجعك ليا تاني لو ننسى كل حاجه ونكمل حياتنا بس ايدي كالعادة مربطة حبيتي واحد عاجز قليل الحيلة يا ملك .
ابتعدت ملك عن حضنه تقول بعيون باكيه 
_ لا حبيت راجل بجد راجل ضميره صاحي وشريف وصديق وفي ضحى بنفسه وبحبيبته علشان يريح صاحبه ووافق يعمل اللي محدش يقبله كنت بشوف صراعاتك مع نفسك وعذابك ما بين تعيش حياتك وتريح حسان لأننا بالفعل ظلمناه كتير أنا عمري ما ندمت إني حبيتك حتى لو قولتها في وقت ڠضب ما كانتش من قلبي .
ابتسم أحمد بدموع ورد وهو يرمش بعينيه متنهدا 
_ عارف يا ملك الحمد لله على كل حال أنا وقتها ڠصبا عني حسيت بالضيق من ملاحقة حسان ليا وإني مش عارف ليه بشوفه في كل مكان محمد اقترح عليا أروح لدكتور نفساني واحكيله وفعلا بدأت أروح وكل يوم اقعد اتكلم واتكلم ومفيش حاجه بتتغير وأنت وحشاني ومش عارف أشوفك وانبارح حصلت المعجزة آه والله العظيم كنت مروح من عند الدكتور النفسي وأنا على آخري فاض بيا خلاص واټجننت وكنت عمال اكسر في كل حاجه پغضب لما هادي كلمني وقالي إنك خلاص هتسافري بكرا ومن بين الحاجات اللي وقعت تحت أيدي الكاميرا بتاع حسان مش عارف لحد دلوقت الكاميرا دي إيه اللي رجعها بعد ما عطيتها للست نادية...
_ حماتي هي جابتها معاها من سنه فاتت لما جات زارتنا بعد شهر من جوازنا وقالتلي أنها مش عارفه تشغلها وكدا ونسيتها عندي وأنا اتلخمت ونسيت اشوفها لها وقتها وعدينا الموقف لأنها سافرت على بلدها لما أنت اخدتها وأنا معرفتش أعمل إيه فحطيتها في الدرج عندك تتصرف فيها وترجعها لها بس نسيت .
أكمل أحمد وهو يمسك بيدها وكلاهما يجلسان على التراب 
_ المهم أنا وقتها لما وقعت في أيدي انهرت من العياط من اللي شوفته فيها ..
كانت أصوات تنفسه هي الطاغية عينيه محمرتين من البكاء ظل يحدق بالكاميرا لبضعة دقائق دون أن يحيد بنظره عنها تمالك منه الڠضب وبلا تفكير اوقعها على الأرض ليصدح صوت حسان بقوة أحمد ....
انحنى أحمد يلتقطها ينظر للشاشة الصغيرة خاصتها والتي تعرض صورة حسان في مقطع فيديو من داخل إحدى المخيمات ..
أحمد لو بتسمع الفيديو ده فاعرف إني مېت يا صاحبي عايز اعترفلك بحاجه أنا كنت عارف مين اللي ملك بتعشقه كان دايما عندي شكوك في أفعالك وكلامك عن حبيبتك إنها نفسها مراتي بس كدبت نفسي مش انتوا بس اللي غلطوا في حقي يا أحمد أنا كمان غلطان ملك مكنتش صريحه بلسانها لكن نظراتها كانت دايما بتقول الحقيقه بتقول إنها عمرها ما هتحبني وإنها رافضة الجواز ده كدبت إحساسي وكملت وقولت مجرد تهيؤات بعد كتب كتابنا زادت الشكوك جوايا أكتر هي بارده معايا تصرفاتها باردة 
حك حسان أعلى حاجبه وهو يكمل ببسمة حزينة 
مع ان هي اللي طلبت نعجل بكتب الكتاب وأنا فكرت علشان تكون على راحتها وتعرف تتعامل معايا بس لقيت عكس كدا لو تفتكر اليوم ده الحيت عليك علشان تحكي لي مالك ولما قولتلي إنك عرفت أنها اتجوزت وان قلبك محروق أنا كمان حسيت نفس إحساسك إن قلبي محروق ومش لاقي اللي يطفيه بحبها ومبتحبنيش بس كالعادة تجاهلت إحساسي 
صمت حسان يمسح على وجهه ثم عاد ينظر للكاميرا 
صارحتني بالحقيقه يوم فرحنا بكل حاجه آه اتاخرت على الخطوة دي بس ده اللي حصل  هي انسانه جميلة وطيبه أنا اللي مفهمتهاش صح كانت مچروحه منك وبتتخبط في الضلمه لوحدها فكرت إنها هتقدر تتخطاك وتكمل بس فشلت زي ما حكيتلك قلبها معاك يا صاحبي 
مسح حسان على عينيه التي غزتها الدموع ثم أكمل 
المهم يا صاحبي أنا بحلك من وصيتي اللي كلها حرام في حرام دي أنا سألت شيخ عنها وقالي إنها مش واجبه وانك مش لازم تنفذها وإن الزواج المحدد باطل بس ڠضبي وكرامتي وقتها كانوا متملكين مني ورغم علمي بكل ده روحت حكيتلك عنها وحكيتلك تفاصيل زواجي كلها بدون ما اخبي حرف واحد علشان اعذبكم أنتم الاتنين وخصوصا أنت سامحني ڠضبي وشيطاني عموني وفكرة إنك أنت اللي مراتي بتعشقه قاټلاني 
رفع عينيه ينظر صوب الخيمة متنهدا بقوة قبل أن يعيد نظره الى الكاميرا مكملا 
قولتلك إني وإنها حتى حقوقي عذبتني بيها ورفضت علشان ابعدك عنها وكل ما تقرب أكيد هتفتكرني أنت قلبك أبيض وضميرك صاحي وأنا حافظك كويس وعارف صاحبي وأخلاقه معلش استغليت النقطة دي سامحني واتعمدت إني اخد منك وعد بالتنفيذ ولاني عارف ساعتها إنك هاتبقى عايز تريح قلبي لما تعرف أن ملك هي نفسها ...
صمت حسان لثواني قبل أن يكمل ببسمة موجوعه 
حبيبتك وإحساس الذنب نحيتي هيجبركم تنفذوا رغبتي المهم أنا عايز أقولك إني مسامحك وإنك تتجوزها مش علشان تعذبها زي ما طلبت منك لا لأنك بتحبها وهي تستاهل كفاية الۏجع اللي عاشته وقول لملك إني سامحتها وإني مش زعلان أنا احترمتها لأنها رفضت توهمني بالحب وهي عقلها وقلبها معاك وأصلا لو حصل أنا مكنتش هقبل بده على كرامتي أبدا أنا اتعلمت منك الحب بجد وكلمتك كانت بترن في دماغي إني لو فعلا حبيتها هاتمنالها السعادة مع اللي تختاره وده كنت بشوفه في عيونك وأنت بتدعي لها تنساك