رواية عيب الشوم الفصل التاسع عشر بقلم مريم احمد

الواتساب 
قالها اتصال من مرتضى ابوها 
كتبت ل مالك على الواتس 
همس...متقولش ل بابا حاجه عشان ميقلقش 
رد عليها برساله و هو بيقولها
مالك... انتي و اختك كويسين..
نزلت دموع همس و بصت على باب اوضة العمليات 
سمعت صوت الوتساب الي بيعلن عن ان مالك بعت رساله تانيه 
بصت ف التليفون لاقيته باعتلها علامات استفهام 
ردت عليه و هي مش شايفه الحروف كويس من كتر عياطها و هي بتقول
همس...هيا خبطتها عربيه و من الساعه 7 و هي ف اوضة العمليات لحد دلوقتي و انا و ماما و جدو هنا مش عارفين عنها حاجه ولا حد راضي يخرج يطمنا حتى 
سكت شويه و بعدين ظهر انه بيكتب و بعد ثواني بعت الرساله و هو بيقول
مالك...ان شاء الله الخير 
ظهرت رساله تانيه و هو بيقول
مالك...هرد على عمي مرتضى عشان بيتصل
بعت كلامه و قفل على طول فهمت همس انه رد على ابوها
بعتتله همس رساله و هي عارفه انه مش هيشوفها بس قالت تأكد عليه يمكن يشوفها
همس...متعرفهوش حاجه يا مالك عشان ميقلقش 
سمعت صوت باب اوضة العمليات بيتفتح و ظهرت الدكتوره 
جريوا عليها و. همس الي قالت
همس...هيا عامله ايه يا دكتوره
اتنهدت سماح بحزن و قالتلها
سماح..بصي هي الحمدلله عايشه 
حمدوا ربهم بفرحه 
كملت سماح و هي بتقول
سماح...بس للأسف هي دخلت ف غيبوبه 
نزل الخبر عليهم زي الصاعقه 
عادل...طب يا بنتي هي هتفوق امتى و هل ينفع ندخل نشوفها ولا لا
سماح...بص يا حاج بالنسبه لإنها هتفوق امتى ف دي حاجه مش بإيدنا ممكن حد يبقى ف غيبوبه و يوف بعد يومين او اسبوع مثلا و في ناس بتقعد بالشهور و السنين
زعقتلها رانيا پغضب و هي بتقول
رانيا...دي كلمه تقوليهالنا انتي ايه مبتفهميش!!!!
اضايقت سماح جدا منها و قالتلها
سماح...انا مقدره بس خۏفك عليها لكن غير كدا لو اتكلمتي معايا بأسلوبك دا تاني انا اقل حاجه اعملها اني اخلي الأمن يرموكي بره المستشفى و متقدريش تشوفي بنتك غير و هي خارجه من هنا 
سكتت رانيا پغضب و همس الي قالت ل سماح
همس...احنا متأسفين ..هو احنا نقدر نشوفها.
هزت سماح راسها و قالتاها
سماح...ايوا بس مش كتير يعني ممكن خمس دقايق بس 
هزت همس راسها و قالتلها
همس....هي ف انهي اوضه
ندهت سماح على ممرضه و قالتلها
سماح...خديها لأوضه 111
هزت الممرضه راسها و قالت ل همس و سماح مشيت 
ياسمين...تعالي 
هزت همس راسها و كانت لسه هتمشي بس وقفتها رانيا الي قبضت على ايديها 
بصتلها همس باستغراب و رانيا زقتها بقرف و قالت للممرضه
رانيا...يلا
استغربت الممرضه جدا و مشيت هي و رانيا 
طبطب عادل على كتف حفيدته الي كانت دموعها نازله و سكت
....سبحان الله و بحمده سبحان الله العظيم
عدى ساعتين كانت همس قاعده على الكرسي الي ف الطرقه و هي بتدعي لأختها
سمعت صوت مالك بصت لاقيته ف الطرقه جاي نحيتهم
قامت و هي بټعيط و مالك قالها
مالك...متعيطيش هتبقى كويسه بإذن الله 
قالتله و الدموع بتنزل من عينيها بغزاره
همس...دخلت ف غيبوبه يا مالك 
اټصدم مالك من الي سمعه بس قالها
مالك..خير كل شئ بيحصلنا خير احمدي ربنا 
هزت همس راسها و هي بتحمد ربنا 
شاف مالك عادل الي كان واقف بعيد شويه و بيبص على اوضه مكتوب عليها رقم 111 فهم مالك ان دي اوضة حفيدته 
راحلها و طبطب على كتفه و هو بيقول
مالك...خير ان شاء الله 
هز عادل راسه و قال
عادل...عامل ايه يابني
مالك...الحمدلله حضرتك عامل ايه
هز عادل راسه و سكت 
قالت رانيا ل همس
رانيا...انتي مش جوزك جيه .. اتفضلي امشي بقى 
بصتلها همس و مردتش عليها و مالك الي سمع كلامها 
مالك...هي دي مش مستشفى دكتور خالد