رواية اسرار الماضي لبنت ناس الجزء الثاني الفصل السادس والعشرون بقلم رينا الهادي

ما تاخدي اللي فية النصيب و نظر للشاب و هو يقول جايبها منين دي يا واد فالح تخلص فلوسك علي الشمال و مش عارف تسد ديونك يا روح أمك .
نهر بسرعة لو الموضوع فلوس نحل الموضوع هو أخد منكم كام 
توقف الشابان عن الضړب و قال أحدهما وإنت هتدفعي 
نهر لو في مقدرتي هدفع أنا أصلا مديونة لة بمعروف عملة معايا وما أحبش أكون مديونة لحد .
أحد الشباب أنا شوفتك قبل كدة إنت فين 
نهر بشتغل في صيدلية دكتور شوقي .
الشاب أيوة صح باجي أخد علاج كتير من عندكم بس كنت فاكرك محترمة .
نهر أنا محترمة و علشان محترمة هحاول أساعد الأخ رغم إني حتي ما أعرفش إسمة لآنة ساعدني فقول أقدر أساعد في إية 
الشاب علية أربعين ألف جنية .
نهر تمام معايا في البوسطة خمسة وعشرين ألف ولاني لسة ما عدتش السن القانوني ماقدرش أسحبهم مرة واحدة لكن أقدر أسحب بالكارت كل يوم خمس تالاف جنية .
الشاب يعني علي خمس أيام طب و الباقي 
نهر مقدرتي أنا ووالدتي كل شهر من أربع لخمس تلاف جنية 
الشاب موافق لكن يكون فية زيادة لكل الف متين جنية يعني تلات تلاف جنية علي الخماستاشر و مش هحسب زيادة علي الخمس أيام بتوع الخمسة و عشرين .
نهر لا أنا مش بدفع ربا لحد هما الأربعين ونظرت للشاب المضړوب ارضا وقالت وكدة أبقي ردتيت جميلك رن هاتفها في تلك اللحظة لتجعلة صامت ثم نظرت للشاب و قالت حضرتك عارف مكان الصيدلية بكرة الساعة خامسة تيجي تاخد أول دفعة .
الشاب دة علي أساس إني وافقت و هو إحنا فلوسنا حرام لا طبعا الفلوس بتتاخد بفايدة .
نهر بثقة و أنا كمان قولت اللي أقدر علية لو قولت غير كدة يبقي بكدب عليك و عندك حل من الإثنين يا توافق وتاخد فلوسك علي قد مقدرتي يا ما توافاش و أبقي حاولت وعملت اللي عليا و أهو قدامكم أهو أنا كدة كدة ما أعرفوش بس رضيت ضميري .
الشاب عاوزة تدفعي أربعين ألف و مش عاوزة ربا إنت تعرفي اللي هتدفعي لة دة مسيحي إسمة إدوارد و بيشتغل في الممنوعات 
نهر مسيحي بوذي ماليش فية و لا في شغلة عمل لي جميل و بردة و لو ما وافقتوش هردة و أنا بعمل لة جنازة محترمة تليق بحد أنقذني من مصېبة ان شالله أشتري لة مډفن أنا إتاخرت علي الصيدلية فكروا لغاية بكرة و قولوا لي عاوزين إية سلام .
كادت أن تمشي عندما مسك ذراعها الشاب و قال طب الفين جنية .
نهر بصوت عالي مش بدفع ربا و سيب دراعي.
الشاب هجرب و نشوف بكرة هتجيبي الفلوس ولا لأ بس التار هيكون عندك لو أخلفتي وعدك .
نهر تمام عين العقل الأحسن تاخد فلوسك وأنتم كدة كدة ضربتوة يعني فشيتوا غلكم فية لكن تعمل حسابك وأنا بديك الفلوس تجهز حاجة بقيمة الفلوس يعني أكيد ماضي لكم علي ورق بفلوس مش هينفع أدفع من غير ما أخد ورق إني دفعت وإلا أبقي ما عملتش حاجة .
الشاب لا ناصحة ماشي معادنا بكرة خمسة في الصيدلية .
نهر تمام لكن ممكن خدمة إنسانية بس من غير فلوس أنا خلاص كدة بقيت مفلسة .
أبتسم الشاب قولي .
نهر هو ضخم أوي و شكلة مش عارف يتحرك من ضربكم ممكن
تجبوة الصيدلية أطهر لة چروحة وأعمل كمدات علي الضړب علي وعسي يتحسن .
الشاب هو عمل إية علشان