رواية لن انساك الفصل الثالث عشر بقلم ريهام أبوالمجد

ضربات قلبه زادت وهي حاسه بيها حط إيده على إيدها وبعدهم شوية عن شفايفه وقال خاېفة عليا
ميرنا بعدت عنه وقالت وخاف عليك ليه أبعد كدا.
عمران ميرنا أنا بحبك وعايزك كفاية بقى بعد وهجر وۏجع.
ميرنا بإنفعال لا مش كفاية أنت زمان كسرتني يوم ما أتخليت عني ورمتني ورا ضهرك وكإني ولا حاجة ليه أنت وقتها مقولتش كفاية.
كملت پقهر ودموع دا أنت حتى ممنحتنيش فرصة إني أقول كفاية قهرت قلبي ووجعتني وخلتني أقبل بوضع أنا مش عايزاه خلتني أظلم نفسي وأظلم سليم لإني معرفتش أحبه ربع الحب اللي حبتهولك.
عمران پصدمة يعني بتحبيني! طب ليه أتجوزتيه يا ميرنا.
ميرنا زقته جامد في صدره وهو جسمه رجع لورا خطوة وقالت بعياط كل دا بسببك لو مكنتش أتخليت عني وفضلت جنبي مكنشي كل دا هيحصل كنت هبقى معاك أنت وملك هتكون بنتك أنت بس أنت أناني قولت إنك مبتحبنيش ولا عمرك حبيتني كان ممكن نواجه الصعوبات سوا كنا هنستمد من بعض القوة وهنواجه لكن لوحدي مكنتش هعرف وهواجه إية وأنت أصلا أتخليت عني في أول محطة.
ضړبته على صدره بقبضة إيديها الإتنين وقالت فاكر لما قولتلك أنا بحبك ونفسي أحقق معاك أحلام كتيرة قولتيلي إية
ضړبته تاني وقالت ما تقول بس أكيد مش فاكر طب أنا هقولك قولتلي إنك ملكشي ذنب وإنك محلمتش معايا بالأحلام دي.
كملت بۏجع وقالت مشيت وسبتني مرة ويومها دخلت في غيبوبة بسببك وأنت مكلفتش نفسك تيجي تشوفني وسيبتني للمرة التانية بس المرة دي سيبتني وأنت في إيدك بنت غيري.
عمران بۏجع بس أنا جيتلك المستشفى يا ميرنا.
ميرنا اڼصدمت وقالت كداب.
عمران بحزن بصي في عيني وأنت هتعرفي إذا كنت بكدب ولا لا.
ميرنا عطته ضهرها وقالت متفرقشي يا ابن عمي.
عمران لفها ليه وقال لا تفرق بصي في عيوني يا ميرنا.
ميرنا لا مش هبص.
عمران قولتلك بصي يا ميرنا وقوليلي بتقولك إية يلا.
ميرنا بصت في عيونه ولاقت فيهم الصدق فقالت بدموع يعني لما مسكت إيدي كان حقيقي
عمران ايوا يا ميرنا وحياتك عندي كان حقيقي وحبي ليكي حقيقي وصادق.
ميرنا مش عايزة اسمع حاجة مفيش حاجة هتغير اللي حصل ولا هترجع زمان.
عمران پغضب لا هتسمعيني المرة دي محدش فينا هيهرب لازم نساعد بعض ونتكلم.
ميرنا أتحرك من قدامه عشان تمشي فهو مسكها من دراعها وقال قولتلك هتسمعيني بطلي عناد.
ميرنا بصړاخ ملكشي فيه سيبني بقى عايزة أرجع الفيلا.
عمران قربها ليه أكتر وقال بحنية عشان خاطري يا ميرنا اسمعيني حرام قلبي مبقاش قادر يتحمل أكتر من كدا أنا قلبي بيوجعني اووي.
بقلمي ريهام أبو المجد  
ميرنا هديت لما شافت حالة عمران فسكتت وهو اتنهد وقال ميرنا أنا طول عمري بحبك من وأنتي لسه بضفاير وحبي ليكي زاد لما كبرتي حسيت فيكي حنان أمي وطيبتها ميرنا أنا عملت كل دا عشانك أوعي تفتكري إنه كان سهل عليا أبعد عنك وإني أقولك الكلام اللي قولته أقسم بالله كنت بتوجع ضعف وجعك.
دمعة نزلت من عيونه واللي عبرت عن صدق كلامه وإحساسه فقال ميرنا أنا لما شوفتك في المستشفى نايمة على السرير لا حول ليكي ولا قوة حسيت إن حد طعن سکينة حادة في قلبي كان ۏجع وألم صعب يتوصف أنا أتحرمت أقولك كلمة بحبك رغم كل الحب اللي جوايا ليكي أتحرمت أبص في عيونك بحرية في الوقت اللي غيري كان مسموح له لا أنتي كنت قريبة فأقدر أضمك ولا أنتي بعيدة فأنساك ودا أصعب إحساس ممكن إنسان