رواية اسرار الماضي لبنت ناس الجزء الثاني الفصل التاسع عشر بقلم رينا الهادي
إتفضلوا من غير مطرود مش عاوزين دوشة .
أومات أخواتها بهز روؤسهم دليل علي الموافقة بكلام اختهم .
نهر لا و النبي ماقدرش أسيب جدو كدة هاعقد ساكتة والله بس أطمن علية و مسكت يدية بضعف فأمسك عبد العزيز يدها هو الآخر يطمانها و فتح عينية ببطء .
عبد العزيز أنا مش نايم يا حبيبتي و كنت مستنيك نظر لبناتة معليش الظاهر معرفتش أربي .
بكت نهر في حضنة .
نهر لا يا جدو هم أعصابهم تعبانة علشانك بس قوم كدة و كلنا هنكون كويسين بوجودك وسطينا .
عبد العزيز إتفضلوا روحوا كلكم نهر و رقية هيقعدوا معايا أنتم من إنبارح هنا روحوا إرتاحوا وغيروا هما هيباتوا معايا إبقوا تعالوا بكرة باذن الله .
عبد العزيز قلت روحوا ولا خلاص كبرت وكلامي ما بيتسمعش إتصلي بأمجد يا نهر يجي ياخدهم ثم نظر الي بناتة انت وصلتي امتي .
نهر من المطار علي هنا لما عرفت إنك هنا .
عبد العزيز يعني مش زي ناس تيجي البلد و لما ييجوا مروحين بيوتهم يعدوا عليا يقعدوا نصف ساعة .
صفية أنا كل جمعة باجي لك و أشوف طلباتك .
عبد العزيز كتر خيرك يا بنتي مش هنكر بتيجي تفعدي مع سلمي وتسلمي عليا إسمعوا أنا بحبكم كلكم و دة مش زعل منكم أنا عارف الحياة مشاغل لكن نهر غيركم و غير أولادكم نهر عملت لي حياة كل يوم تقريبا بتتصل بيا رغم كل إنشغالها تسمع لي و أسمع لها هي مش بنتي أو حفيدتي لكن أقرب ليا منكم فمن فضلكم إمشوا وأنا عارف أنا قاعد مع حد مش متضايق من تعبي ولا وجودة معايا إتفضلوا لاني تعبت .
أمجد أنا قولت كدة برضوا مدام نهر جت هتصحي أخبارك يا نهر إزيك مدام رقية .
نهر ورقية الحمد لله بخير .
عبد العزيز خد مراتك و أخواتك يا أمجد و يبقوا يجوا بكرة الأوضة زحمة و هما تعبوا .
أمجد أنا جبت غيارات لهم وحجزت أوضة جنبك للي عاوز يستريح .
عبد العزيز أعمل اللي بقولك علية نهر و رقية هيباتوا معايا يلا يا حبيبي روحهم و روح شغلك .
إستغرب أمجد لكن نفذ كلام أبوة وفي الطريق اصر علي معرفة ما حدث حكت لة صفية اختة الكبيرة ما حدث ثم اتبعت المسخوطة بتقول لة يا عبدو دة أنا اصغر عيالي أكبر منها و ما يقدرش يقول يا عبدو .
سلمي طفلة طفلة إية دي الي في ثانية ثانوي يا أمجد أصحي يا بابا دة أبوك مخصص لها ورث في الوصية .
أمجد وإنت عرفتي منين بتتجسسي علي بابا يا سلمي
