رواية امال ضـائـعـة الفصل الخامس بقلم اية احمد ابوداعوس
.
بسملة ههههه كوكي واقف كالعادة يا حول الله يارب
آمال نعم ! كوكي!!
بسملة إتخضت لأن مأخذتش بالها إنها قالت كوكي وبعدين قالت لآمال أكرم يعني يبنتي بس عشان بنشوفه كل يوم فالواحد حس بعشم وإن أخد عليه .
آمال طيب تمام عيب بردو وبطلي ضحك ومتبسيش ناحيته مش دا كلامك إمبارح! وعشان بردو متلفتيش نظرة أكتر ما هو ملهفوت خلقة .
بسملة والله يا لولو بدأ يصعب عليا وشكله واقع ودايب جامد وعلفكره عرفت امبارح إن أنا كنت فهماه غلط عشان كده الاول كنت بتكلم بعصبيه ونرقزة لما تيجي سيرته لكن لما فهمت الحقيقه عرفت يعيني إن كنت ظلماه وإن مش بتاع بنات ولا بنت حامل منه ولا أي حاجة من اللي قولتهولك الأول دا وكان معاكي حق إن بعض الظن إثم.
اليوم خلص وخلصوا محاضراتهم وفاضل محاضرة واحده لكن بسملة محضرتهاش لأن الدكتور الأخير طردها لأنها نايمة في المحاضرة.
أول ما آمال خلصت المحاضرات وطلعت لقت أكرم في وشها وعمال يبص عليها لكن هي مشيت ونزلت تحت لكن هو مشي وراها .
آمال أول ما لقت أكرم ماشى وراها إتعصبت جدا وشعرت بعدم الأمان ووقفت مره واحده وبصت وراها .
آمال بعصبية بصتله وقالت هو في إيه بالظبط !! هو أنت موركش غيري ! معندكش محاضرات معندكش مذاكره معندكش صلاة ولا فروض مفروض تقضيها انت كنت بتقول إنك في رابعه يعني آخر سنه ليك المفروض تشد على نفسك عشان تخرج بتقدير كويس وعيب إنك تفضل ماشى ورا بنت وملاحقها في كل مكان كده يا استاذ أكرم! أنا ولا أعرفك ولا عاوزه أعرفك ولا أعرف غيرك أنا جايا هنا عشان أتعلم وبس وأهلي جايبني هنا وواثقين فيا وهما ناس على قد حالهم وبنفهم كويس في التقاليد والحلال والحرام زي وقفتي وكلامي معاك دلوقت بس انا خلاص جبت أخري بجد مش فاهمه أنت عاوز إيه مني ! فأرجوك أعتبرني أختك ومتعمليش مشاكل بقا انا ولا قدك ولا قد عيلتك فسيبني في حالي الله يسترك وأنا زي أختك .
آمال استغفر الله العظيم يارب ارجوك انا مليش في الكلام دا أنت لسه بتدرس فركز في دراستك وكبر دماغك مني خالص...عن إذنك .
ومشيت آمال وطلعت السكن وهي أعصابها بايظه من التوتر والعصبية وعماله تفكر في كلام أكرم.
____الڪاتبة_آية_أحمد_أبوداعوس______
عدت كام ساعة وآمال كانت بتصلي المغرب وقتها لكن يدوب سلمت ولقت بسملة بتفتح باب الأوضة.
آمال أهلا
