رواية احمد وعم حسن الفصل الخامس بقلم اية محمد

و أندهلنا ناكل نكون ريحنا شوية
نورا بضحك جدعه أيوا كدا سيطري من الأول
حمزة دا مش هزار دا قلة أدب
حبيبة إي يا بطه زعلتي!
حمزة پصدمه بطه!!
حبيبة بط نورهان ونورا عاملين بط النهارده يدوب تروح تسخنهم علي ما عمي إبراهيم يجي
نورا بضحك منصحكيش تدخلي حمزة المطبخ يا حبيبة دا بيعمل كوارث عشان يعمل كوباية شاي
حبيبة بضحك واضح والله خلاص هقوم أنا وأمري لله
حمزة يعني ايه واضح أوي!!
حبيبة نامي يا نورا شوية علي ما يجوا
خرجت حبيبة و دخلت المطبخ وحمزة دخل وراها
حمزة واضح إزاي مش فاهم!!
حبيبة واضح أنك سي السيد كل حاجه بتتعملك وأنت قاعد مكانك علشان كدا مبتعرفش تعمل حاجه لنفسك تاكلها
حمزة بخبث وأنتي بتعرفي
حبيبة أيوا طبعا
حمزة عشان أنتي مكانك المطبخ
حبيبة پصدمه أنت كدا قصفت جبهتي يعني!! علفكرا بقي أنت رجعي ومتخلف وغير متحضر إطلاقا
 حمزة أنا بالنسبالي زوجتي مكانها قصر وهي الملكه فيه أسيبها تحكم قلبي كمان بس معاكي ومع طولة لسانك هتبقي كل حاجه غير ملكة أو أميرة
حبيبة وإسم الله عليك إنت المهراجا ولا الملك نجم الدين جوز شجرة الدر
حمزة لا يا قلبي أنتي شجرة الدر جاريه من سوق الجواري
حبيبة جاريه في عينك يا قليل الأدب
حمزة لا متخلنش أقل أدبي وساعتها هتحبيني علفكرا
حبيبة بقولك إيه أخرك هاته و لو شعره مني أتهزت يبقي هقص شعري
حمزة بتحدي يبقي لحد رقبتك
حبيبة بعند متحددش لأن مش هيحصل
حمزة هيحصل ركزي بس في الأكل اللي هيتحرق دا
حبيبة طب أوعي
حمزة حاضر يلا بسرعه متتأخريش
حمزة سابها وخرج من المطبخ رجع لأوضته وهو بيفكر في خطته اللي خطرت علي باله 
بعد ربع ساعه حبيبة كانت مشغوله في تجهيز الأكل عملت كوباية عصير لنورا ولسه خارجه من المطبخ خبطت فيه والعصير وقع عليهم
حبيبة پغضب لا إله الا الله أنت بتطلع منين يا أبني!!
حمزة عصير إيه اللي وقع دا!
حبيبة پغضب يا برودك أبعد عن المطبخ وعني خالص
حمزة هو أنا قربت منك! ولا هو تلكيك وخلاص
دخلت حبيبة المطبخ وصبت كوباية عصير تانيه وخرجت بيها لأوضة نورا وحمزة وراها بيضايقها
حمزة طب وأنا مليش
حبيبة لما تحمل هبقي أعملك حاضر
حمزة بضحك مش أنا اللي هحمل يا عسل أومال أنتي فين
حبيبة أنزل بطموحاتك لتخبط في السقف يا حبيبي
حمزة معاكي حق كدا كدا أنتي مش ذوقي
حبيبة أنت يبقي ليك ذوق ليه! شاروخان! هاري بوتر
حمزة حمزة إبراهيم
نورا بنوم هتفضلوا تتخانقوا كدا كتير إطلعوا برا عاوزة أنام
حبيبة قومي إشربي العصير دا قبل ما يلبس في وش أخوكي
حمزة تقدري
حبيبة أيوا أقدر بس مرة تانيه عشان دي أخر كوباية وعندنا واحده نهتم بيها هنا
حمزة هصدقك حاضر يلا يا نو
وقف عن الكلام لما لقي نفسه أتغرق بالعصير وأتبهدل بيه نورا بصتلها پصدمه و حمزة كان ساكت وبيضغط علي أسنانه بقوة سحبها من إيديها ودخل بيها أوضته
حمزة أنتي عارفه عواقب اللي عملتيه دا إيه!!
حبيبة ميهمنيش المهم أني أثبتت أني أقدر
حبيبة ورب الكعبه لو قربت مني لأضربك بالكوباية دي في راسك
حمزة ما قولتلك أنتي مش ذوقي الهدوم دي تتغسل حالا و الارض تنضف وإلا
حبيبة بتحدي وإلا إيه!
حمزة وإلا أقسم بالله ما يفضل كتب كتاب بس ويبقي فرح وأنا أقسمت بالله وقتها هعتبرك ذوقي
حبيبة بصتله بضيق وأخدت الهدوم وخرجت من الأوضه شغلت الغساله وحطت فيها المسحوق والقميص خرج حمزة بعد شوية وحط باقي هدومه في الغساله وهي بصاله پغضب 
أخذ الخلاط و بدأ يعمل عصير تاني وصب كوباية لنورا وسابلها كوباية جمبها
حمزة حلو للأعصاب هتهدي
حبيبة پغضب غور من وشي بقي
حمزة بضحك هروح أقعد جمب أختي
بعد ربع ساعه كان الأكل جهز و هدوم حمزة أتغسلت إبراهيم رجع ومعاه نورهان وبعدهم وصل علي
حمزة خدي إلبسي الإسدال دا عشان علي جه برا
حبيبة طيب خد بقي الغسيل دا أنشره
حمزة يعني انتي مستنيه الراجل يبقي هنا وتطلعيني انشر هدوم لا طبعا
حبيبة أومال أنا هعمل كل حاجه لوحدي
حمزة أصبري أما يمشي وهنشره
حبيبة طيب تعالا حول الأكل علي السفره
حمزة طيب طيب
خرج حمزة ورجع هو ونورهان وبدأوا ياخدوا الأكل وهي تغرفه أتغدوا سوا وقضوا وقت جميل و نورهان أتطمنت علي أختها ومشيت هي
يتبع
أية محمد