رواية اسرار الماضي لبنت ناس الفصل السادس بقلم رينا الهادي

سلمي معاك و ما تقلش لأحمد عاوزة أعملة مفاجئة .
رقية قالت لأحمد أن أمجد رايح القاهرة و هيعدي عليهم بعد كام يوم أحمد إضايق و هي حست فقالت بدلع خلاص بقي يا حمادة أنا إتجوزت حبيبي و هو كتب كتابة و هيجوز إنسي بقي .
بصلها وقال ڠصب عني يعني مش هنسي أنة كان عاوزك زوجة و إتقدم ليك و من حقي أغير ولا إية 
مسكت خدودة بهدوء رقية هو بالنسبة ليا أخ و زميل و بس كان معجب بيا لكن مش بيحبني مجرد بنت مناسبة و شوفت ساعدنا قد إية هو يبان من برة عصري و رجل اعمال بس هو صعيدي و دمة حر و يعرف في الأصول و إحنا سيبا الصعيد و جينا هنا يعني شوية شوية و كل واحد مننا ينشغل بحياتة فخلينا ما نخسرش حد كدة كدة الأيام بتبعد الناس عن بعضها .
أحمد إنت شايفة كدة.
رقية أيوة وإنت عارف حبي ليك قد إية بس أنا مش عارفة بقي حبيبي مبوز في وشي لية 
أحمد أخدها في حضنة لا إخص عليا معقول أبوز في وش روحي .
بعد كام يوم
أمجد راح لأحمد المستشفي و قال قلت آجي عليك و بعدين أمشي معاك إنتو عازميني النهاردة صح ولا أية 
أحمد رحب بية وسلم علية وقال
إنت تؤمر دة إنت جمايك علينا كتير .
أمجد مش جمايل رقية أختي وانت أخويا و يعلم ربنا معزكم عندي المهم أخبار العزومة إية 
أحمد رقية ما تتوصاش بتجيب كتب أكلات و بتطبقها عليا الحمد لله هتجرب معايا النهاردة .
وهما ماشين
أمجد بتعرف تسوق موتوسيكل 
أحمد علي قدي مش قوي يعني ركبتة مرتين ثلاثة مع واحد صاحبي .
أمجد أصل أنا جاي بية نروح بية بقي و هعلمك شوية حاجات فية.
أحمد جاي من الصعيد بية 
أمجد ضحك جامد لأ طبعا من القاهرة مش من الصعيد المهم يلا هعلمك شوية حاجات و ركبوا سوا و وصلوا البيت كانت رقية مستنية أول ما شافتهم جريت عليهم
وقالت إية دة فين صاحبتي 
أمجد معلش المرة الجاية أصلي كنت جاي من مصر بموتوسيكل و كنت عاوز أنا و أحمد نتمشي بة شوية هتلاقية في مدخل البيت أهو.
رقية جريت تشوفة الله دة حلو قوي ولا إية 
أحمد أيوة بس لية مش إنت عندك عربية 
أمجد لا دة مزاج يبقي الهواء محاوطك و بيطير فيك و خصوصا في الشتاء و الصيف بتحس بالهواء أكتر إية إنتم عاوزين تضحكوا عليا ولا إية أنا عاوز أكل عاملين آكل إية 
رقية إنت قولت عاوز أكل فلاحي أنا عملت بط و ملوخية و بتنجان بالثوم و الفلفل واليمون و عيش قمح فلاحي .
أمجد بااااااس فين الحمام أغسل إيدي و المصحف جوعت أكتر .
أحمد بضحك وأنا كمان .
رقية طب إدخلوا إغسلوا ايديكم وأنا مجهزة جلابية لكل واحد فيكم علشان تتغدوا براحتكم وأنا هدخل أسخن واحمر .
أحمد أخد أمجد للحمام الأول غسل فية وشة ولبس جلابية وطلع بعدها أحمد دخلة المضيفة و دخل اوضتة يغير كانت رقية بيتسخن و شافت أمجد في المضيفة راحت ودتت دورق ماية و عصير و قالت بصوت واطي قولت لة حاجة
أمجد عيب عليك خودي المفتاح أهو علشان أنا هقعد شوية وماشي مبروك عليكم .
رقية التمن كام وأوعا تقول لأ.
أمجد عارف طبعك إنت وجوزك آدي الفاتورة و لعلمك عاملين ليا خصم كويس أصلا أنا زبون بس أبقي حطيهم في حسابي مش هعرف أمشي بفلوس بصت للفاتورة وضحكت كويس