رواية ضراوة ذئب الفصل السادس عشر بقلم زين الحريري

بتكتم ۏجعها و أنينها قلبه وجعه عليها ف خرج بكفه التاني تليفونه من جيب بنطلونه و داس على رقم و رفعه ل ودنه و لما رد الطرف الآخر قال بهدوء
رحاب .. طلعيلي شريط مسكن و إملي إربة فيها ماية سخنة و هاتيهالي! و كوباية قرفة أو أي حاجه سخنة! بس بسرعة!
حاضر يا بيه!!
هتفت رحاب بتوتر قفل معاها و حاوط وش يسر اللي كان أحمى جدا ميعرفش من الخجل ولا من الۏجع قلق عليها أكتر ف همس برفق
أنزل أجيبلك pads
نفت بسرعة بخحل رهيب طغى على ألمها و قالت
لاء .. لاء خلاص جيبت من حجة رحاب!!
ماشي!
قال و هو بيمسح على خديها بإبهاميه تحاشت النظر لعينيه ف نزل بعينيه ل لبسها وقال بضيق
هتنامي إزاي بالجينز ده! هجيبلك بيچامة!!
و لسه كان هيقوم إلا إنها مسكت دراعه و قالت ب رجفة
أنا هقوم .. معلش لو مسحت!!
طيب!
قال و هو مش عايز يضغط عليها ف قامت دخلت غرفة تبديل الملابس بتحاول تهدي تسارع أنفاسها الخجولة غيرت لبسها ل بيچامة محكمة و لكن مريحة خرجت حاطة إيدها فوق معدتها السفلية لقته بيحط مشروب القرفة على الكومود جنب السرير و جنبه كوباية ماية و الإربة على السرير قربت من السرير و قعدت عليه بتوتر ف لفلها .. مسك إيدبها برفق و قومها و قعدها على مكان قريب من المخدة أفرغ حباية في كفه من شريط المسكن ف قالت بخجل
بلاش مسكن في ناس بيقولوا إنه بيمنع الحمل و آآ ..
قاطعها بحدة
يمنع الحمل مش مهم بس مش هسيبك بتتقطعي من الۏجع قدامي كدا عشان عيل مالوش لازمة!!
و حطها في بؤها و شربها ماية و هو بيقول ساخرا
و بعدين حمار مين اللي قال كدا!
مردتش عليه و منعت إبتسامة من التشكل على ثغرها و هي بتبصله دفع كتفيها ب رفق و هو بيقول
نامي .. إفردي ضهرك! ضهرك واجعك صح
بصتله پصدمة و قالت و هي بتنام على ضهرها
إنت عرفت إزاي كل دة!!
قعد جنبها و قال بهدوء
قرأت عن الموضوع عادي!!
أخد الإربة السخنة و إطمن بإبده إنها مش سخنة أوي عليها ف حطها على معدتها السفلية برفق حطت يسر إيديها على إيده اللي على الإربة و همست بإمتنان
أنا مش عارفة أقولك إيه!!
إبتسم بهدوء و مسح على خصلاتها و قال
قوليلي إنك بقيتي أحسن!!
أسرعت بتقول بإبتسامة
الغريبة إني فعلا بقيت أحسن!!
إبتسم و قال بهدوء
طيب الحمدلله!
بعد دقائق سندت شهرها على ضهر السرير و مسكت كوباية القرفة و شربتها دفعة واحدة لتنكمش محياها بإشمئزاز ف إبتسم و قال
براڤو
حطت الكوباية على جنب بصتله بتردد و قالت بنبرة خجولة
زين .. ينفع أنام على الكنبة خاېفة أبوظ السرير يعني و آآ...
بتر عبارتها قائلا بضيق
و بعدين في فردة الجزمة اللي في دماغك دي! نامي يا يسر ربنا يهديكي!!
إبتسمت ڠصب عنها ف شال الإربة من على بطنها و حطها على جنب طفى الأنوار ف نامت على جنبها مقربة قدميها لصدرها كانت مدياله ضهرها لما نام جنبها إتفاجإت بيه بيحضنها من ضهرها وإيده على معدتها السفلية ف قالت بتوتر
زين!!
قال برفق
هحضنك بس .. مټخافيش!!
غمضت عينيها و نامت بعمق قبل شعرها و نام هو الآخر بعمق!
يتبع