رواية منزل ميراچ (ابنة الدجال) الفصل الاول بقلم شريف صلاح الدين

احنا دلوقتي جوه بيت صقر حميده او الدجال زي ما الناس مسمياه ويعتبر من اكتر الناس علما بالسحر الاسود ومن اخطر الناس اللي بيطبقوه بلا رحمه ولا شفقه ومش بيفرق معاه السحر ده معمول لمين ولا الغرض منه ايه المهم انك تدفع ولو عاوز ټأذي بالسحر ابوه او امه هيوافق عادي صقر حميده او الدجال. 
كان زمان شخص عادي جدا زيي وزيك بيقوم من النوم يروح شغله ويرجع اخر النهار لبيته وولاده جايبلهم اكل وشرب وحاجات حلوه من اللي بيحبوها لحد ما حصلت معاه حاجه خلته يتغير 180 درجه ايه اللي حصله ده اللي هنعرفه بس الاول خلوني ابدء القصه من نصها مش من بدايتها.

يوم الاتنين 1212004..
كانت ميراچ صاحبة العشر سنين لابسه ومستعده انها تروح علي المدرسه ولما شافت ابوها خارج من الحمام جريت عليه وقالتله.
بابا انا حلمت حلم وحش اوي
خير يا حبيبتي حلم ايه ده يا ميراچ
حلمت ان في راجل شكله وحش اوي جالي واداني كتاب وعصايه كده شكلها غريب وكانت ليها مقبض عامل زي راس الافعي وقالي اقټلي ابوكي ومشي وسابني وبعدها قومت من النوم.. مين الراجل ده يابابا.
سرح الاب شويه وبعدين ابتسم وقالها. 
لا يا حبيبتي ده كابوس عادي وملهوش تفسير غير انك تقلتي في العشا شويه.
وبعدها ابتسم ليها وقالها. 
روحي علي مدرستك وانسي اللي انتي قولتيه ده خالص ومتحكهوش لحد علشان ميتريقش عليكي ماشي يا ميراچ يا حبيبتي..
مشيت البنت وقررت تنسي زي ما قالها ابوها بس ياتري الاب هينسي اللي قالته بنته..
بعد ما مشيت ميراچ قال لنفسه..
مفيهاش اختيار تالت يا صقر يا اما اموت علي ايديها يا اما ټموت هي علشان بوابة البيت تتفتحلي وابدء حياه تانيه... ومعاها يبدء عصر الدجال.. وكل اللي قال عني مليش وجود ولا ليا قيمه يعرف ان حياته مش هتبقي حياه الا بيا انا ده الحلم يا صقر وحلم الدجال لازم يبقي حقيقه لازم.. 

بعد مرور اسبوع.. يوم الاتنين 1912004
كانت ميراچ قاعده في اوضتها بتذاكر وكانت امها في المطبخ وكالعاده مشغله اغاني علي الصب وقافله باب المطبخ عليها في الوقت ده كان الاب راجع من بره ولاحظ