رواية انا الذي احبك الفصل التاسع والاخير بقلم ريهام ابوالمجد
مراتك ومتعملشي كدا تاني معندناش رجالة تمد إيدها على ستات.
عصام أنت مش شايف بتقول أي
آدم خلاص حقك عليا ما احنا بندفع تمن اختيارات أمك.
سماح بحزن أنا آسفة يا ولاد حقكم عليا.
في الوقت دا آسيا طلعت بسرعة قبل ما آدم يشوفها.
مرفت اتوعدتلهم بغل في نفسها وفعلا طلعت مع عصام وياسمين فضلت مع أمها وآدم طلع عشان يشوف حبيبته.
ياسمين أنا أسفة يا ماما.
سماح حضنت ياسمين وفضلت تبوس فيها وقالت بعياط أنا اللي أسفة يا حبيبتي أنا السبب.
ياسمين خلاص يا ماما ننسى الماضي بس عشان خاطري بلاش ټأذي آسيا تاني هي بتحبنا وكويسة وملهاش ذنب في أي حاجة.
ياسمين ايوا يا ماما أرجوك.
آسيا كانت شايلة أسيل وبتمشي بيها في الأوضة بعد ما أكلتها وأسيل نامت وحطتها في السرير وهي راحت قعدت على السرير وأول ما سمعت باب الشقة بيتفتح نامت على السرير وعملت نفسها نايمة.
آدم فتح باب الأوضة لقاها نايمة بس عرف أنها عاملة نفسها نايمة عشان خاېفة منه فقرب منها ونام جنبها وحضنها من ضهرها جامد وهي اتخضت مكنتشي متوقعة رد فعله وهو قرب منها اووي وقال كنت خاېف عليكي اووي يا آسيا كنت خاېف أخسرك لما ياسمين قالتلي اللي الواد عمله معاكي حسيت بڼار جوايا حسيت إني ضعيف عشان مش قادر أحافظ عليكي وحسيت بقلة حيلة أنتي وجعتيني اووي يا آسيا.
آدم عشان كنت حاسس إني هخسرك يا آسيا.
آسيا بندم أنا أسفة يا آدم والله ما هتتكرر تاني.
آدم قام بعصبية وقال وهو أنا هسمحلك أنها تتكرر تاني يا آسيا.
آدم كان نفسه يبادلها الحضن بس لسه زعلان منها هي مش متخيلة لو مكنشي لحقها كان ممكن يعملوا فيها أي.
آدم آسيا سبيني لوحدي دلوقتي لحد ما اهدي أنا جوايا حرب أنتي متعرفيش عنها حاجة.
آسيا بعياط آدم حبيبي أنا أسفة سامحني أنت سامحت ياسمين سامحني أنا كمان عشان خاطري.
آدم بعصبية سامحت ياسمين عشان هي غلطها مش زيك أنتي غلطك أكبر أنتي مش متصورة كانوا ممكن يعملوا فيكي أي وبعدين أنتي مش زي ياسمين هي أختي إنما أنتي مراتي وحبيبتي وشريكة حياتي احنا اخدنا وعد اننا نتشارك في الحلوة والۏحشة أننا منخبيش حاجة عن بعض ومهما حصل لازم إيدنا تكون في إيد بعض يا آسيا.
وبعدين كمل بتعب وحزن وقال لو سمحتي يا آسيا سيبيني لوحدي دلوقتي.
آسيا قربت منه وقالت لو الوحدة من نصيبك فأنت كمان من نصيبي ومن حقي أشاركك في وحدتك دي.
آدم هدي شوية بعد كلامها دا وقال أنا حصلت عليكي بعد معاناة يا آسيا وأنتي مش مقدرة دا أنا بخاف عليكي أكتر من أي حد بخاف عليكي من روحي ونفسي أنتي متهورة يا آسيا ومعتمدة على حبي ليكي وعارفة إني مش بقدر على زعلك.
______________ بقلمي ريهام أبو المجد ____________
آسيا آدم أنا مش كدا وزي ما بتحبني أنا كمان بحبك عارفة إن حبك ليا أكبر وأنا مقدرة غضبك ومش زعلانة منك أنا زعلانة من نفسي عشان زعلتك والله حقك على قلبي يا آدم.
قربت منه وقالت آدم تعالى أداوي چرحك.
آدم شاور على قلبه وقال طب ومين يداوي دا
آسيا قربت منه وحطت
