رواية قصيرة القامة طويلة اللسان الفصل السادس والعشرون بقلم شيماء صبحي
ولا مبهر والا حاجه وحضرتك اللي مخليتها تحبني !!! ..
قمر واحمد وصافي ضحكوا وهوا قال علي العموم في الحالتين بتحبني وانا بحبها..
احمد قرب من محمد وقال عمالين تتجوزو واحد ورا التاني بتحسسوني اني عجزت
محمد بابتسامه مين دا الي عجز بس والله دا انا الي حاسس اني بكبر وحضرتك بتصغر..
احمد ضحك علي كلامه وقال لصافي شايفه الولد بكاش طول عمره..
قمر هزت راسها وراحت مع صافي وفضل احمد ومحمد واقفين وبيتكلموا
_____________
وفي الشركة وبالتحديد في مكتب هادي كان قاعد هو وسعيد وعبدالله ..
وسعيد بيقول بجديه المشروع دلوقت ماشي تمام والعمال بدأو حفر ولاكن واقفين علي بقيت التصميم ..
سعيد وعبدالله قامو علشان يجيبو اللوحه الي بيشاور عليه بإستغراب واول مفتحوها قدامه قالو بانبهار انت عملت كل دا امتي يا هادي!!
هادي هز راسه وقال انا كنت مصمم نصها وقت الدراسه ولاكن كملتها اول لما رجعت من السفر..
سعيد باستغراب بس انت ازاي ظبط شكلها علي شكل الارض بالظبط كدا ..
عبدالله بصله وقال بتشجيع انا اول مره اشوف تصميم حلو كدا !
هادي ابتسم ووقف جنبهم وقال ناقص بس سميح يشوفها وبعدها تحولوها للمهندسين علي الموقع..
سعيد هز راسه وقال بس انا من رأيي نحولها علي الموقع الاول وبعدين سميح يروح هناك ويشوفها..!
سعيد هز راسه وقال اكيد طبعا شاكك .. ادهم النجار عارف ان سميح استسمر في الشركه واكيد عارف ان هو السبب في اننا نستلم المشروع دا فاكيد فيه ناس حوالين سميح بيراقبوه وبيبلغو ادهم بكل حاجه بتحصل فاحنا هنخلي سميح هوا اللي يروح يشوفها هناك مش هنبعتله حاجه
سعيد وعبدالله هزو راسهم وبعدها هادي طلب منهم كل واحد يروح علي شغله وبعدها قعد وهوا بيفكر ازاي هيرد حقه وحق والده بس بطريقه تليق بمقامهم...
هادي وقف وخرج من مكتبه وكانت ساره شغاله بتجهز ملفات كان طالبها منها .. قرب منها وقال بهدوء ساره انا عايزك تجيبي بدله فخمه جدا وتبعتيها علي القصر..
ساره هزت راسها وقالت البدله لحضرتك يا فندم..
هادي هز راسه بلأ وقال لأ لمحمد..
ساره ابتسمت وقالت ايه المناسبه يا فندم علشان اختارها بنفسي.
هادي هز راسه وقال بابتسامه كتب كتاب!
ساره هزت راسها وابتسمت وقامت وهيا بتقول بعد اذنك يا فندم علشان الحق اجيبها عاوزها علي امتي..
هادي هز راسه وهوا بيبص في ساعته وقال كمان ساعتين وعايزك تبعتيلي مصفف شعر رجال علي هناك.!
ساره هزت راسها ومشيت وبعدها هادي مسك تيلفونه ورن علي قمر وقال النهارده كتب كتاب محمد وسهر صحبتك حابه تروحي معانا ولا تسبقينا
