رواية قدر لنا اللقاء الفصل الرابع بقلم ريهام أبوالمجد
دي المشكلة أنك ابن عمها يعني أكيد شبه أبوها.
غسان حاول يهدي نفسه عشان ميتعصبشي عليه وشروق تخاف منه لأنه واضح اووي أن حازم غالي عليها زي ما بتقول.
غسان بهدوء بص يا حازم أنا عايز أشكرك في الأول أنك كل السنين دي واقف جنب شروق زي ما بتقول وأنك بتساعدهم وكنت ونعم الأخ ليهم ثانيا عايزك تعرف إني مش شبه عمي ابدا وإن شروق أغلى حاجة عندي وعمري ما أأذيها دا أنا مصدقت إني الاقيها.
حازم وأنا مش مستني منك شكر وأنا معملتش حاجة تستدعي الشكر وبعدين أنت متعرفشي حاجة عن علاقتنا ببعض وبعدين حضرتك عايز أيه دلوقتي وليه ظهرت في الوقت دا أنت متفق مع والدتها ولا أيه
غسان بعصبية بقولك أيه أنت تهدى كدا وتسكت خالص بدل وأقسم بالله أبيتك في الحجز النهاردة أنا خلقي ديق وبعدين أبعد كدا عايز أتكلم مع شروق.
غسان مسكه من هدومه ولسه هيضربه شروق اتدخلت وقالت غسان لو سمحت نزل إيدك عن حازم حالا.
غسان سمع كلامها ونزل إيده وهي قربت من حازم وقالت حازم معلشي خليه يتكلم مش هنخسر حاجة.
حازم بضيق مدام دا هيريحك يا شروق خلاص حاضر.
شروق متقلقشي يا حازم أنا كويسة.
غسان حط إيده على أكتافها وقال عايزك تسامحينا يا شروق والله ما كنا نعرف يا حبيبتي ارجعي معايا وعيشي وسط أهلك وفي حضڼ أمك سمية دي ھتموت عليكي وكل يوم بتنام ودموعها على خدها ومش بتبطل تدعيلك.
حازم مدايق وعمال ينفخ هو حاسس بالغيرة منه مش عايز حد ياخدها منه ولا يبوظ علاقتها وتعلقها بيه بس مضطر يستحمل عشان خاطرها هو نفسه تعيش وسط أهلها بس في نفس الوقت هو عايزها ليه هو ويفضلوا عايشين عيلة مع بعض ومحدش يقرب منهم غيره.
شروق غسان أنا مسمحاك لأنكم زي ما حكيتلي متعرفوش حاجة وفعلا ملكوش ذنب أنا لو كنت مش مسامحة حد فهيكون مدام مروة وسامح بيه مش مسامحاهم ولا هسامحهم لكن أنتم ملكوش ذنب عشان كدا ارتاح يا غسان.
غسان بفرح بجد يا شروق يعني أخيرا هترجعي تعيشي وسطنا تاني
حازم پصدمة شروق أنتي بجد هتسيبينا
غسان بعدم فهم مش فاهم.
شروق بص يا غسان أنا قولت إني مش زعلانة منكم ودي حقيقة لكن إني أرجع أعيش معاكم دا مستحيل أنا مقدرشي أسيب أخواتي ابدا أنا حياتي كلها معاهم عيشنا الحلو والمر سوا واجهنا العالم واحنا إيدنا في إيد بعض احنا اللي بينا مش ډم عارفة بس اللي بينا اقوي من الډم اللي بينا مفيش حاجة تقدر تكسره ابدا مينفعشي اتخلى عنهم لأنهم عمرهم ما اتخلوا عني هم أهلي وناسي يا غسان أنتم أهلي الحقيقين اللي پالدم لكن هم أهلي الروحانينين هم كل دنيتي هنعيش سوا وڼموت سوا واحنا إيدنا في إيد بعض.
غسان بحزن يعني مش هترجعي خالص طب حتى مش عايزة تشوفي ماما سمية
شروق ابتسمت وقالت أكيد هقابلها بس مش دلوقتي أنا لسه مش مستعدة يا غسان اديني وقت استوعب حتى اللي حصل.
غسان ابتسم وحضنها وقال خلاص يا حبيبتي خدي وقتك مش هضغط عليكي.
بقلمي ريهام
