رواية جعلتني أقوي الفصل السابع بقلم شيماء صبحي
بتبص علي روح باستغراب انا هنا مع اصحابي البنات بس غريبه يعني يا حضرت الظابط انك عندك وقت تخرج فيه ...
يونس بصلها بضيق وقال وايه الغريب يعني يا ناديه وبعدين احنا هنا علشان شغل ومش وقت فاضي ولا حاجه..
ناديه بصت لروح وقالت بسخريه وهيا بتشاور عليها من فوق لتحت ودي بقت شغل..
روح اتحرجت جدا من كلامها وطريقتها في وصفها فسابتهم يكملوا كلام ودخلت الحمام ..
ناديه هزت راسها وقالت اكيد هروحلهم بس انت مش حابب تعزم عليا اقعد معاكوا ولا ايه يا يونس..
يونس بصلها بضيق وقال بقلك دا شغل يا ناديه !!!
ناديه بصتله وهزت راسه ومشيت من قدامه بدلع ورفعت شعرها علشان يخبط في وشه ...
روح خلصت وفضلت واقفه جوا ومحروجه تخرج لانها عارفه ان ناديه خطيبت يونس اكيد عملت مشكله معاه بسببها ..
ويونس فضل واقف قلقان عليها علشان اتاخرت فاول ما شاف بنت داخله وقفها وهوا بيقول بو سمحتي يا انسه في بنت جوا ممكن بس تشوفيها علشان اتاخرت..
كانت روح واقفه في جنب وهيا ساكته فقربت منها البنت دي وقالت انتي كويسه ..
روح بصتلها وحركت راسها بمعني ايوا فالبنت كملت كلامها وقالت في شاب برا بيسال عليكي وقلقان طلب مني اطمن عليكي..
روح رفعت راسها وقالت بالاشاره هو كان لوحده ..
روح هزت راسها والبنات بعدت عنها وبدات تغسل ايديها وروح عدلت هدومها وخرجت واول مشافت يونس بصت في الارض بخجل ..
يونس اتضايق من زعلها لان ناديه غلست عليها فقرب منها وقال انتي كويسه يا روح..!
يونس قرب منها ومسك ايديه وقال روح ردي عليا مټخافيش خلينا نمشي من هنا..
روح بصتله وهزت راسها وهوا راح للطرابيزه وبلغ عماد انهم هيمشوا علشان روح تعبانه شويه ومحتاجة ترتاح ..
عماد وقف بقلق وقال خير يا يونس هيا مالها.. يونس وقفه بايديه وقال لا خليك انت انا هاخدها ونمشي المهم دلوقت انا عايز اكون معاك في المهمه دي علشان منصور دا انا لازم قبض عليه بنفسي..
_______
ناديه واصحابها كانوا متابعين يونس والبنت اللي معاه وناديه اول مشافتهم خرجوا سابت اصحابها من غير اي كلمه ومشيت وراهم وقفت تبص عليهم وشافت يونس وهوا بيفتح الباب لروح وبيبتسملها اتغاظت جدا من البنت اللي معاه وفهمت انها مش مجرد بنت جارة ماجده زي مقالتلها وان في علاقه بينها وبين يونس ..
يونس اتحرك بالعربيه وناديه ركبت عربيتها ومشيت وراهم ..
يونس بص لروح ومسك ايديها وهو بيطمنها وبيقول روح اهدي بق مټخافيش وبعدين هيا ناديه كدا طول عمرها اسلوبها مش حلو وانا اسف اني سيبتها تبصلك كدا من غير ما اخدلك حقك..
روح ضمت حاجبها وقالت بالاشاره انا مش زعلانه انا كويسه..
يونس رفع حاجبه وقال بجد والله طيب وضمت حواجبك دي ايه..
روح
