رواية سما الفصل الثالث بقلم وسام الفراجي
انت في الصفحة 3 من 3 صفحات
بعدما اوكع بالشغلة يلا افتهم متأخرة...
عمي عنتر عزم خوالي عالغدة وكال لرنا و اليه عمتجن تريدجن عاونوها بالغدة خاف تحتاج شي ..
و طب زوبع كأنما ماشايفتي وسلم سلام عام وطلع يشتري ..
نطتني عمتي جدر جبير كالت نظفي زين وقبل ما اشتغل لفيت الشال ع راسي شديته شد ورفعت ثوبي علمود المي ما يتنكع ..
ولزمته جلف جلف وصحت عمتي كلت الها عمة هيج عندج شي انوب اشتغلج اياه
اني كبل نزلت شالي وشمرته ع راسي ونزلت ثوبي ..
باوعت لرنا تخوزرني بعيونها ..
واشرتلي يعني تعالي هنا يمي ..
كرصتني من ايدي وكلتلي تستري والبسي عدل
طب بهاللحظة زوبع شايل علاليك جان عمتي تكلي اخذي من زوبع العلاليك وتعالي ..
لحظة صمت ..
كلبي صار طبل ..
بس هو حسيته يريد يتجاهلني او شعور غريب لان كل مرة هو يتحجج حتى يصير هيج موقف ..
ردت اتواجه وياه وحدنا حتى اكله شبيك ليش متغير لان بصراحة الحب احسه مو مال كبرياء خصوصا ويا هيج شخصيات زلم شوي عنيدة وعدهم كبرياء قوي ..
ظليت ويا عمتي كاتلني الحر والمطبخ يفور ويغلي و ماعت روحي جوة وعمتي بس تتطلب ..
انت الي تريد ماتريد سوالف كبرياء ماتفيدني من تروح تزوج غيري وانتظرك 20 سنة انوب بس حتى اخذك وما انتظرك تكول اي او لا والله ابليك بلوة اذا صرت لغيري وڠصب عنك وعنك شاربك تاخذني اني بنت عمك ومجبور بية ..
هو ماحجه شي خلاني اكمل كلي المكتوب عالجبين تشوفه العين .. وراح ..
ليش هالتغيير السريع والمفاجئ رغم ما بدر مني شي ..
اني هنا حسيت اكو شي مو صحيحة لازم اعرفه ..
صبينه الغدة تغدوا كملوا ..
شربوا جاي
وكاموا يروحون .. كمنا كلنا وياهم ونودع بيهم جان يكوللهم زوبع يلا فترة وتجون لعرسي متتأخرون ..
هنا فرفح كلبي وصرت اضرب خيالات وطلعت لعالم ثاني فقدت ..
وصرت اريد زوبع يباوعلي ..
صد عليه حركتله بيدي يعني ظل ..
طبوا اهلي جوة كتله ماتدري شكد فرحت بسالفتك مال العرس ايمت قررت شو ماكلتلي اني كلش سعيدة ..
كلي اي الله يديم عليج السعادة
لعد هديل بنت عمي هلال شلون فرحتها وهي العاروسة
