رواية حبيبي المدير الفصل الرابع والعشرون بقلم شيماء صبحي

سمعت كلمة قصر عيونها لمعت وبصت لمامتها اللي كانت بتبص عليها بنفس النظرات والاتنين بصوا لأحلام وباركولها وهما بيقولوا الف مبروك يا حبيبتي!
احلام حركت راسها بهدوء وقالت الله يبارك فيكوا!
ماهر بص لاحلام وطلب منها يتكلموا علي جنب وهيا وافقت وقامت ودخلوا الاتنين لغرفتها ووقتها قربت مريم من امها وهيا بتقول بدهشه انتي سمعتي اللي انا سمعته يا ماما دا بيقولك عنده قصر يعني احلام اختي عايشه في قصر واحنا اللي عايشين في شقه معفنه
مامتها حطت ايديها علي بؤقها بتمنعها تتكلم تاني وقالت بهمس وطي صوتك يا غبيه هيسمعوكي وبعدين انتي مش قولتيلي انها كانت مخطوبه وخطيبها. ا كان زميليها بس سابها من فتره هيا لحقت اتجوزت دا امتي
مريم بعدم استيعاب مش عارفه بس مش مهم اتجوزته امتي المهم لوقت ماهر معاه فلوس كام
مامتها حركت راسها برفض وقالت خلينا ناخد ورثنا هنا ونرجع تاني لعمك يوسف وملناش دعوه بيه لانه واضح عليه مش سهل واحنا لو اتاخرنا علي يوسف مش بعيد يطلقني ويرمينا انا وانتي في الشارع
مريم بصت لمامتها وقالت برفض بصي بق يا ماما انا رجووع ليوسف دا تاني مش هرجع وبعدين يوسف دا ايه يا ماما اللي عايزه ترجعيله وانا خلااص جبت اخري وعايزه ارتاح بق مش كفايا اني سمعت كلامك وكنت فاكره اني هقب علي وش الدنيا ولاكن طلعت بوهم نفسي ومقبتش بس دانا وقعت في قلب حفره ملهاش ام ملامح
والدتها بصتلها بغيظ وقالت بق بتنكري خيره دا هوا اللي ناجدنا من اللي عملتيه زمان ولولا اني هربتك كنتي ھتموتي بسبب طمعك دا
مريم اتضايقت من كلام مامتها لانها ذكرت قدامها السبب اللي خلاهم زمان يهروبا ويتخلوا عن والدها واحلام ..وكل دا علشان مامتها تساعدها لانها ارتكبت مصېبه بسبب ابن لواء ولما عرفوا انها حامل كانوا هيسقطوها ولاكنها قررت تربي الطفل بعناد علشان تقدر تستغله في انها تستولي علي فلوس من ابو الطفل ولاكن بعد هروبهم البيبي ماټ في بطن مريم واتضرت والدتها تتجوز صاحب العماره اللي كانوا قاعدين فيها علشان يسمحلهم يعيشوا ويصرف عليهم ولاكن بسبب طمع مريم مره تانيه قدرت تخسره فلوس كتير وبعد مرور سينين بيخسر العماره وبيتضروا يسكنوا في شقه صغيره ولما حالهم بيتغير بيطلب منهم يشتغلوا هما ويصرفوا عليه بعدما فلس بسببهم!!
وبسبب ان مريم كانت بتتابع اخبار عن احلام وابوها وعرفت انه خلاص ماټ قررت ترجع علشان تاخد ورثها لان مفيش غيرها هيا واختها اللي هيورثوا فكانت هتاخد ميراث كبير ولاكن متعرفش ان البيت متسجل باسم اختهااحلام ..
وفي غرفة احلام كانت واقفه تبص ل ماهر واللي قال بقلق عليها احلام انا مش مرتاح لمامتك واختك بصراحه وانا طبعا اسف لو كلامي هيدايقك بس نظراتهم ليكي مش حلوه وكانهم مش جايين لغرض العزاء خالص وفي فدماغهم نية تانيه!
احلام بصتله وقالت انا مش عارفه اعمل ايه انا مفتقداهم وفي نفس الوقت زعلانه ومټعصبه منهم ولاكن في الاول وفي الاخر دي ماما ودي اختي فلازم استقبلهم في بيتي ..
ماهر بصلها وقال بتساؤل المفروض دلوقت اني امشي ولا افضل معاكي !
احلام بصتله وقالت بتردد انا مش عارفه اقولك ايه بس هما اكيد هيباتوا معايا لان معندهمش مكان تاني ومينفعش تكون معانا في نفس الشقه واحنا لوحدنا
ماهر حرك راسه بالموافقه وقال بصيق طيب انا همشي بس انتي خلي بالك علي نفسك وحرصي كويس ولو في اي اوراق تخصلك مهمه
ف ياوضة والدك شيليها بسرعه وخليها في اوضتك واقفلي عليكي الباب كويس اوي
احلام اتصايقت من كلامه وقالت ملوش لازمه اعمل كل دا لان دول اهلي برضوا ومستحيل يفكروا يدوروا علي حاجات من دي
ماهر حط ايديه علي كتفها وقال علشان اكون مرتاح ومطمن عليكي اسمعي كلامي المره دي بس..
احلام بدات تتوتر وقالت حاضر هسمع كلامك!
ماهر ابتسم وسابها وخرج وهيا اول مشافت شكل امها واختها خاڤت فقربت منه قبل بما يمشي وقالت استني يا ماهر خليك معايا ..انا خاېفه يتبع بقلمي شيماء صبحي 
رواية_حبيبي_المدير
الكاتب