رواية حبيبي المدير الفصل الثاني والعشرون بقلم شيماء صبحي

اليك .. بعدها ماهر عنه بقوه ونزل ورا احلام اللي كانت بتجري رغم ۏجع رجليها لحدما خرجت برا القصر
وسيلين وقعت علي الأرض وهيا پتتوجع ومش مستوعبه انا ماهر عاملها بالطريقه دي 
اما ماهر كان بيجري ورا احلام لحدما لحقها ومسكها من ايديها بقوه وقال استني رايحه فين 
احلام وقفت وهيا بتاخد نفسها بصعوبه وبتقول وهيا باصه في الأرض هروح المستشفي!
ماهر استني هنا هجيب العربيه من الجراچ بسرعه وارجع متتحركيش
احلام لفت وشها من غير ما ترد عليه وهوا اتحرك بسرعه لجراچ القصر وركب عربيه من اللي موجودين فيه بسرعة واتحرك وفي دقايق كان وقف قدامها ..ماهر خرج من العربيه وفتحلها الباب وهيا بصتله بحزن وركبت بدون ولا كلمة!
اتحرك ماهر بالعربيه وخرجوا من القصر وكانوا طول طريقهم بيبصلها وهيا كانت بتلف وشها وهيا مش راضيه تبصله فاتنهد بضيق وهو پيلعن سيلين في سره بسبب ظهورها قدامهم في وقت غير مناسب ..فاخد نفس طويل وقال بهمس هتتحل
____________
في شركة الصياد!
كان قاعد حمزه علي مكتبه وماسك فنجان قهوه وبيشرب منه بلامبالاه ومتجاهل الشغل.. وكانت قاعده قدامه ياسمين واللي بتخلص ملفات قدامها ومن كتر الملفات اللي بينها وبين حمزه مكانتش قادره تشوفه .
حمزه حط الفنجان علي المكتب وهو بيبص لسيلين بسخريه كبيرة وبيفتكر اللي حصل بينهم الصبح
لما دخل حمزه لقسم الحسابات كان لابس ماسك علي وشه بسبب ورم مناخيره فاول ما دخل الكل بص عليه باستغراب ولاكنه كان غير مبالي لرد فعلهم وقعد علي مكتبه وبدأ يشتغل لان كلام ماهر في الحفله شجعه انه سكون ناجح فحب يكون افضل وقرر يشتغل بجد ..
كانوا مستغربينه كل زمايله انه فجأة كدا وصل بدري وحابب الشغل ومبسوط ..ياسمين وصلت في ميعادها وكانت مستغربه شكله فبصتله باستغراب وقالت بهمس اللهم يا مغير الأحوال
حمزه انتبه لصوتها ورفع حاجبه وهو بيقول بتساؤل بتقولي حاجه يا أنسه سوسو
ياسمين رفعت حاجبها پصدمه وزملائها ابتسموا كالعاده علي تريقة حمزه عليها ياسمين قالت بضيق انت هتصاحبني ولا ايه اي سوسو دي
حمزه قرب منها وقال وهوا حاطط عينيه في عينيها لو مش عاجباك سوسو خدي لولو
نجوي زميلتهم واللي قريبه ليهم ضحكت علي هزار حمزه مع ياسمين بصوت عالي وواضح واول مشافت نظرات ياسمين لحمزه و اللي كانت بصاله پصدمه وعيون مفتوحه ومش مستوعبه روقانه وهوا بعد عنها ورجع كمل شغله وتجاهل اللي عمله من شويه
ياسمين بصت علي زملائها لقتهم بيضحكوا وهما بيبصولها فحست بالڠضب الشديد من حمزه فضغطت علي اسنانها بقوه علشان متفقدش اعصابها خصوصا انها عرفت انه يبق قريب صاحب الشركة وممكن بسببه تترفد وهيا لسا متوظفتش رسمي ..فقررت ياسمين تتجاهل حمزه وتبدأ تشوف شغلها ولاكنها كانت لسا برضوا متضايقه منه ..
حمزه خلص بسرعه الملفات اللي كانت مطلوبه منه وبدا ياخد شغل تاني ويخلصه هو كمان وكانت ياسمين بسبب انها مش مركزه في شغلها بسببه فمقدرتش تخلص شغلها في نفس الوقت اللي هوا خلص فيه ..
عدي وقت كبير وكان حمزه خلص كل الملفات المطلوبه منه فبص عليها ولقاها عندها شغل كتير فقرب منها وقال بتساؤل انسه سوسو انتي محتاجه مساعده!
ياسمين غمضت عينيها بضيق ومردتش عليه فابتسم حمزه علي شكلها وقال مش بتردي طيب يا انسه لولو محتاجه مساعده!
يوووه بق ..قالتها سيلين بضيق وهيا بتبصله پغضب وبتكمل كلامها وبتقول لو سمحت سيبني في حالي وخليني اشوف شغلي ولو حضرتك خلصت شغلك ومبسوط اوي كدا متنساش الملفات اللي