رواية ابيض واسود الفصل الرابع والعشرون بقلم مني محمود بركات

سيبه يبص زي ما يبص
بدور بعصبيه 
راجل مستفز وقليل الادب
بكر 
كنت سيبني اضربه
بهاء
ما خلاص يا وحش في اي اهدي بقا
بدور 
خلاص يا بكر لو طلع هنا تاني ابقي اطحنة بقا
بهاء وهو بيضحك
هو انتي كدة بتهديه ولا بتسخنيه
بكر 
لا هي مبتعرفش تهدي هي حسب حالتها هي لو هي هاديه هتهدي اللي قدامها لو هي مټعصبه ممكن تخلي اللي قدامها ڼار قايدة
بدور كشرت 
أنا يا بكر تصدق اني غلطانة أنا داخله احط الاكل أنا بتكلم معاك ليه اصلا عن ازنكم
بهاء
أنا داخل انام بقا اليوم كان طويل وبكرة يوم اطول ومتعب
بدور بسرعه 
طب ما تتغدي معانا الاول .. اقصد يعني انت جيت وانا بحط الاكل ميصحش ولا اي يا بكر 
بكر 
ادخلي حطي الأكل طيب واقفه ترغي ما هو هيمشي كدة
بهاء 
انت عارف اني مبحبش كدة ومش بتعشي ف اوعي من قدامي عشان عايز انام بجد
بدور 
دانا عامله محشي ورق عنب باللحمة ملوخيه ولسان عصفور والحلو ام علي
بكر 
أيوة بقا لا اظن بعد ورق عنب دي الباشا مش هينام انهاردة اصلا أنا عارف انك بتحبه
بهاء ابتسم 
بحبه فعلا
بكر
يلا يا ستي حطي بقا شوقتينا وجوعتينا
بدور بابتسامه 
هوا دقيقتين والسفره تكون جاهزة وهي داخله المطبخ ادخل هات توتي يا بكر أنا سايباها في الأوضه لوحدها
دخل بكر جاب توتي اللي اول ما شافت بهاء ضحكت وجريت عليه وهو شالها ولف بيها وبعدين قعد جمبها علي الارض وبدء يلعب معاها
بكر 
ميصحش يا باشا اتفضل اقعد فوق
بصله بهاء بطرف عينيه 
احنا برة القسم يا بكر ومليون مرة اقولك انطق اسمي عادي من غير باشا والكلام دا قول بهاء سهله والله بهاء
تاليا نطقت بكل براءة
ا ا ء
بهاء وهو بيحضنها 
قلب ااء انتي يا توتي شوفت اهو سهله معرفش انت مصعبها ليه بدأت احس اني فارض نفسي ك صديق عليك يا بكر ولو اتاكدت من الإحساس دا هختفي من حياتك تماما
بكر
لا لا والله ابدا هو بس حضرتك ليك هيبه كدة وبحكم التعود مش اكتر والله
بدور
يلا يا جماعه الاكل جاهز
قعدة علي السفرة وبدؤء يأكلو تلفون بكر رن برقم الراجل اللي هيشتري الشقه استأذن من بهاء وقام دخل البلكونه يرد ... بهاء بص علي بدور لها منزله وشها في الطبق اللي قدامها مش بترفعه عايز يفتح معاها كلام بس مش عارف يقول اي خاف الفرصه دي تروح منه لأنه مش عارف يتكلم معاها خالص ف اتكلم ب اول حاجة جت في باله
الاكل حلو اوي تسلم ايديكي ماكلتش ورق عنب حلو كدة من وفاه امي الله يرحمها
بدور ابتسمت 
شكرا
... تسلم يارب ... والله يرحم والدتك يارب
بهاء 
انتي شاطرة اوي في الطبخ علي فكرة
بدور 
أنا بحب المطبخ اوي وكنت فاتحة صفحة بيبع اكلات جاهزة وتحضيرات ل عزومات بس بكر بقا الله يسامحه كل ما افتح الصفحة وابدء أكبرها يقفلها وقولي مفيش شغل ارتاحي وانا مش تعبانه في حاجة كنت بسلي نفسي بدل الزهق والملل وفي حاجة بحبها ومش بخرج خالص من البيت بس بردو مش راضي
بهاء 
تحبي اكلمهولك 
بدور بعيون بتلمع 
بجد ممكن تعمل كدة 
بهاء بدون وعي
اعمل اي حاجة عشانك يا بدور
بدور اتكسفت جدا ووطت وشها تاني في الطبق اللي قدامها في الوقت دا خرج بكر من البلكونة ورجع يكمل اكله وفضل يتكلم في مواضيع عامة هو وبهاء وبدور ساكته بس من وقت للتاني تبتسم ابتسامة خفيفة من غير ما حد يحس ... او هي كانت فاكرة أن محدش حس بيها
الليله عدت هاديه ورايقة علي الكل بدايه من بهاء اللي اتاكد أن جواه
مشاعر ل بدور واللي موقفه عن التعبير عن مشاعره أن حاسس ان بكر مخبي عليه كتير في حكايتهم
وبدور اللي طول الليل وهي بتعيد في جمله بهاء أعمل اي حاجة عشانك يا بدور طول الليل تفتكر الجمله وتبتسم
مؤمن وحبيبته اللي الليله دي حسو أنهم رجعو عرسان تاني اتكلمو كتير وفضفضو ل بعض كتير وعبرو عن حبهم كتييير
حتي بكر الليله دي كانت مختلفه عليه بسبب كلام بهاء اللي صحي جواه حلمة القديم أنه يبقي صاحب مشروع فضل يحلم ويفكر في شكل حياته اللي ممكن يختلف في يوم وليله
بس للاسف الليله الحلوة دي خلصت وصحي بهاء علي خبر خلاه حزين حزين موجوع وحس أنه لأول مرة يتأخر في أنه يجيب حق حد صحي علي خبر وفاه رحمة
يتبع .....