رواية ابيض واسود الفصل الرابع والعشرون بقلم مني محمود بركات

يجيب رحمة ل بهاء وبعدها يطلع ع النيابه عشان التصريح ... بعد وقت بسيط الباب خبط وسمح بهاء بالدخول ... دخلت بنت باين عليها جدا أنها صغيره اوي قصيرة ورفيعه قمحاويه ولابسه عبايه سودا وحطة علي شعرها المفرود طرحة سودا دموعها نازله وفي رعشه خفيفه في ايديها العسكري سابها وخرج وبهاء اتكلم بهدوء
اقعدي يا رحمه
كانت تايهه وكأنها في دنيا تانيه مش سامعه ولا حاسه بحاجة ... بصلها بهاء بشفقه وحزن طفله مفروض تكون يادوب في بدايه حياتها تمر بكل دا أزاي تتحول من طفله ل مچرمة وقاتله ازاي صعبت عليه جدا وبدء يفكر ازاي يقدر يجيبلها حقها من كل واحد خلاها في الوضع دا
حس ان اي كلام دلوقتي معاها مش هيجيب نتيجة لأنها تايهه ومش مركزة نده للعسكري وقاله يخليها في اوضه الظابط النبطتشي علي مسؤوليته الشخصيه وقعد يستني تصريح من النيابه عشان يقدر يتحرك
النهار عدي وبكر اتاخر في النيايه علي ما جاب التصريح بهاء اطمن أن رحمه في اوضه الظابط وخد بكر وروحو واول ما وصلو العمارة وهما علي السلم سمعو صوت بدور وهي بتزعق ومن غير تفكير طلعو يجرو هما الاتنين
دا انت انسان ثقيل بقا قلتلك مش من عندنا ولا من الشقه اللي قدامنا هكدب عليك ليه يعني اطلع شوف بقيت الشقق ولا اسال البواب أنا مالي انا
وقبل ما الراجل اللي قدامها يرد كان وصل بكر ووراه بهاء
بكر وهو بيمسك الراجل من دراعه 
في اي يا بدور انت مين يا جدع انت 
الراجل بصوت عالي 
أنا جاركم اللي في الاول يا سيدي وفي زباله بتترمي من الدور بتاعكم علي البلكونه بتاعتي واخت حضرتك بتكدب وتقول مش من هنا مع أن الواد ابني أكد عليا أن شاف شقه اللي في التالت هي اللي بترمي شنطة الزباله علينا من البلكونه
بكر بصوت عالي زيه 
اولا لما تتكلم تتكلم بأدب وصوت واطي ثانيا انت اللي راجل مهزق وابنك بيضحك عليك دي مش مشكلتنا لا شقتنا ولا شقه الظابط بهاء حد فيها هيرمي عليك زباله في زفت زبال بيجي يوم ويوم هنرمي علي امك زباله ليه هه
بهاء وهو بيشد بكر من قدام الراجل
بكر براحة مش كدة مش اسلوب كلام دا
الراجل ببجاحة
بقولك اي أنا ميهمنيش ظابط ولا مش ظابط وابني مش كداب اختك هي اللي كدابه والزباله دي زبالتكم انتم مش خدوهم بالصوت هما
بهاء كان ضهره للراجل ووشه ل بكر لما سمع الراجل بيتكلم كدة لفه واتكلم بكل هدوء 
انت راجل مهزق فعلا وعشان ممدش ايدي عليك هتخفي من وشي دلوقتي واعلي ما ف خيلك اركبه بس خد بالك قبل ما تنزل لو رجلك الحلوة دي عتبت
الدور هنا تاني انت او اي حد من شقتك ورحمة امي لأكون شدك علي القسم وعملك محضر ازعاج وتعدي زي الفل وهوريك الزباله وهي مش بس بتنحدف علي بلكونتك لا دا هدخلهالك جوة اوضتك وعلي سريرك تمام ولا مش تمام
بكر وهو بيحاول يضرب الراجل ويتخطي بهاء 
اللي زي دا لازم يتوجب معاه قبل ما يتحرك يا باشا سيبهولي بس
بهاء وهو بيحوشه 
خلاص يا بكر اهدي بقا بص للراجل انت لسه واقف ليه ما تنزل يا راجل انت ولا اسيبه عليك والله
الراجل بصلهم بضيق وولف ومشي بمنتهي البرود
بكر 
بص الراجل بيبصلنا ازاي تعالي هنا يا راجل انت تعالي بقولك
بهاء وهو بيدخله الشقه ويقفل الباب 
خلاص بقا انت عايز تتخانق وخلاص ما هو نزل من غير كلام اهو