رواية وشم على حواف القلوب الفصل الثالث والثلاثون بقلم ميمى عوالى
انت في الصفحة 1 من 6 صفحات
اللهم اجعلنا من الذين يقولون فيعملون ويعملون فيخلصون ويخلصون فيقبلون ويقبلون فينعمون .. وينعمون وينعمون فيشهدون رحمتك يا أرحم الراحمين
33
وشم على حواف القلوب
الفصل الثالث و الثلاثون
لا احلل نشر او نقل الرواية باى مكان اخر دون اذن كتابى منى شخصيا و من يفعل دون ذلك يعرض نفسه للمسائلة القانونية
كانت نجاة تنظر لسميحة بتمعن ثم قالت لها خايتك بين ايدين ربنا اللى عالم و خابر بنيتها قبل جهرها .. قبل ماتكون بين ايدين الحكما يا سميحة و اكيد ربنا هيديها على قد عملها و نيتها ان شاء الله .. فانا مش قلقانة عليها .. انما قلقى على الغلابة دولى اللى لسه ماشافوش حاجة من الدنيا عاد
لتهمس سميحة الى امها قائلة الا هو مين الجدع اللى مع نجاة و عيال حسنة ده
عزيزة تلاقيه قريب حكم الزيات بتاع مصر اللى بيشتغل معاه كانت خايتك حكت عنيه قبل اكده
عزيزة خلينا فى خايتك دلوكيت انى مش فايقة للحديت ده و كفاية عليا شيخون و اللى عمله فيا
سميحة بانتباه الا هو بصحيح من ميتى شيخون بيتحدت معاكى اكده يا امة
سميحة ده حتى ماحاولش يسلم علينا و ماحدتش حد منينا غير ابويا
عزيزة انى مش خابرة بكر راخر اتأخر اكده ليه
كان بكر بعد ان علم ماحدث لحسنة دخل داره و قال بصوت عال يا لبيبة .. يا بدر انتو وين
ليأتيه صوت بدر و هى تقول ايه مالك بتزعق اكده ليه
بكر و فين لبيبة عاد
بكر حسنة خايتى نقلوها المستشفى بعد الفجر
بدر يا ساتر يا رب ليه حوصل لها ايه
بكر ماخابرش امى حدتنى و قالتلى انها رايحالها هى و ابويا و سميحة
لبيبة طب و انت ما رحتلهاش ليه انت كمانى
بكر قلت اجى اقوللكم لجل تاجو ويايا .. و اللا ايه عاد
بدر اومال .. واجب طبعا
بدر اها .. و لزمته ايه يعنى عربية مخصوص مانركب عربيات البندر من الموقف و خلاص
لبيبة و هى تنظر لبكر بحاجب مرفوع ياللا يا بكر و ماتعوقش .. خلينا نروح نتطمن على خايتك
لينظر لها بكر بامتعاض ثم يتركهم و ينصرف بعد ان قال ماشى .. خلصوا بس بسرعة
لتقف بدر مذهولة و
