رواية وشم على حواف القلوب الفصل الثلاثون بقلم ميمى عوالى
انت في الصفحة 1 من 6 صفحات
ﺍﻟﻠﻬﻢ ﺇﻧﻲ ﺇﺳﺘﻮﺩﻋﻚ ﻗﻠﺒﻲ ﻓﻼ ﺗﺠﻌﻞ ﻓﻴﻪ ﺃﺣﺪﺍ ﻏﻴﺮﻙ.. ﻭﺇﺳﺘﻮﺩﻋﻚ ﻻ ﺇﻟﻪ ﺇﻻ ﺍﻟﻠﻪ ﻓﻠﻘﻨﻲ ﺇﻳﺎﻫﺎ ﻋﻨﺪ ﺍﻟﻤﻮﺕ ﻭﺇﺳﺘﻮﺩﻋﻚ ﻧﻔﺴﻲ ﻓﻼ ﺗﺠﻌﻠﻨﻲ ﺃﺧﻄﻮ ﺧﻄﻮﺓ ﺇﻻ ﻓﻲ ﻣﺮﺿﺎﺗﻚ.. ﻭﺇﺳﺘﻮﺩﻋﻚ ﻛﻞ ﺷﺊ ﺭﺯﻗﺘﻨﻲ ﻭﺃﻋﻄﻴﺘﻨﻲ اياه .. ﻓﺎﺣﻔﻈﻪ ﻟﻲ ﻣﻦ ﺷﺮ ﺧﻠﻘﻚ ﺃﺟﻤﻌﻴﻦ ﻭﺃﻏﻔﺮﻟﻲ ﻭﻟﻮﺍﻟﺪﻱ ﻭﻟﻤﻦ ﺃﺣﺒﺒﺖ .. أمين
30
وشم على حواف القلوب
الفصل الثلاثون
لا احلل نشر او نقل الرواية باى مكان اخر دون اذن كتابى منى شخصيا و من يفعل دون ذلك يعرض نفسه للمسائلة القانونية
فى دوار نجاة .. كانت نجاة تجلس بصحبة زينب و الصغار بينما حكم و رامى بصحبة شيخون و احمد فى الملحق
و كانت نجاة تراقب الصغار بشرود واجم اثناء لعبهم .. خاصة ورد التى كانت تتبعها بعينيها اينما تحركت خشية عليها من اى مضاعفات او اصابات جديدة قد تحدث سهوا و كانت زينب تقول الاجازة اكده باظت
زينب بقول ان الاجازة اكده باظت
نجاة باستغراب ليه يعنى
زينب كنت ناوية استأذن عم حكم و اخد العيال كلاتها و نروح نقضى يوم فى الارض و نشوى هناك
نجاة طب و ماله .. لسه الاجازة سبوعين بحالهم ماعداش غير يوم واحد
زينب ازاى بقى و ورد بالشكل ده
نجاة ان شاء الله هتروق و تبقى زى الفل بس هو انتى يعنى هتبقى فاضية للحديث ده
زينب انهى حديت ده
نجاة بمكر دروس الكمبيوتر بتاعة سى رامى اللى قال انه هيديهالك انتى و خواتك دى
زينب بحمحمة ماهو لسه احمد ماظبطش معاه المواعيد
نجاة و هى تتصنع عدم الفهم انما انتى يعنى ماكنتيش موافقة ليه فى الاول و بعد اكده وافقتى
نجاة بسخرية هعمل حالى مصدقاكى
زينب فى ايه يا عمة ليه بتقولى اكده
نجاة بتنهيدة ثقيلة بقول اكده لجل ما انى خاېفة عليكى يا زينب
زينب ابااى .. و خاېفة عليا من ايه عاد
نجاة مش عاوزاكى تتعلقى بحبال مانتيش عارفة مين اللى ماسك خيطانها يا بتى
و قبل ان تعبر زينب عن فضولها لحل الغاز حديث عمتها تستمعان لصوت زينة و هى تقول بمرح السلام عليكم يا اهل الدار
و عندما تلتفتان اتجاه الصوت تريان زينة بصحبة حسنة و هما تتقدمان نحوهما لتقول نجاة ببعض الدهشة اها .. مرحب يا حسنة
نجاة بمرح و دى تاجى برضيك بس هرحب بيكى كيف و انتى قاعدة جوة فى قلبى يا بنت قلبى
زينة و هى تقبل وجنة نجاة بقوة ابااى يا اولاد على الحديت الحلو ده اللى ما بعرفش ارد عليه واصل
نجاة تعالوا اقعدوا .. اتفضلوا .. خطوة عزيزة
لتذهب زينة اتجاه ورد الجالسة بجوار شقيقتها و هى تلهو معها و مع ولدى نجاة و تنحنى عليها مقبلة راسها بحنان قائلة احنا جايين خصوصى لجل نتطمن على الورد ده
لتجلس حسنة امام نجاة و هى تتلفت حولها و تقول شيخون فين اومالى هو و احمد
لتجلس زينة بجوار زينب و هى تقول لها بمرح اتوحشتك .. حتى ماجاليش نفس اكل شى و انتى مش معايا
نجاة و هى كمان ماكليتش عدل وقت الغدا روحوا كلوا ياللا خلوا ام سعيد تسخنلكوا اللى يلد عليكم و افتحوا نفس بعض
لتنهض زينة و هى تسحب معها زينب قائلة ايوة ياللا نروح لام سعيد المطبخ و هى تظبطنا احسن انى جوعت اول ما شوفتك و عاوزة ااكل
و بعد ذهاب الفتاتين تقول
