رواية ابيض واسود الفصل السادس عشر بقلم مني محمود بركات

طيب ينفع تجهزو انتم وانا ساعه بالظبط وابلغكم
هاني
لو المصدر وافق عرفنا المكان هنجيب معدتنا ونيجي نصور كلامة فيديو وننشر وفي خلال خمس دقائق الفيديو هيكون في كل مكان
بهاء
تمام ربنا يسهل ... يلا يا بكر
بكر 
يلا يا باشا
اتحركو بسرعه ل بيت نعمة وطول الطريق بيجهزو سوا الكلام اللي هيقولو ل نعمة عشان يقنعوها بالظهور وان دا لمصلحتها اكتر
تلفون بكر كان بينور ويطفي كتير برقم فتحي لكنه كان مركز مع بهاء جدا ومحسش بيه 
فتحي كان واقف قدام المستشفى مش عارف يوصل لبكر عشان يبلغه بمۏت بركات مدبوح علي ايد مجهول
فكر يتصل علي بدور أخته لكنه تراجع وخاف من ڠضب بكر ف فضل مكانه بيراقب اللي بيحصل من بعيد وايديه علي تلفونه مبطلش اتصال ب بكر
في شقه بدور
كانت ام اسلام في المطبخ علي وبدور قاعدة في الصاله علي الكرسي سانده رأسها علي رجلها وسرحانه ومش عارفه ازاي بكر يسامحها ويرجع يبقي جمبها تاني
ست علا مش هتاكلي انتي من الصبح محطيتش حاجة في بؤك يا بنتي
مليش نفس يا ام اسلام
ليه كدة بس انتي فاكرة قله الاكل هتشفيه يعني لا دا لما يفوق ويعرف اللي انتي عملاه في نفسك دا هيزعل منك اوي
بدور بصلتها وهي ضامه حواجبها بعدم فهم 
هو مين دا الي يفوق ! هو بكر تعبان بكر فيه حاجة 
ام اسلام بسرعه 
لا لا والله سي بكر زي الفل أنا أقصد علي الحج بركات ابوكي
بدور ب همس 
بركات !
ام اسلام مكمله 
والله اسلام بيقولي القسم كله زعلان عشان استاذ بكر بيقولو أن حالة الحج حرجة وعشان كدة في العنايه المركزه بس مفيش حاجة صعبه علي ربنا اه اومال ايه وانتي بدل الحزن دا كلي لقمة كدة تصلبي بيها طولك وصلي وادعيله ربنا يشفيه ويشيل عنه وينتقم من اللي كان السبب
وقبل ما تفوق من صډمتها بسبب الكلام اللي بتسمعه سمعت صوت تلفونها بيرن ب رساله واټصدمت اكتر ووقعت من طولها لما لاقتها من امجد
انا خدت ب تار بنتي ... لو عايزاها ولسه فارقه معاكي ... قابليني في شقتنا يا بدور دلوقتي
مؤمن وصل في وقت قليل اوي بسبب السرعه اللي كان ماشي بيها قابلته ميادة اللي كانت قاعدة تلاعب نيجار في الصاله
السلام عليكم يا امي فين بدور
حكتله كل اللي حصل
وبعد ما مشيو هي فضلت ټعيط كتير لحد ما تعبت ونامت
لا حول ولا قوه الا بالله العلي العظيم ... ليه كدة بس ... مش قادرين يصبرو لما تتحسن حتي ... كله ورا بعضه كدة