رواية ابيض واسود الفصل السادس عشر بقلم مني محمود بركات

أبيض وأسود 
مني محمود بركات
الفصل السادس عشر
المواجهه 
لما بتكون الاڈيه من اقرب ناس لينا الكلام بيبقي صعب يطلع ... تحاول تتكلم لكن ولا حرف بيخرج منك ... علي قد ما بتكون مجروح علي قد ما بردو پتخاف تجرحه
تجرحه ازاي وهو أقرب من نفسك ليك !!
عند علا
الباب اتفتح والكل بصلها بتفاجا وترقب شكلها كان يصعب علي اي حد دموعها نازله نظراتها زايغه ماسكة في الباب لأنها مش قادرة تقف وقبل ما ميادة ونجاة يقربو منها شاورت بايديها أن كلهم يقفو مكانهم واتكلمت بضعف حاولت تداريه

في ايه ليه صوتكم عالي كدة 
ميادة پخوف
انتي كويسه يا علا 
نجاة 
كويس انك فوقتي يلا عشان نمشي من هنا وحياة امك لاعرفه قيمتك كويس اوي
علا
قصدك مؤمن مؤمن عارف قيمتي كويس اوي يا ماما بس يا تري بقا حضرتك وبابا عارفين قيمتي ولا لا 
صبري بحدة 
قصدك اي بقا أن شاء الله هو كنا احنا اللي زعلاناكي ولا جوزك اللي جابك تعبانه وسابك لامه ونزل شغله بردو واهو بقاله خمس ساعات ولا اكتر تلفونه مقفول
ميادة كانت هترد قاطعتها علا
هي ماما مقالتش لحضرتك ولا اي شايفه حضرتك بتتكلم بثقه اوي أن مؤمن سبب تعبي
نجاة بتوتر 
قلتله اي بالظبط انتي شكلك حماتك وجوزك ملوكي مننا خلاص يلا يلا يا صبري خلينا نمشي
علا 
يبقي مقولتيش ... طيب يا بابا أنا مؤمن لسه نازل انهاردة الشغل كان قاعد فعلا معايا ومش بيخليني اعمل اي حاجة ولما عرف أنه لازم ينزل ماماته جت تراعيني وتاخد بالها مني وقبل ما تقولي ما كنتي قاعدة عندي معلش محدش بيرتاح غير ف بيته وماما عمرها ما وافقت تفضل هنا معايا عشان حضرتك مبتعرفش تبات برة بيتك ولا وهي بعيدة عنك ف مؤمن كمان زيك لا بيعرف يبات برة بيته ولا عايز يبعد عني عشان كدة ماماته جت تبات معايا ... كتر خيرهم يشكرو ... المهم عشان نخلص لاني مش قادرة اتكلم ماما بقا لما عرفت الكلام دا اتعصبت عليا في التلفون وسمعتني كلام كتير يوجع وفي الآخر قالتلي ربنا ياخدك وقفلت السكة في وشي محستش بنفسي غير دلوقتي وانا نايمة ع السرير وسامعه صوتكم بس كدة دا كل اللي حصل
صبري 
الكلام دا حصل يا نجاة 
نجاة بعصبيه وصوت عالي 
تصدقي أن أنا اللي غلطانه اني قلقت عليكي وقلبي كان هيخرج من مكانه من الخۏف عشانك انتي بت ناكره للجميل وجاحدة
صبري
ردي عليا يا نجاة انتي اللي وصلتي البت للحاله دي وسيباني قاعد اهين ف الراجل وهو غايب مش موجود حتي يدافع عن نفسه 
علا ضحكت بۏجع 
دا كل اللي همك يا بابا ! انك غلطت مؤمن وطلع مش هو السبب
صبري ب