رواية ابيض واسود الفصل السادس عشر بقلم مني محمود بركات

حاجة عدله ابدا ... كسفاني كدة ديما ... راي اي يا ام راي احنا وافقنا خلاص ... مين دي اللي تتجوز بشكلها دا هتعنس جمبي يختي يا ميله بختك يا نجاة حتة بت واحدة ومش عارفه حتي تهتم بشكلها ولا تحليه شويه ... تنكري انك خليتيني شخصيه ضعيفه مهزوزة معندهاش ثقه في نفسها ولا في اي حد حتي لما مؤمن اتقدملي وقدام مين ما كان تقولي معرفش بصلك علي اي دا قمر ما شاء الله عليه حتي حجابي كنت مصممة اقلعه في الفرح عشان شكلي يبقا حلو شويه جمب مؤمن القمر مش كدة دا حب دا دا حب ېموت دا حب يدبح ويوجع ويقهر ومع ذلك مش انا اللي اتكلمت انتي اللي لما لاقتيني مبسوطة وحياتي مستقرة وجوزي وحماتي كويسين معايا مش راضيه تسيبني اعيش مبسوطة مش عارفه اي مشكلتك في اني اكون مبسوووووطة وفي الاخر دعيتي عليا قولتلي ربنا ياخدك وانا معملتش حاجة والله العظيم ما عملتلك اي حاجة عشان تقوليلي كدة يا ماما حرام عليكي بقا والله
خلصت كلامها وفضلت تتنفس بسرعه كلهم كانو متأثرين حتي نجاة لاول مرة تحس انها اذت بنتها من غير ما تقصد صبري مسك نجاة من ايديها وسحبها بكل هدوء برة الشقه كان واثق أن لو الاتنين فضلو تاني قدام بعض النهايه مش هتكون كويسه لحد فيهم ابدا
أما ميادة ف حطت نيجار علي الكنبه اللي جنبها وجريت خدت علا في حضنها اللي اڼهارت في العياط
بس بس كفايه يا حبيبتي... كفايه عشان خاطري ... بس يا علا خلاص خلاص يا قلبي
أنا مكنتش عايزة اقولها كدة ... مكنتش عايزة اجرحها والله مكنتش عايزة
خلاص اهدي خلاص كل حاجة خلصت اهدي بس عشان خاطر بنتك حتي بنتك محتاجلك يا علا بس يا حبيبتي
تلفون ميادة رن لكنها تجاهلته وفضلت واخدة علا في حضنها لكن التلفون مبطلش رن طلعتها من حضنها وراحت تشوف مين لاقتيه رقم غريب استغربت وردت
الو
اي يا ماما مبترديش علي طول ليه دا رابع مرة اتصل
مؤمن ! دا رقم مين دا وتلفونك ماله 
تلفوني فصل شحن ومعيش باور نسيته هو كمان طمنيني بس عليكم
تعالي يا مؤمن علا تعبت تاني وجبتلها دكتور واهلها جم وحصل شد بينهم تعالي يا بني مراتك محتجالك اكتر من اي حد
أنا قلبي كان حاسس والله حاضر يا ماما نص ساعه واكون عندك خليكي جمبها لحد ما اجي
حاضر يا حبيبي متقلقش
هما أهلها عندك لسه 
لا لسه نازلين حالا
طيب تمام مسافه السكة واكون عندك سلام
سلام 
مؤمن قفل معاهم وقرب من بهاء وبكر اللي كانو قاعدين مع اتنين من هاكر اللي صعب حد