رواية ابيض واسود الفصل الخامس عشر بقلم مني محمود بركات

ولا اي
حكاله بهاء عن مقابله نصر ومؤمن كمان حكالهم أنه مقدرش يوصل للدكتور
بكر
وبعدين هنعمل اي دلوقتي 
بهاء
مينفعش نتراجع
مؤمن 
مش مسأله تراجع بس نصر دا مش سهل وهيكشف انك انت اللي ورا حوار السوشيال ميديا دا
بكر 
أنا اللي حسيته كمان من كلامة أن هو نفسه ناوي يلجأ لنفس الطريقه عشان الموضوع يتقفل علي انها خڼاقه وخلصت
بهاء 
كدة هيبقي كلامه قصاد كلامنا اوووف هي بتتعقد ليه كدة
مؤمن 
احنا نعمل اللي هنقدر عليه وعشان تكون كفتنا أرجح لازم نكون اسبق منه بخطوة يا بهاء
قاطع كلامهم تلفون بهاء اللي رن برقم اللواء المسؤول عن القضيه
مؤمن 
رد يا بهاء خلينا نخلص ونركز بقا
بهاء هز رأسه وخد نفس وطلعه ببطيء ورد
مساء الخير يا باشا
لا طبعا أنا أقدر اتجاهل اتصال حضرتك
ابدا كل الموضوع اني ببقا عامل التلفون سيلنت ومركز ف تحريات زي ما سيادتك طلبت مني
تتقفل !
لا باشا اعترض ليه ... تمام يا باشا هقفل المحضر وهيكون الصبح علي مكتب حضرتك
عرفت يا باشا
تمام حاضر هرفقه بالمحضر
مع السلامة
قفل المكالمه وهو مكشر ومخڼوق من نفسه أنه قال حاضر بكل سهوله كدة بكر ومؤمن كانو حاسين بيه
بكر
دا مش استسلام يا باشا احنا هنفضحهم بس الطريقه الصح اللي توقعهم كلهم هنفضحهم ف ملعب تاني في. ملعبنا عشان ملعبنا للاسف هما اللي مسيطرين عليه
مؤمن 
بكر معاه حق خلينا نركز أنا عايز اول ما المحضر يتقفل ويوصلهم يكون النت كله ملوش سيره غير الچريمة دي
بكر 
دا معناه أن
قاطعه بهاء 
أن مفيش وقت ومحدش فينا هيروح انهاردة بيته الا لما نخلص كل حاجة يلا بينا
بكر ومؤمن 
يلا
خرجو التلاته عشان يبدؤ اللي مشوار الله وحده اعلم نهايته ايه
نرجع ل علا
قبل أربع ساعات
ميادة سمعت صړيخ علا المتواصل قامت تجري من المطبخ وهي بتتخبط في العفش من سرعتها وخضتها
علا في اي يا ساتر استر يارب
فتحت باب الاوضه واتفاجات ب علا مرمية علي الارض وغايبه عن الوعي جريت عليها وهي بتحاول تفوقها
علا ... علا فوقي يا حبيبتي حصل ايه ما كنتي كويسه علاااا
قامت بسرعه جابت تلفونها ورنت علي مؤمن لكن التلفون كان مغلق أو غير متاح مكنتش عارفه تتصرف ازاي وهي لوحدها خصوصا أن علا مكنتش بتفوق بالطرق العاديه مسكت تلفونها ورنت المرة دي علي والد علا صبري
بعد ساعتين تقريبا كان في صاله بيت مؤمن قاعد صبري ونجاة و ميادة اللي شياله نيجار وبتحاول تخليها تنام
نجاة بضيق 
والدكتور فين كل ما مراته تتعب يختفي بالشكل دا ينفع كدة 
صبري 
اصبري يا نجاة خلينا نفهم اي حصل اصلا وصلها ل كدة دي كانت ماشيه زي الفل من عندنا
نجاة 
مش هي اللي أصرت تمشي يا حج وانا