رواية ابيض واسود الفصل الخامس عشر بقلم مني محمود بركات

قلت انها لسه تعبانة وتفضل واحنا نراعيها لكن الدكتور بقا رفض وقال أنا هراعي مراتي اديه لا راعها ولا عارفين نوصله من اساسه
ميادة بهدوء رغم الضيق اللي جواها
والله علا كانت زي الفل وفطرنا وهزرنا وكنا بنجهز للغدا كمان لحد ما انتي اتصلتي عليها ودخلت ترد عليكي مفيش دقيقه وسمعت صړاخها مالي البيت ودخلت لاقيتها مرميه علي الارض يبقي مين بقا اللي تعبها يا نجاة 
نجاة پغضب 
انتي قصدك اي يا ميادة لا يا حبيبتي خلي بالك من كلامك مش عشان اهملتو في البت لحد ما تعبت بالشكل دا عايزة تلبسهالي أنا أمها أنا اكتر حد اخاڤ عليها من الهواء الطاير مش ازعلها لحد ما ضغطها يبقي في الأرض كدة انتي عشان تدافعي عن ابنك الحيله تغلطي فيا أنا لا اي
ميادة 
أنا مش هرد عليكي كلها نص ساعه وبنتك تفوق ونعرف كلنا مين اللي زعلها
نجاة بثقه 
بالظبط كدة ولحد ما دا يحصل وتتأكدي أنه ابنك السبب أنا مش هفتح بؤي بكلمه تانيه اهو
صبري 
لا حول ولا قوه الا بالله العلي العظيم ربنا يستر واليوم دا يعدي
عدي حوالي ساعه الا ربع كانت بدأت علا تفوق في الاول مكنتش فاكرة حاجة ولا مركزة هي فين حتي ... بس مجرد ثواني عدت عليها كانت بتفتكر بالبطيء كل حاجة
دموعها نزلت بۏجع من اللي سمعته من امها وملحقتش تستوعب سمعت صوت امها و ابوها جاي من برة الاوضه برقت عينيها من أن مجرد باب بيفصل دلوقتي بينها وبين امها نفسها بدء يبقي سريع ... هي مش جاهزة ابدا ل مقابله زي دي دلوقتي تعمل اي سمعت صوت خناق قامت بهدوء ووقفت ورا الباب تسمع في اي ودا كان الحوار اللي سمعته
صبري
ما تسكتي بقا يا نجاة مش اتفقنا لما البت تفوق ونعرف منها مين زعلها هنبقي نتكلم
نجاة پغضب 
وانا قلت أنجز وقت علي ما تفوق وأحضر شنطة نيجار عشان لما تصحي نحضر شنطتها ونمشي بسرعه الوقت كل ما دا بيتاخر غلطت في اي عشان ميادة هانم تمنعني هه
ميادة پحده 
محدش هيتحرك من هنا لا نيجار ولا امها انتي قولتي لما تعرفي مين زعلها هنتكلم وانا وافقت لأن واثقه انك السبب لكن تاخديهم معاكي لا انسي مش هيحصل
نجاة بصوت عالي 
انتي مين انتي عشان تحدديلي اعمل اي مع بنتي ومعملش اي هه لا يا حبيبتي اوعي تفكري انك بالشويه اللي بتعمليهم دول هتقدري تبعدي بنتي عني دا نور عيني ودي تعب وشقا العمر كله أنا عمري ضاع عليها وعلي تربيتها تيجي انتي عايزة تاخديها علي الجاهز كدة وفاكراني هسكتلك لاااااااا
صبري 
بس يا نجاة ميصحش كدة الناس هيسمعو صوتنا
ميادة بضيق
دا اللي ربنا قدرك عليه يا ابو
علا !
نجاة
وانتي كنتي عايزاه يعملي اي يعني يمد ايديه عليا مثلا عشان تتراضي ولا اي
ميادة كشرت
انتي مش ممكن تكوني طبيعيه بجد
وقبل ما نجاة ترد والموضوع يكبر عن كدة فتحت علا الباب والكل بصلها بتفاجا وترقب
في المستشفى اللي فيها بركات كان في حركة مش طبيعيه حس بيها فتحي الراجل اللي مكلفه بكر يعرف الاخبار من بعيد ل بعيد
قرب فتحي من عامل أمن كان بيجري ووقفه
في اي يا عمنا طمني لحسن أنا مش قادر اتلم علي اعصابي ابني ومراتي فوق في اي
الراجل وقف وهو بينهج
لا اطمن اطمن دا راجل كبير كان في الرعايه الممرضه دخلت لاقيته مېت عشان كدة المستشفى مقلوبه
يتبع