رواية ابيض واسود الفصل الرابع بقلم مني محمود بركات
متبقاش اناني .... حااااضر .... شريف بلاش دلع فيها اي لما نطلع مصيف وانت هنا انت الكبير انت عليك مسؤوليه الإجازة هتطير المرتب خليك هنا ... حاااااضر
بص تاني ل بهاء انا كنت بقول علي كل حاجة حاضر عشان هي تحبني ... كان كل املي في الدنيا حضڼ منها وابتسامة في وشي ودعوة ليا زي اي ام ما بتعمل مع ولادها ... لكن هي كانت مدياهم هما كل الحب كل الاحضان والابتسامات والدعاوي كانت ليهم هما بس ... ولما اشتكي ابقي ابن عاق وبيدلع
بص قدامة وصوتة هدي واتكلم بشرود خرجت يومها من البيت وانا مش شايف قدامي ... يعني أنا ضعيت عمري كله عشان احس بحبها وكنت فاكر أنها بتقسي عليا عشان أنا الكبير طلعت في الاخر پتكرهني ... فضلت امشي في الشوارع مش عارف اروح فين أنا أنا مليش أصحاب مكنش عندي وقت اصاحب حد كان لازم اشتغل طول الوقت عشان ترضي عني ... رجعت علي البيت بس قبل ما افتح وادخل سمعتهم ... سمعتهم وهما بيتفقوا عليا
ناهد پغضب
وبعدين بقا هفضل قاعدة قلقانة كدة كتير من رد فعل الزفت دا ما تفكرو معايا في حل أنا تعبت خلاص
منة بضيق
حضرتك اللي غلطانة احنا متفقين من الاول أن نعامله علي أنه مجرد مصدر للفلوس وبس مكنش فيه داعي تقوليله الكلام اللي اتقال دا دلوقتي ممكن يزعل ويمشي ومش بس كدة المصېبه الاكبر لو باع المحل والشقه هتبقي في الشارع بجد ومعاش بابا ميكفيش اي حاجة
وانا يعني كنت قاصدة هو اللي عصبني يا منة معرفتش أنا بقول اي وكل اللي كتماه جوايا طلع بقا ... يارب يغور في ستين داهيه ومايرجع ابدا
معاذ
طب واللي يقولكم الحل اللي يريحنا منه ويخلينا كسبانين كمان تعملولوه اي
منة
وانت بقا يا اوزعه اللي عندك الحل السحري
معاذ
بغض النظر عن التريقه اللي في كلامك بس اه يا منة أنا عندي الحل اللي يريحنا كلنا من زفت الطين دا
ما تقول وتخلصنا انت كمان هي ناقصه فوازير
معاذ بهدوء
الحل بسيط جدا نخلص منه ونورث المحل والشقه
ناهد پصدمة
انت اجننت يا معاذ عايزنا نقتل اخوك
منة بهدوء
استني انتي يا ماما ... ازاي يا معاذ اكيد مش اخرتنا تكون حبل المنشقه يعني ف
