رواية ابيض واسود الفصل الرابع بقلم مني محمود بركات

في خلال ساعات هه
حاضر يا باشا طلباتك اوامر سلام
سلام
قفل معاه ورن الجرس للعسكري اللي موجود نبطشيه دخل وادي التحيه
تحت امرك يا افندم
بكر فين يا ابني 
روح يا باشا من ساعه كدة بعد ما سلم الچثث بنفسه للمشرحة
اتصل بيه خليه يجيلي دلوقتي حالا ... يلااا انت واقفلي كدة ليه انا عايزة هنا حالا يلا
امرك يا باشا حاضر
العسكري كلم بكر فعلا ورد عليه بكر أن جاي مسافه الطريق وفي خلال نص ساعه كان واقف قدام بهاء
اامر يا بهاء باشا
أنا عايز شريف قدامي قبل النهار ما يطلع يا بكر الواد دا اللي عملها مش عايزة حر اكتر من كدة
يا باشا احنا مخلناش مكان مدورناش فيه ومع ذلك مكملين والله
روحتو مقاپر أبوة 
مقاپر أبوة !! لا منعرفش هي فين اصلا
روح اسال البواب أو صحاب شريف المقربين اتصرف الواد دا أن شاء الله هيكون هناك بسرعه قبل ما يغير مكانه يا بكر سمعني قبل النهار ما يطلع الاقيه هنا
تمام يا باشا هتصرف حاضر بعد اذنك
شاورله بهاء بهدوء وبعد ما خرج بكر وقفل الباب وراه يص بهاء لركن في الأوضه وابتسم وافتكر اللي حصل بعد ما خرج العسكري من عنده عشان يكلم بكر
فلاش باك
الطفل ظهر تاني في ركن الاوضة وهو دموعه نازله بهاء بصله بحيرة وهمس 
قولي انت فين 
الطفل ابتسم من وسط دموعه همس هو كمان 
عند بابا
باك
رجع بهاء رأسه لورا علي كرسيه وغمض عينيه وهو مبتسم براحة
الوقت عدي ببطء شديد علي بهاء وهو منتظر بس كان واثق أن بكر هيرجع ب شريف ودا اللي حصل فعلا واهو شريف قدام بهاء هدومة متربه عينيه زايغه في كل مكان شعره منكوش كان واضح جدا أنه في حاله هذيان وأنه مش في وعيه ولا حالته الطبيعيه ومع ذلك بهاء أصر يستجوبه
عملت كدة ليه يا شريف ايه اللي وصلك انك تعمل فيهم كدة 
مفيش رد
شريف انت سامعني ! اتكلم عرفني اي وصلك ل كدة ليه قټلتهم بالشكل دا 
شريف كان باصص قدامة ودموعه نازله بدء يتكلم بصوت واطي لكن واصل ل بهاء 
أنا أنا كنت بحبهم بس هما محبونيش 
بص ل بهاء وهو بيعيط ليه طيب ليه محبونيش طب هي ليه حبتهم هما وانا لا أنا عملت كل حاجة والله 
بدء صوته يعلي ورجع بص قدامة كل طلباتها كانت مجابه شريف الفلوس مش مكفيه اشتغل ورديه كمان بدل قعدتك في البيت ... حااااضر ... شريف ايجار المحل هيبقي مخصص ل جهاز اختك وبس ... حاااااضر ... شريف انسي حب عمرك اللي ھتموت وتتجوزها عندك اخوات اصغر منك لازم تفكر فيهم