رواية ابيض واسود الفصل الثالث بقلم مني محمود بركات

حياتي زي ما قفلت صفحة امك من زمان ( بص ل بسمة ) وانتي لو خرجتي معاه دلوقتي انسي أن ليكي أهل تاني البيت دا مش هتدخليه تاني ابدا سواء وانا عايش أو حتي بعد ما اموت
مهاب
اهدي يا بابا لو سمحت احنا كان مفروض نسمع كلام عمتو ونيرة من الاول لكن أنا وأنت اللي كنا فاكرينه اتغير وبقا انسان مختلف عموما من غير زعيق ولا عصبيه اتفضل يا بهاء مكان ما جيت وانتي يا بسمة خدي قرارك واحنا هنتقبله بصدر رحب يا تفضلي ونكمل موضوع كريم يا تمشي مع البيه وانسينا خالص
بسمة فضلت ټعيط وبهاء كان من كتر الڠضب اللي جواه بيتنفس بصوت عالي جدا كأنه بيجري بقاله مدة ومعتز وسوزي بيبصوله بتحدي وڠضب أما نيره قاعدة وحطة رجل علي رجل وبتتفرج بكل برود
مهاب
ياريت نخلص يا بسمة اخترتي اي
بسمة بصوت واطي وهي بصه ل بهاء
استناني شويه يا أبيه هطلع الم حاجاتي واجي معاك
كلهم بصولها پصدمة لانهم كانو متاكدين أنها هتختار معتز كل مرة بيكون في مشكله بين معتز وبهاء بسمة بتاخد صف معتز منعا للمشاكل اول حد فاق من صډمته كان بهاء اللي ابتسم ابتسامة مهزوزة وهز رأسه من غير كلام
اتحركت بسمه بسرعه علي اوضتها من غير ولا كلمة تانيه وحرب النظرات فضلت مستمرة بينهم تحت قاطعها صوت مهاب اللي اتكلم بكل هدوء
اوعي تفتكر أنها هتكمل معاك انت اكتر واحد عارف بسمة مدلعه ازاي هي بس زعلت من الطريقه اللي عرفناها بيها موضوع كريم مش اكتر عشان متفرحش اوي
بهاء بنبرة قويه
خليكم قد كلامكم اللي لسه قايلنه لو خرجت من هنا معايا ملكوش دعوة بيها خالص وانا وهي هنتصرف مع بعض
سوزي
اشبعو ببعض بس اوعي تفكر أن صوتك العالي وتهديدك لينا هيعدي بالساهل لاااا ابدا دا أنا بمكالمه تلفون مني اطيرك من شغلك اللي انت فرحان بيه دا
بهاء ابتسم
بجد !! طيب ياريت تعملي كدة وقتها هبقي فاضي بقا ومواريش غيركم ... وهبدء ب شرشر حبيب القلب واطلع الدفاتر القديمة بتاعته و
قاطعته سوزي
انت اټجننت ولا اي
معتز
مين دا ومالك اتعصبتي كدة ليه
نيرة
اظن كل دا ملوش لازمة .. أنطي بليز لا تتصلي ب أحد ولا تعملي حاجة بهاء في حاله واحنا في حالنا اوك
سوزي بغيظ
اوكي يا نيرة اوكي
بهاء بسخريه
اييييوة اسمعي كلام الأبله نيرة عشان منزعلش كلنا من بعض هتأذوني في شغلي هأذيكم واحد واحد هتسبوني في حالي هسيبكم في حالكم
مهاب
مش مكسوف من نفسك وانت بتقول ل اهلك هأذيكم
بهاء
صدقني يا مهاب أنا كدة مؤدب جدا معاكم ومراعي انكم للاسف اهلي
سوزي بصوت واطي
بيئه زي أمه
نزلت بسمه وهي شايله شنطيتين جري عليها بهاء وخدهم منها وقفت تبص عليهم مرة آخيرة والدموع في عينيها
بابي أنا
قاطعتها نيرة
كفايه كدة يا بسمة لو سمحتي انتي اخترتي خلاص بلاش نتعب بابا اكتر من كدة بليز
بصلتها بسمة بضيق ومشيت ومعاها بهاء واول ما خرجو من البيت دمعه نزلت من عيون معتز علي روحه اللي فارقته لاول مرة
أما بسمة ركبت جمب بهاء من غير كلام ... بهاء كان مقدر الصراع اللي جواها ومحبش يضغط عليها نهائي وسكت هو كمان