رواية ابيض واسود الفصل الثاني بقلم مني محمود بركات

ربع ساعه بس
مؤمن بصوت عالي 
علا ... حبيبتي
خرجت علا من المطبخ وهي مكشرة 
وطي صوتك يا مؤمن في اي حرام عليك ما صدقت ان نيجار نامت شويه عشان ادخل اعمل الغدا تيجي انت بصوتك دا تصحيها تاني حرام والله
بس بس خلاص براحة خدي نفسك معرفش أنها نايمة ... وبعدين انا قدامي ساعتين كدة ولا حاجة وانزل تاني ومش عارف هرجع أمتي معايا قضيه صعبه شويه ف قلت اجي اقعد معاكم شويه قبل ما انشغل فيها
معاش يا حبيبي بس حقيقي بنتك متعبه اوي طول ما هي صاحية عايزاني افضل قاعدة بيها ومعملش اي حاجة تانيه ... ادخل يلا غير هدومك وخد ذورفكدة يفوقك هكون حضرتلك احلي سفره
ماشي يا حبيبتي اتحرك ناحيه اوضته لكنه وقف ولف ليها تاني بقولك اي لو هتخافي تباتي لوحدك اخدك انتي ونيجار اوديكي ل ماماتك أنا ممكن اغيب عن البيت يومين ولا حاجة
ارتبكت علا بس حاولت تداري بسرعه ارتبكها قبل ما مؤمن يلاحظ
لا اقصد يعني دول يومين يعني وبعدين حتي لو بخاف بقا معايا طفله دلوقتي لازم اجمد قلبي والتعود علي طبيعه الحياه دي مينفعش افضل اخاڤ زي الاطفال كدة
بس انتي پتخافي يا علا ليه تضغطي علي نفسك بالشكل دا حتي لو عايزة تقوي نفسك خليها قدام شويه لكن دلوقتي نيجار لسه صغيره جدا وبتتعبك بلاش كمان بالليل تكوني مرهقه وخاېفة ومتناميش
حاولت تتهرب من الكلام
بقولك اي هشوف كدة واقولك ادخل بس خد شور بسرعه خلينا نلحق نتغدي في الهدوء دا وعشان تلحق شغلك كمان يلا
هز رأسه وهو حاسس ان في سبب لرفضها بس مرضيش يضغط عليها دخل اوضتهم وبعد شويه خرج كانت هي حضرت الاكل علي السفره وقاعدة مستنياه وسرحانه لدرجة أنها محستش أنه قعد قدامها غير لما لمس ايديها
اي اللي شغلك اوي كدة يا علا
حاولت تبتسم 
مفيش يا حبيبي مرهقه شويه بس
هز رأسه من غير كلام وبدؤ ياكلو في صمت قطعته 
ا انا يعني كنت بفكر بدل ما اروح ل ماما وانت عارف ان بابا الضغط علي طول تعبه ونيجار بټعيط كتير اروح اقعد اليومين دول عند ماماتك لو يعني مش هضايقاها ولا انت اي رايك 
هنا وهنا واحد اكيد المهم تكوني مرتاحة ومعتقدش أن ماما هتضايق انتي عارفه هي بتحبك ازاي وبتزهق ديما من القاعدة لوحدها غير حبيبه ستها بقا اللي لما بتصدق تشوفها
طيب ممكن اطلب منك طلب
اكيد يا حبيبي
ممكن بعد الغدا تتصل انت ب ماماتك وتشوف الدنيا اي يمكن تكون كانت ناويه تخرج أو تعبانة أو مودها مش تمام وتتحرج مني لكن منك انت مظنش
حاضر يا ستي بعد ما ناكل هكلمها ولو