رواية ابيض واسود الفصل الثاني بقلم مني محمود بركات

كان لازم يستني لحد ما نتيجة الطب الشرعي توصله الاول
تلفونه رن وللحظة فكر أنه يكنسل بس تراجع وخد نفس طويل وبعدين رد
أيوة يا مهاب
أنا مش مهاب يا بهاء أنا نيره ازيك عامل اي
جز علي سنانه من الغيظ ورد بضيق واضح
بخير الحمد لله نعم في اي
اتكلم كويس يا بهاء لو سمحت مش كل مرة افكرك أنا مرات اخوك الكبير واحترامي من احترامه
انتي متصله تديني محاضرة في الادب والاحترام ولا اي ! خير يا نيرة قولي في اي أنا ورايا شغل مش فاضي
ماشي يا بهاء مش هعمل مشكله معاك كفايه المشكله اللي موجودة أصلا لو سمحت عدي علينا انهاردة ضروري بابا من بعد المكالمه اللي ما بينكم وهو تعبان وضغطه علي جدا تعالي راضيه لو سمحت وارجع شغلك تاني هو فعلا كان عايزك في موضوع مهم وانت عارف بابا عصبي شويه بس ف بليز يا بهاء تعالي وبلاش الموضوع يكبر اكتر من كدة
وهو اي اللي بيكبر المواضيع يا نيره 
قاطعته بنبره هاديه زي ما هي
مش موضوعنا دلوقتي بقولك بابا تعب بعد الانفعال اللي حصل لو سمحت تعالي راضيه واسمع كان عايزك ليه وبعدين اعمل اللي يريحك
رد بسخريه
لا وانتم بتسبوني اعمل اللي يريحني اوي
اكيد بنسيبك ما انت قاعد في شقه لوحدك منفصل عننا رغم أن كلنا عايشين مع بعض وكل واحد له دور ف القصر هنا الا انت حبيت تستقل وتعيش لوحدك وسبناك بنشوفك كل فين وفين وبنقول اوك شغله وهو ادري بظروفه مفروض نعمل اي تاني يعني مش فاهمه
متعملوش حاجة اوك يا نيرة أنا جاي مسافه السكة هكون عندكم يلا سلام
قفل معاها من غير ما يستني يسمع رد والحقيقه الحركة دي طبع فيه مع اي حد ومهما حاول يغيره مش بيعرف ولا بيقدر يسيطر علي نفسه وقتها
رجع رأسه لورا بارهاق وتعب وغمض عينيه وهو بيهمس
يارب أنا تعبت ريح قلبي بقا
فضل علي الوضع دا شويه بيحاول يهدي نفسه قبل ما يتحرك عدي حوالي ربع ساعه وبعدين خد حاجته واتحرك وهو بيدعي من جواه أن الزيارة دي تعدي علي خير
مؤمن وصل علا بيت والدته وهو في الطريق راجع ل شغله تلفونه رن برقم حماته استغرب بس رد علي طول خاف يكون حماه تعبان أو معاهم مشكله
السلام عليكم
وعليكم السلام يا حبيبي ازيك عامل اي 
الحمد لله يا ماما تمام ماشي الحال
يارب ديما يا حبيبي .. بقولك اي مكلمتش علا انهاردة بتصل بيها بقالي شويه غير متاح علي طول قلقت عليها
لا متقلقيش يا ست الكل شبكة اتصالات بس عند ماما بعافيه شويه اتصلي ع فودافون هيرن عادي
هي عند