رواية ابيض واسود الفصل الثاني بقلم مني محمود بركات

أبيض وأسود 
مني محمود بركات 
الفصل الثاني 
الصورة من بعيد كتير بتكون خداعه
لو حصل في الحقيقه وحد معدي جمب شخص انفعل علي والده أو والدته زي ما بهاء انفعل علي باباه هيقول عليه دا ابن جاحد ازاي يكلم ابوة اللي رباه وكبره كدة ازاي يجرؤ يعلي صوته عليه كدة اكيد دا مش بيطمر فيه اكيد ملوش خير في حد طالما ملوش خير في أهله بالشكل دا
مع أن لو جينا وعملنا زوووم علي الصورة وشوفناها من قريب كويس اوي كلامنا كله هيتغير ونظرتنا ل بهاء بعد ما كانت نفور وڠضب هتبقي كلها شفقة وحزن
صدمة 
بكر قطع كلامة مع بدور لما شاف اسم بركات علي التلفون ملامحه كلها اتغيرت وفتح المكالمه من غير ما يقول ل بدور اي كلمة

عايز ايه .. أنا مش قلتلك الرقم دا تنساه ومتتصلش بيه تاني
رد عليه بصوته الغليظ واتكلم بكل حدة
لا بقولك اي الشويتين اللي بتعملهم مع المجرمين اللي بتتعامل معاهم ميمشوش معايا متنساش نفسك أنا ابوك يا بكر ولازم تحترمني ل اغضب عليك دنيا واخره
رد عليه بسخريه
لا وانت الشهادة لله ونعم الاب اوي اي يا حج بركات انت مالك مصدق نفسك كدة ليه
بقولك اي أنا مش ناقص ۏجع دماغ التلاجة عندي فضيت والراجل صاحب البيت عايز الايجار عدي عليا الشهريه وامشي مش عايز من وشك حاجة تانيه انت طول عمرك ابن عاق اصلا مش هتتعدل علي كبر يعني
عندك حق مفيش حد بيتعدل علي كبر زي ما انت كدة مش هتتغير ابدا بردو عموما القبض لسه منزلش لما ينزل هبقي ابعتلك اي عسكري بالفلوس أنا مش هاجي
بركات بصرامة 
هتيجي بنفسك يا بكر والا والله العظيم تاني يوم هكون عندك في القسم واعملك شوشره واقول للظباط و لزمايلك انك ابن جاحد مش بيبص علي أبوة سمعني وانت عارفني كويس أنا مش بهدد بنفذ علي طول
استغفر الله العظيم يارب يا سيدي انت عايز مني اي الشهريه وبتوصلك اول كل شهر لحد البيت ليه لازم أنا اجي لا انت طايق تبص في وشي ولا أنا عايز اشوفك بتحكم رايك ليه مش فاهم
لما تيجي هتفهم يلا سلام
السكة اتقفلت وحس بكر أنه جواه طاقه ڠضب ټحرق الدنيا بحالها حاول يسيطر علي نفسه وحس أنه مش هيقدر يكلم بدور تاني دلوقتي بعتلها رساله علي الواتس أنه جاله شغل ضروري وهيشوفها بالليل تستناه علي العشا
فضل واقف بيحاول ينظم نفسه شويه وبعدين رجع كمل شغله تاني
مؤمن كان قدامة حوالي تلت ساعات علي ما الفريق اللي شغال يخلص شغل والچثث تكون في المشرحه عشان يبدء هو شغله حب يستغل الوقت دا وطلع علي البيت خصوصا أن شقته جمب المشرحة بينهم حوالي