رواية وشم على حواف القلوب الفصل الحادي عشر بقلم ميمى عوالى

الجديد و كل سنة و انت طيب
حكم بتذكر ايوة ايوة .. و انت طيب يا سيدى تمام بس برضة ماقلتليش .. مين الست اللى كنت بتتخانق معاها دى و كنت بتزعق معاها ليه
عبد المولى دى سعدية اللى بتشتغل عند الست كريمة الزيات
حكم باستغراب عمتى 
عبد المولى ايوة جنابك
حكم بفضول طب برضة كنتوا پتزعقوا ليه
عبد المولى اصل عمة جنابك بتبعت من وقت للتانى بتطلب شوية تمر من المحصول و كان سيدى المصيلحى الله يرحمه و يبشبش الطوبة اللى تحت رأسه و من بعده الست نجاة موصيننى انى اديها كل اللى تطلبه
حكم و بعدين 
عبد المولى التاجر جه ضم كل المحصول و شونه حدانا فى المخزن و كانت الست نجاة موصيانى ابعت لعمة جنابك قفة بحالها قبل ما التاجر يلم المحصول زى ما كان سيدى المصيلحى الله يرحمه و يبشبش الطوبة اللى تحت راسه بيعمل قبل ما ېموت 
حكم و هو يحاول السيطرة على ضحكاته ها و بعدين
عبد المولى انى عملت بوصية الست نجاة بالظبط و بعتت القفة لعمة جنابك مع الواد مصطفى ابنى اللى واقف جارك ده 
حكم ماشى يا عبد المولى تشكر اټخانقتوا ليه بقى 
عبد المولى انى كنت فوق النخلة بنضفها زى الواد مصطفى ابنى ما كان بيعمل كدهون و بصيت لقيتها جاية و جايبة القفة و قال و عاوزانى املاهالها تانى .. طب املاهالها منين و التاجر لم كل المحصول و عباه فى زكايب و شايلها حدانا فى المخزن اقول لها ما ينفعش ده التاجر خلاص عباها فى الزكايب تقوللى لاا الست كريمة بتقولك املاها و جنابك جيت اهو و احنا بنتناقر 
حكم طب و هى كل سنة بتحتاج تانى بعد القفة اللى بتديهالها دى 
عبد المولى ماخابرش جنابك هى كانت على طول بتتعامل مع سيدى المصيلحى الله يرحمه و يبشبش الطوبة اللى تحت راسه لكن دى اول محصول ينضم من بعد ما سيدى المصيلحى الله يرحمه و يبشبش الطوبة اللى تحت راسه ما ماټ
حكم ماشى يا عبد المولى طب هو التاجر لما بياخد المحصول ما بيتفضلش منه حاجة خالص
عبد المولى مابيتفضلش غير نخلتين الصدقة بس هم دول اللى بنجمعهم لوحديهم بعيد عن المحصول 
حكم و بتودوهم فين بعد اكده
عبد المولى بنوديهم لشيخ الجامع يوزعهم بمعرفته
حكم تمام و مافيش اى تمر تانى بيتفضل 
عبد المولى فيه زكيبة واحدة .. التاجر سابها هدية للست نجاة 
حكم بفضول و هى اخدتها 
عبد المولى لاا .. قالتلى اخليها عندى و نبقى نوزعها بعد اكده على الغلابة 
حكم طب ما اديتش لعمتى منها ليه
عبد المولى و هى عمة جنابك غلابة دى عمة جنابك تشتري مية نخلة بمحصولها 
حكم ضاحكا خلاص يا عبد المولى .. بس انت قلت لسعدية ايه
عبد المولى قلتلها خلاص جبرنا 
حكم ېخرب عقلك طب روح انت .. انى هتصرف 
ليخرج هاتفه و يهاتف احمد و يطلب منه الحديث الى نجاة و ما ان ردت عليه حتى قال لها معلش يا ام عبد الله هتعبك معايا
نجاة خير يا ابو ياسمين 
حكم كنت محتاج شوال تمر من اللى التاجر شونه فى المخزن فممكن تكلميه عشان ناخد موافقته و نسقطه من الحساب 
نجاة طب هو انى فى عندى هنا شوال .. متعودين نشيله لعمتك لما بتطلب بنديها منيه لو انت عاوز شوية يعنى و اللا انت محتاج كمية كبيرة 
حكم بابتسامة واسعة لا لا .. انى كنت عاوزه لعمتى اصلا 
نجاة تحب ابعتهولك مع حد من الغفر 
حكم لو مش هتعبك ..