رواية لن انساك الفصل الثامن عشر بقلم ريهام أبوالمجد

وبعدين مين هيروح مع مصطفى النادي
عمران متقلقيش أنا هبعت مع مصطفى حراسة.
ميرنا هو في إية بجد يا عمران فهمني وبعدين أنت مكنشي عندك مانع إني أروح النادي مع مصطفى وأنت بنفسك عملتنا الإشتراك إية اللي أتغير بقى
عمران أسمعي الكلام يا حبيبتي أنا عارف أنا بعمل إية أنتي واثقة فيا صح
ميرنا مسكت إيده بين إيديها وقالت طبعا بثق فيك يا حبيبي أكتر من نفسي أنا بس مستغربة لكن لو مش حابب تعرفني السبب فأنا مش هضغط عليك وهحترم رغبتك لإني عارفة إنك بتحبني ومش بيهون عليك زعلي وما دام منعتني أو حظرتني من حاجة يبقى أكيد في صالحي بس بتمنى لو في حاجة صارحني بيها لازم نتشارك كل حاجة مع بعض يا عمران متنساش.
عمران بتملك وقال وأنا مش هخذلك أبدا يا حبيبتي وصدقيني أمانك وراحتك رقم واحد عندي خليكي واثقة من دا.
وقالت واثقة يا عمران.
بعد عنها ودخل الحمام وهي جهزتله ملابسه ولما خرج نشف شعره وهي قربت منه عشان تلبسه القميص وهو مركز معاها وعارف إنها زعلانة بس هو خاېف عليها اووي والمشكلة إنه لسه موصلشي لأمجد.
قفلت أخر زرار في القميص وقال ميرنا مش عايزك تزعلي مني صدقيني أنا مش بعمل أي حاجة من غير هدف أو غاية.
ميرنا قالت عارفة يا حبيبي ومقدرشي أزعل من حبيب قلبي أنا لو زعلانة فدا بسبب إنك مش بتشاركني مشاكلك وبتبعدني عن المشاكل مع إننا واحد يعني مشاكلك هي مشاكلي والعكس أنا عايزاك تشاركني المر قبل الحلو صدقني احنا الإتنين هنرتاح.
بقلمي ريهام أبو المجد 
أنا خليتك قربي عشان أعيشك أجمل سنين عمرك مش العكس يا حبيبتي أنت متستاهليش غير الحب والسعادة وراحة البال.
قالت وجودك في حياتي لوحده راحة وسعادة يا عمران وكفيل يخليني أسعد إنسانة في العالم كله.
عمران بعشقك يا ميرنا أفديكي بعمري كله يا حب عمري.
وبعدين ميرنا قالت حبيبي يلا عشان شغلك.
عمران بعد وقال حاضر بس عايزك تدعيلي كتير وتدعيلي ألاقي اللي بدور عليه بأسرع وقت.
ميرنا بقلق حاضر يا حبيبي إن شاء الله ربنا
يدلك على الطريق الصحيح أتوكل على الله وكل حاجة هتكون كويسة.
عمران ونعم بالله.
وفعلا مصطفى راح النادي بحراسة تحت إستغراب زينب.
عمران فضل يراقب الأماكن اللي مشتبه تواجد أمجد فيها لكن موصلشي لخيط يدله عليه.
في المساء ميرنا كانت قاعدة سرحانة في عمران وحالته اللي متغيرة وقامت صلت ركعتين لله ودعتله كتير بعد ما خلصت بصت في الفون وللتاريخ وقالت بحزن بكرا.
وقامت طلعت صورتها هي وسليم ومسكتها وقالت بحزن بكرا سنويتك يا سليم مكنتش متخيلة إن كل دا يحصل ولا إنك تفارقنا بالشكل دا وتسيب ملك وهي لسه صغيرة ومحتجالك محتاجة لباباها جنبها بس وعد عمري ما هقصر معاها ولا هخليها تحس باليتم أبدا.
اتنهدت وقالت متقلقشي عمران بيحبها اووي ومتعلق بيها بيعاملها كإنها بنته هو والله عمران راجل ويعتمد عليه خليك واثق إن بنتنا ملك بين إيدين أمينة يا سليم.
فضلت تتذكر ذكرياتهم سوا ودموعها نزلت وفي الوقت دا عمران دخل ولما لقاها كدا قرب منها وقال بقلق ميرنا حبيبتي فيكي إية ودموعك الغالية دي نازلة لية!
ميرنا أتخضت لإنها معملتشي حساب إن عمران يرجع ويشوفها بالشكل دا وكمان صورتها هي وسليم بين إيديها.
تلقائي حطت الصورة ورا ضهرها فعمران استغرب وقال وهو بيقرب حطيتي إية ورا ضهرك!
ميرنا بتوتر مفيش.
وكملت بتسرع تحب أحضرلك العشاء يا حبيبي
عمران قرب وقال طلعي اللي ورا ضهرك.
ميرنا قولت مفيش يا