رواية تزوجه رغما عنه الفصل السابع بقلم حورية

وقد همت بالوقوف هروح انا بقى اعمل الصاله والصالون 
جذبتها فتحيه وقا لت لها بابتسامه الشقه نضيفه مش مهم..اطلعى البسى وشوفى هتعملى ايه عشان اول ما حسن يجى نروح ..
صعدت مها الى منزلها..راضية تماما عما فعلته...احضرت تلك الجرائد التى ابتعتها اثناء رجوعها من عند سهى ...واخذت تبحث فيها عن وظائف خاليه فى شركات الادويه والصيدليات الكبرى...
مرت ساعه ومازالت تتفحص فى تلك الجرائد ..حتى جاء حسن ..لم تذهب للباب كعادتها بل قالت بجفاء وهى جالسه له اهلا 
نظر اليها وقال بفضول وهو ينظر الى كمية الجرائد حولها انتى بتعملى ايه .
قامت بلملمة الجرائد .ثم نظرت له وقالت متجاهله سؤاله انا قايمه اهو 
قال بفضول مجاوبتيش يعنى ..
سارت امامه ناحية غرفتها مش مهم تعرف...
تجاهلها هو الاخر وقال لها فرح بنت مديرى فى البنك بكره ان شاء الله ..وعازمنا احنا ومراتتنا ..جهزى نفسك 
مها ببرود مش فاضيه ..روح مع نفسك 
حسن بتعجب فيه ايه ..مش عادتك يعنى ..ما انتى لازقه فى كل حاجه 
مها بسخريه لازقه!
حسن ببرود اه ..انتى مش كنتى بتتحايلى عشان نخرج سوا 
مها يا عم قولتلك روح انت..مبحبش اكرر الكلام كتيرعلى فكره 
حسن پحده ما تلمى نفسك يا مها فيه ايه