رواية الحب الابدي الفصل الثامن بقلم ايمان محمد

الفيلا معززة مكرمة بما انك دكتورة ابنى 
ولا اكل ولا مش اكل اللى انتى بتتكلمى فى ده 
وكل الفيلا تحت امرك المهم مراد يتعالج 
اسيل . تمام 
انا هقولك حاجه بس هتزعل 
عمر . قولى
اسيل . انا الصراحه كنت مفكراك متكبر ومغرور وشايف نفسك وكنت لما جيت استلف منك الفلوس كنت بقول مش هتديهالى 
عمر. ليه الفكرة الوحشه دى
اصلى كان فى بنات عندنا فى الكليه بيقولوا انك متكبر جدا 
ومش بطيق حد
عمر . بضحكه ايه الفكرة السودة اللى انتى واخداها عنى دى
اسيل . ده انا كنت واخداها دلوقتى اتغيرت 
عمر . بقت ايه 
اسيل بتسكت ومش بتبقى عارفه تتكلم تقول ايه 
عمر بيوقف العربيه وبيقولها ها دلوقتى ايه الفكرة اللى انتى وأخداها عنى 
اسيل. مش عايزة اقول ويلا خلينا نمشي عشان مراد 
عمر بضحكه ماشي ياستى اسيل 
اسيل . بضحكه ستى كمان ده انت تشبيهاتك منيله بنيله
اسيل . هو ايه اللى انا قولته ده
عمر . انا بردوا تشبيهاتى منيله بنيله 
اومال منيره بتاعتك دى ايه وبيكونوا هما الاتنين بيضحكوا من جوة قلبهم وبيوصلوا الفيلا وبردوا عمر كان لسه بيضحك وتميم لما بيشوفه كدا بيفرح جدا 
تميم . ايه سر الضحكه دى 
عمر . ها مفيش حاجة 
اسيل . عن اذنكوا انا طالعه دلوقتى لمراد 
عمر . تمام 
اسيل بتطلع وتغير هدومها وبتشوف اخوها الاول وبتديلوا الدواء 
ايه بقى مش ناوى تطلع من الأوضه دى يا زين 
زين . كنت هطلع انهاردة واروح اقعد فى الجنينه شويه 
اسيل . خلاص هروح اشوف مراد واقعد معاه شويه وابقى اجى اخدك واخد مراد وننزل نقعد تحت فى الجنينه 
زين . تمام وبيحضن أخته وبيقولها انتى بتفكرنى بأمى يا اسيل انا اشتقتلها اووى 
اسيل بتحضن زين وبيقعدوا يعيطوا هما الاتنين واسيل بتقول ل زين متعيطش يا زين انت مش لازم ټعيط 
عشان ماما عند اللى احسن من اي حد دلوقتى هى عند ربنا خالق الكون
وبتبقى اسيل بټعيط بس بدارى دموعها عشان متبينهاش لاخوها وبتكون سميه سامعاهم وهى معديه وبتكون شايفه اسيل وهى بټعيط واد ايه هى طيبه وبتحاول تهدى اخوها مع انى هى محتاجه حد يهديها 
اسيل بتمسح دموعها وبتدير لاخوها يلا اروح انا دلوقتى 
وافتكر يا زين انى ماما راحت عند اللى احسن من اي حد ومتعيطش عشان ماما متزعلش
زين . ماشي وبيحضن اسيل اكتر
اسيل بتطلع عشان تشوف مراد بتلاقى سميه فى وشها 
اسيل بتمسح دموعها وبتضحك وتقولها عايزة حاجه يا سميه هانم 
سميه مش قولنا بلاش هانم دى 
اسيل. ماشي ياخالتوا 
اسيل . طب انا هروح لمراد دلوقتى محتاجه حاجة اجبهالك 
سميه . لا يا بنتى عايزاك سالمه 
اسيل شكرا يا خالتى ربنا يخليكى
وبتمشي عشان تروح لمراد 
سميه. اد ايه هى بنت طيبه واد ايه محترمه ومش بتحب تبين حزنها لحد ودايما ابتسامتها على وشها 
ربنا يحميكى يا بنتى 
اسيل . مراد 
مراد . بيجرى عليها ويحضنها 
اسيل . عامل