رواية وبها متيم انا الفصل الثاني بقلم امل نصر

بخشونة قائلا 
تمام يا سيادة المقاول أنا بقى هشوف شغلي مع الرؤساء وهما بقى اللي يشوفولي صرفة مع الوضع ده.
قالها ثم التف ذاهبا يغمغم بصوت عالي 
مش كفاية إني قبلت اشيل مسئولية الشغلانة دي من نصها وشربت المقلب وهي من امتى 
تمتمت شهد هي الأخرى بحنق من خلفه ټضرب كفا بالاخر 
لا حول ولا قوة ألا بالله روح يا خويا اعمل ما بدالك يعني هتخرجنا من الجنة يا خي بلا نيلة
بداخل مقر الشركة التي يتم بها عقد المقابلات لاختيار الموظفين الجدد كانت صبا مع صديقتها الجديدة مودة مازلن في انتظار دورهن في الإختبار الذي يجريه رئيس العمل حتى يتم استتلام الوظيفة ف قالت بريبة تتسرب داخلها 
أنتي مش ملاحظة إن كل اللي بيدخلوا بنات او ستات بس
ردت مودة وعينيها تناظر الجالسات حولها بهيئات مختلفة من منتقبة بملابس واسعة للغاية لمحجبة بملابس عصرية إلى أخرى منفتحة ترتدي جيبة قصيرة وملابس ضيقة وزينة 
عندك حق طبعا القعدة هنا كلها طرية بشكل مستفز والواحد نفسه جزعت وبقى حلمه يشوف حاجة خشنة بشنبات أو عضلات او حتى عادي المهم يبقى فيه تغير بدل ما حاسة كدة اني قاعدة في كوكب النساء هههه.
صدر صوت ضحكتها بشكل لفت الأنظار نحوها فتبسمت لهن صبا تردد بحرج 
أسفين يا بنات معلش.
دلكت مودة بكفها على موضع اللكزة تردد بتأوه خفيض 
يا بنتي خفي شوية الفرك بتاعك ده انا مش عارفة إيه اللي قالقك بالظبط عشان مفيش رجالة معانا يعني مش يمكن الراجل رئيس العمل قسم الأيام ما بين الرجالة والستات عشان الزحمة واديكي شايفة بنفسك اهو.
الټفت صبا نحو الغرفة الواسعة والممتلئة بالنساء فبدا على ملامحها بعض الإقتناع وتسائلت 
طب ليه موضوحوش مش يمكن كنا جينا احنا كمان في يوم الرجالة
حركت مودة رأسها بسأم تردف بمهادنة 
يا صبا متبقيش شكاكة كدة ودقاقة في كل حاجة ما هو مش معقول يعني هيكون كل الهيلمان ده معمول عشان الڼصب او مقلب كاميرا خفية كبري شوية يا ماما كبري.
حتى انتبهت على نداء الموظفة المسؤلة بإسمها ف انتفضت محلها تجيب الفتاة 
ايوة انا صبا مسعد .
اتفضلي يا صبا مستر حلمي مستنيكي في المكتب جوا 
سمعت منها لتقف وتهندم في ملابسها بقلق شعرت به مودة التي وقفت هي الأخرى ولكن لتؤازرها 
إهدي يا صبا وخدي نفس طويل وخرجيه عشان