رواية اسرار الماضي لبنت ناس الجزء الثاني الفصل السادس والثلاثون بقلم رينا الهادي

ياخد جنب منهم المهم شالني وداني المستوصف وانا قعدت اعيط وهدومي من الڼزيف اتبهدلت قالي إية حصل حكيتلة وبعدين قالي اية يرضيك قولتة اقدم بلاغ فيها وتمضي عدم تعرض ليا تاني وافق وراح عمل بلاغ بالضړب و قالي تبات يوم وهاخدك وتتنازلي عن المحضر قصاد انها تمضي علي عدم التعرض وحصل .
رقية بسهولة كدة اتحبست .
رضا مش بسهولة و لا حاجة هي قالت اني أنا الي ضړبتها في الاول وجابت شهود عارفة مين 
رقية اكيد مصطفي والحاجة .
رضا يا ريت دي مرات ابويا قالت إنها كانت جاية تزورني وشافت اني إبتديت تعرفي كنت ديما بسمع كلامها و بعاملها زي امي بس هي كرهاني وزاد كرهها ليا لما ما روحتش اخدمها بعد جوازي و لا اساعد اخواتي البنات في بيوتهم وكانت هتشهد زور .
رقية يا خبر تشهد زور 
رضا آة ياما افترت عليا قدام أبويا لغاية ما كرهني هو كمان الحمد لله أن ابو علي ما سكتش ساعتها قال أنة لما جة من الغيط كانت مرات ايويا واختة بيضربوني وزي ما قالي جت في دماغة فكرة أنهم سقطوني لانة كان قدم البلاغ في الأول بالضړب بس و قال للضابط يجي يشوفني في المستوصف واني مغمي عليا هو بجد كان متعلق ليا محلول وفي دنيا تانية ساعتها زي ما حكي ليا مرات أبويا لطمت وخاڤت ورجعت في كلامها وقالت إنها ما كنتش موجودة و اترجتوا يسحب كلامة فقال لها ملهاش دعوة بيا تاني ابدا وأنها ست سو و هي وافقت و بعدين قال لأختة إني حكيت لة كل حاجة وهو مش مسامح ومعرفش ازاي اتحبست بس انا صحيت بالليل وحكي ليا كل حاجة وقال أنة عاوز يربي اخواتة من اول وجديد واني لازم اتنازل وهينفذ ليا طلب لما أخف وانا طلبت آجي ليك ماهو كدة كدة لو ما إتنازلتش هيعرفوا اني ما سقطتش هجيب منين يعني تقرير بكدة وانا لمؤاخذة لسة بنت بنوت .
رقية پصدمة بنت 
رضا آة و ربنا أنا فتحت لك قلبي من كلام أبو علي عنك و كمان علشان معدش ليا حد حتي اخواتي وابويا قطعوني علشان ماعدش بخدمهم آمالت فمها بحزن أوامر مرات ابويا طلبت اني اجي لك علشان الوحدة وحشة يا ابلة رقية أنا مكروهة في بيت ابويا وبيت جوزي لما إتفقنا علي الجواز كان فية غرض لأبو الدكتور و حصل و ربنا ريح بالة علي إبنة أنا كان غرضي أرتاح كنت من الفجر لآخر الليل خدامة الصغير والكبير ومفيش راحة غير كلام الستات إني بايرة ايدي ورجلي شققوا من الشقا وقولت ارتاح شوية مع اني كنت متأكدة إني هرجع تاني لبيت ابويا لان عم محمد بيحب خالتي انتصار وبيكلمها كل يومين وبسمعة كتير بيضحك معاها بصي أنا دلوقتي باخد محو الأمية مع اني بعرف اكتب واقري ما أنا خرجت بعد خامسة بس عاوزة حد يدلني اعمل اية مش عاوزة اتهان تاني و عم محمد قال انك عقلك كبير وحيات ولادك اعتبرني اختك الصغيرة وقوليلي اعمل اية أنا خائڤة من الدنيا والناس .
رقية ياااة يا رضا إنت قلبك معبي وأنا ما إتصورتش ابدأ اني ممكن اقعد معاك كدة اصلي بعتبر انتصار اختي والي يزعلها يزعلني عشرة عمر بقي .
رضا والله وانا بحب خالتي إنتصار طب تعرفي أختي الصغيرة لما جت تتجوز أنا شلت لها شنط فيها قماش