رواية عيب الشوم الفصل الخامس عشر بقلم مريم احمد
انت في الصفحة 1 من 4 صفحات
15
كانت نعيمه مضايقه من همس جدا انها ردت عليها و كانت بتفكر ف انها ازاي ټنتقم منها
كانت بتدعي عليها من كل قلبها و هي شايفاها بتضحك مع ورد و هما بيهزروا
استغلت نعيمه ان محدش واخد باله و خدت برطمان الشطه و حطت منه ف خلطة الرز و قالت ل همس
نعيمه.. شوفي كدا يا همس الرز ملحه كويس ولا ايه عشان لو كدا نعمل ورق العنب على طول قبل م جدك و مالك يجوا
هزت همس راسها بطاعه و خدت معلقه و داقت الرز بس معداش ثواني و فضلت تكح جامد جدا لدرجة ان عينيها دمعت و وشها احمر و ورد مكانتش عارفه تعملها ايه جابتلها مايه بس همس مكنتش عارفه حتى تاخد نفسها عشان تشرب
بصت ورد لأمها و قالتلها
ورد...انتي حطيني شطه ف الرز يا ماما
قالت نعيمه بكل هدوء
نعيمه...ايوا
اضايقت ورد و قالتلها باستغراب
ورد طب ليه دا يا ماما م انتي عارفه ان همس غندها حساسيه من الشطه
قالت نعيمه پغضب
نعيمه...و انا كنت امها يعني عشان احفظ ايه الاكل الي الهانم مبتحبوش و عندها حساسيه منه
رفعت ورد حواجبها پصدمه من كلام امها
و همس الي كانت خلاص الحكه هديت شويه بعد م شربت مايه
بصت همس لنعيمه و قالتلها بدهشه
همس انتي ازاي كدا..ايه كل الحقد الي ف قلبك ليا دا
نعيمه...و انا هضايق منك انتي ليه يعني فاكره نفسك مين
همس...يا ستي مضايقه مني اوي كدا عشان خلصت تعليمي احنا فيها اهو روحي قدمي لبناتك على الكليه الي هما عايزنها بس متفضليش مضايقه مني كدا مع ان اصلا ميفرقليش اذا كنتي مضايقه ولا لا
قالت كلامها و خرجت من المطبخ
و نعيمه الي كانت ھتموت من كتر الغيظ و قالت بصوت عالي عشان همس تسمع
نعيمه...انا عيالي احسن منك على الاقل متربيين زين و ميتكلموش بالاسلوب العفش دا مع حد يا متربيه
فضلت ورد بصه لأمها بزهول و بعدين هزت راسها يمين و شمال بعدم تصديق و خرجت من المطبخ
في شركة هيا
كانت قاعده ف مكتبها بتتابع شغلها و فجأه الباب خبط
هيا....اتفضل
اتفتح الباب و دخلت سلمى الي اول م هيا شافتها قالتلها بهزار
هيا...لااااا انا ورايا شغل قد كده و مش فاضيه لي رغيك
بس سلمى مهمهاش الكلام اصلا و قعدت على الكرسي الي قدام المكتب و قالت
سلمى...انا و ماما نفسنا نشوف همس اختك
اټصدمت هيا منها و قالتلها
هيا....هو انتي مبتعرفيش تحفظي سر ابدا
قالتلها سلمى بضحك
سلمى....يا بنتي بقى دي ماما يعني
هزت هيا راسها و قالتلها بسخريه
ابتسمت سلمى و قالت بكل بساطه
لما خرجت من المكتب رنيت عليها و حكيتلها و قولتلها يا ماما كلمي طمط رانيا و خليها تعامل همس كويس
سابت هيا الورق الي كان ف ايديها و قالت بخضه
هيا...انتي قولتي لطنط كدا
هزت سلمى راسها بتأكيد و قالتلها بأستغراب
سلمى...ايوا في ايه يا هيا مالك
اتعصبت هيا جدا و قالتلها
هيا...في ان ماما مش هتسكت يا سلمى و مش بعيد تكلم همس و تقولها كلمتين يزعلوها
سلمى...هتكلم همس ازاي و هي ممعهاش رقمها اصلا
اتعصبت هيا زياده و قالتلها
هيا....انتي فاكره ان دي حاجه صعبه على ماما يعني
سكتت سلمى و هي
