رواية الحصان والبيدق الجزء الثاني من بك احيا الفصل الرابع بقلم ناهد خالد

ولم يعلم باصابتها بمرض كهذا! خفتت انفاسه وهو يشعر بقرب فقد سيطرته على ذاته لكن بضغطه واحده على كفها امدته بالسيطرة دون أن تعلم فهدأ ذاته وسأل الطبيب بجمود واضح
_ انا عاوز افهم اكتر.
لم يفهم جملته فسأله هو الآخر
_ تفهم عن ايه
اجابه باقتضاب
_ عن المړض.. ليه جالها والمفروض اتعامل معاه ازاي
ضيق الطبيب عيناه باستغراب يسأله
_ تتعامل هو حضرتك الي هتتعامل مع المړض! المفروض المړيض هو الي يفهم ويعرف خطۏرة المړض وازاي يتعامل معاه.
اغمض عيناه بنفاذ صبر ولازمها زفرة قوية منه ثم فتحهما وهو يقول
_ هي مش مهتمة بصحتها فقررت اهتم انا فيه مشكله
تنحنح الطبيب بحرج وهو يسأله
_ حضرتك تقربلها ايه
اجابه بحنق
_ جوزها وياريت التحقيق يكون خلص عشان صبري نفذ.
جاءت الممرضة بما طلبه الطبيب فأسرع يعطيها حقنة الأنسولين ويدعم جسدها الذي يبدو انه لم يتغذى منذ وقت بالمحلول وهو يجيبه
_ حضرتك سبب المړض بيكون متعدد ياسبب وراثي او بسبب حمل وده بيكون مؤقت او بسبب اضطرابات في وظائف الجسم وممكن بسبب الحالة النفسية السيئة المستمرة لفترة طويلة او الاكتئاب و..
_كلمني اكتر عن السبب الأخير..
_ ده بيكون مرض من النوع الثاني بيكون بسبب الحزن الشديد لفترة طويلة او مشاكل نفسية بتسبب لغبطة في الجسم فممكن وقتها يصاب بالسكري وعموما لازم تاخد بالها من صحتها اكتر تنظم اكلها وتبعد عن النشويات والسكريات ومتبذلش مجهود جامد وكمان تلاحظ مستوى السكر باستمرار لما تحس بأي بوادر لان مستوى السكر واطي او عالي لازم تاخد حقنة الانسولين قبل ما يحصلها إغماء ويفضل تبعد عن الزعل والعصبية اهم حاجة لانها بتلعب في مستوى السكر بسرعة فيسبب اغماء وميلحقش المړيض ياخد الانسولين.
طفق الحزن على ملامحه وهو يسأله بنبرة مهزومة خفية
_ تعرف ازاي ان في مشكلة في مستوى السكر
_ هتحس باعراض زي الدوخة او الهبوط الشديد او العرق الغزير او الصداع الشديد الي بيصاحبه شعورها بالتقيئ وممكن كمان تشتري جهاز قياس السكر وده هيفيدها كتير اوي.
_ ايه الجهاز ده
_ ده جهاز في منه انواع كتير بيبقى له سلكين وبلزق بيتلزق في البطن والجهاز نفسه جهاز لوحي عادي قد كف الايد بيتحط في جيب المړيض وبيقيس مستوى السكر باستمرار وفي حالة الارتفاع او الهبوط بيدي انزار.
_ ايه افضل نوع له
_ هقولك على نوع كويس جدا لسه منزلش مصر تقدر تطلبه من المانيا واسهل في الاستخدام هو مجرد لاصق بيتحط على الدراع او في اي مكان والجهاز منفصل مش متصل بيه بس غالي شوية يعني ممكن يوصل ل....
قاطعه وهو يخبره بحزم
_ ميهمنيش السعر اطلبلي الجهاز ده فورا واطلب ييجي في اسرع وقت حتى لو هيكلف مصاريف مضاعفه.
اومئ برأسه موافقا وانسحب من امامه تاركا اياه معها ومصطفى يقف بالقرب من الباب عيناه ممتلئتان بالدموع وهو ينظر لشقيقته پخوف حقيقي يشعر به لأول مرة يخشى أن تتركه يوما كما فعل الجميع فلم يعد لديه غيرها ربما يتشاجران كثيرا لكنه يقسم انه يحبها أكثر مما تتخيل وكيف لا وهي والدته التي اعتنت به ووالده الذي سعى ليحقق له مطالبه ويمنحه حياة مستقرة وشقيقته التي تخشى عليه وتحاول دوما أن تدفعه ليكن في حال أفضل وصديقته التي تتفهمه حين يحكي لها عن مشاكله وازماته هي كل شيء له فكيف لا يفعل!
_ متخافش يا مصطفى هتكون كويسة.
نظر له وقد سقطت دموعه تعبر عن عجزه ليهتف پخوف
_ هي مقالتش قبل كده انا خاېف تسيبني.
اخبره بقوة ناهرا اياه