رواية ماساة حورية الفصل السادس والعشرون بقلم فريدة احمد

بنذاكر فيها وصحابي نيسيو يجببوه... انا اسفة كل اللي حصل كان ڠصب عني
قدرية... ولا يهمك ياقلب امك الحمدلله انك بخير. تعالي استريحي ياروحي
ولسه هتاخدها وتتحرك علي الاوضة كريم قرب مسك سمر من فكها وهو بيبصلها بشك وقال... اقسم بالله لو كل اللي حكتيه ده طلع فيلم ماهرحمك
قدرية پغضب...كريييم. ملكش دعوة ب اختك سامع.. 
وبعدت سمر عنه وقالت... وبعدين ما واضح انها تعبانة. انت مش شايف شكلها وشها اصفر ازاي... هو انت مابتصدقش. وهي هتكدب ليه يعني
كريم....والنبي بطلي دلعك فيها بقا.
كمل پغضب... علشان دلعك فيها ده متعرفيش هيوديها ل فين. البت دي لازم تتعاد تربيتها وانا هفضالها وهربيها بمعرفتي
قدرية... انا بنتي متربية احسن تربية. ملكش دعوة بيها قولتلك. تعالي ياحبيبتي استريحي
وخدتها علي الاوضة
عند حورية ويوسف وحور 
بعد ما اكلو البيتزا وشربو ببيسي وهما بيهزرو ويضحكو في جو جميل
حورية قامت وقالت... هعملك شاي يايوسف عارفة انك بتحب الشاي 
حور بسرعة قالت... لا ياختي محدش يعمل الشاي لجوزي غيري 
وراحت تعمله
حورية رفعت حاجبها وقالت... طب روحي ياختي. وفرتي عليا التعب
تاني يوم
في الغردقة
امجد كان واقف قصاد البحر بېدخن بشرود فجأة منار جات من وراه وحضنته
لف وبصلها وقبل مايتكلم اتحركت ووقفت قدامه وقالت ببساطة... دا حضڼ عادي برئ
امجد... احنا قولنا ايه
ردت بسرعة وقالت... مش انت اخويا وعادي لما احضن اخويا.. انت بقا اللي تفكيرك بيروح لبعيد
امجد.... ياشيخة
منار وهي بتعبث في زراير قميصه قالت.... امم.. انا محترمة خالص اهو
امجد ابتسم عليها بيأس وقال.. يابت مش عاوز ازعلك 
و مرة واحدة قالت ... ماتتجوزني يا امجد. اقسم بالله هسعدك وهدلعك.
مسكت حرف قميصه وقالت بغمزة... جربني ومش هتندم
امجد مسح علي وشه بيأس وقالها...طب انا مش عاوز امد ايدي عليكي.. قدامك خمس ثواني تخفي فيهم
منا..... طب هتفكر
وقبل ما يتكلم قالت بسرعة... ما انت كده كده مش مبسوط مع مراتك.. فكر بالله
امجد.... يابت انتي اختي الصغيرة. افهمي ده
كمل بتحذير... واتعدلي علشان مزعلكيش.. انا مش حابب ازعلك. بس بحركاتك دي هتضطريني لكده
منار بزعل... هتزعلني علشان بحبك.. اخص عليك
اتنهد امجد وقال .... افهمي يا منار انك امانة في رقبتي وانا عمري ماهخون الامانة. عمري ماهنسي وصية ابوكي
منار بتعجب... وانت لما تتجوزني هتبقي كده خونت الامانة يعني.
امجد... انا متجوز ومعايا عيال. وانتي صغيرة ومن حقك تتجوزي واحد من سنك. واحد مايكونش متجوز قبل كده
منار.... بس انا عايزاك انت. مش عاوزة غيرك ومش بشوف غيرك. وبعدين فين فارق السن ده . انت عندك 31 سنة يعني كلهم 9 سنين فرق بيني وبينك مش عقبة يعني. انا مش صغيرة ولا انت كبير كل الحكاية انك اتجوزت بدري وبعدين انا راضية بيك في كل الاحوال. 
بصتله بحب وقالت... مش عاوزة حد في حياتي غيرك 
بعشقك..ليه مش حاسس بيا 
امجد بنبرة حادة .... علشان مينفعش