رواية وشم على حواف القلوب الفصل التاسع والعشرون بقلم ميمى عوالى

فلوس 
ثريا بتحذير بلاش تتحداني يا فؤاد احسنلك 
فؤاد بهدوء انا مابتحداكيش يا ثريا انتى اللى بتتحدى نفسك و لما تبقى عارفة الوضع اللى احنا فيه كوبس و مصرة على اللى فى دماغك و برضة رايحة تجهزى لحفلة من حفلاتك تبقى بتعاندى كل اللى بيحصل حواليكى و مصممة اننا نتفضح اسرع ما يمكن
ثريا و هى فلوس الحفلة اللى هتفضحنا دول ملاليم
فؤاد بسخرية بتسمى مية الف جنية ملاليم
ثريا اصل مش هم دول اللى هيفقرونا يعنى 
لتسمع صوت مى و هى تقول من خلفها لا يا مامى ممكن طبعا يفقرونا ده ان ماكانش اكيد 
ثريا بحدة انتى واقفة عندك كده من امتى و ازاى تسمحى لنفسك انك تتصنطى علينا و احنا بنتكلم 
مى اولا انا ما اتصنطتش لان ببساطة شديدة الباب كان مفتوح اصلا .. ثانيا بقى .. صوتكم هو اللى عالى و واصل لبرة 
ثريا مهما ان كان ماتتدخليش فى اللى مالكيش فيه 
مى لا يا مامى ليا لما بابى يندين على اخر الزمن و كمان يبقى واخد قروض يبقى ليا كل الكلام اللى بيحصل ده بسببى و انا مصممة ان المهزلة دى تنتهى باسرع ما يمكن و كفاية اوى لحد كده 
ثريا و هتنتهى ازاى بقى فى رايك 
مى و هى تنظر لفؤاد شهاب عاوز يقابل حضرتك يا بابى .. و لما تقعد معاه هتفهم كل حاجة 
ثريا ايه يعنى و انا مش المفروض انى افهم انا كمان و اللا ايه
مى اكيد طبعا حضرتك و بابى و رامى كلكم هتبقوا موجودين 
فؤاد فهمينى طيب انتى ايه اللى فى دماغك
مى و هى تجلس امام فؤاد انا و شهاب خلاص اتفقنا على كل الإجراءات بتاعة الشراكة فى المركز و هيشيل هو باقى اقساط المعدات اللى فاضلة عليا كلها زى ما قلت لحضرتك قبل كده و بكده القرض هينتهى تماما و تقدر ترجع الحق لصاحبه
ثريا بحدة نفس التخريف اللى خرفتيه قبل كده و اللى مش هيحصل منه و لا كلمة و لو على موتى 
مى بعد الشړ على حضرتك .. بس انا عاوزة الفت نظرك لحاجة مهمة اوى انتى لسه ماتعرفيهاش
ثريا بتهكم حاجة ايه دى بقى 
مى ان لو حكم فكر انه يرفع على بابى قضية انا و رامى هنشهد معاه 
ثريا پصدمة هتشهدوا على ابوكم
مى بحزم هنشهد بالحق و بعدين يعنى .. مش خاېفة لا شلة النادى يعرفوا اللى حصل ده 
ثريا و هو ايه اللى هيعرفهم حاجة زى كده 
مى ببعض المكر حكم مثلا افرضى حب ينتقم من اللى حصل له و لقى ان دى اكتر حاجة هتفش غليله من اللى حصل 
ثريا بضيق خلاص خلاص .. خلونا نبقى نتكلم فى الحكاية دى بعد الحفلة 
و قبل ان ينطق فؤاد كانت مى تقول پغضب مافيش حفلات يا مامى .. الحفلة دى لازم تتلغى 
ثريا پغضب انا مش هلغى حاجة .. انا مش فاهمة انتو ليه مصرين تفضحونى وسط اصحابى 
فؤاد انا اللى مش فاهم انتى مين يهمك اكتر .. حياتنا و اللا اصحابك 
ثريا بعند انا اصحابى عندى اهم من اى حاجة تانية فى الدنيا دى 
فؤاد تمام يا ثريا .. انا لولا بس انى مش عاوز اخد اجراء يحرج بنتك مع شهاب و اهله لما ييجوا يتقدموا لها كنت اتصرفت تصرف يفوقك بصحيح بس ملحوقة 
ثريا بسخرية و على ما تلحقها بقى تحطلى فلوس الحفلة فى الفيزا
ليقترب منها فؤاد و هو ينظر اليها بترصد قائلا مافيش فلوس يا ثريا 
ثريا بتحذير ماتخلينيش اضطر ابيع