رواية وشم على حواف القلوب الفصل التاسع والعشرون بقلم ميمى عوالى

شياطينها لتدخل عليها زينة قائلة انى جوعت يا امة هو احنا مش هنتغدى بقى و اللا ايه
حسنة جعانة روحى كلى الاكل عنديكى ملو المطبخ
زينة طب و انتى
حسنة مالكيش صالح بيا انى مش هاكل 
زينة و هى تتفحص وجه امها بتوجس مالك يا امة ايه اللى حوصل مخليكى زمقانة اكده
حسنة بكبت بقولك ايه يا بت شيخون جعانة .. روحى شوفى هتاكلى ايه مش هتاكلى شوفيلك حتة بعيد عن خلقتى دلوك و اخفى فيها و بعدى عن خلقتى
زينة بامتعاض اللااا و انى كنت عملت ايه مش كفاية قاعدة لحالى طول النهار
حسنة بسخرية البركة فى ابوكى و عمتك 
زينة طب انى كنت عاوزة اروح اتطمن على ورد زينب قالتلى انهم جبروا لها دراعها يا نضرى
حسنة بانتباه عنديكى حق لازما نروح نتطمن عليها
زينة معنى حديتك ده .. انك هتاجى معايا عند عمتى 
حسنة بخبث ايوة طبعا اومال ايه لازما نطل على البت اللى وقعت و اتجبرت دى 
ثم التفتت لزينة قائلة و هى المعدلة زينب .. ناوية تبات هناك و اللا ايه مارجعتش ليه لحد دلوك
زينة ماخبراش و بعدين يعنى ماهو ابويا هناك و تلاقيها يعنى ناوية ترجع معاه بالليل
حسنة بغيظ و لزمته ايه من اصله قعدتها هناك كلات الوقت ده مابقالهاش عازة 
زينة بامتعاض و احنا هنعرف منين بس يا امة ان كان ليها عازة و اللا لاا هو احنا قاعدين معاهم هناك عاد 
حسنة بتحذير بت انتى .. اخفى من قدامى دلوك احسنلك روحى كلى و اللا اعملى اى حاجة بعيد عنى 
زينة مش قلتى هنروح عند عمتى 
حسنة و هى ترفع كفيها عاليا اشق خلجاتى يا خلق هو انتى مش كنتى بتقولى انك جعانة يا بت انتى 
زينة بامتعاض انى عاوزة اكل من الاكل بتاع عمتى فلو هتاجى معايا .. ياللا دلوك
حسنة و هتروحى بقى تقوليلها انك جعانة 
زينة انى ليا صرفة قومى بقى ياللا خلينا نلحق نروح 
فى فيلا فؤاد بالقاهرة .. كان فؤاد يجلس بغرفة مكتبه حين اقټحمت ثريا عليه المكان پغضب قائلة ممكن افهم انت ماحطيتش الفلوس بتاعة الشهر بتاعى فى الفيزا ليه لحد دلوقتى 
فؤاد بامتعاض اظن انك عارفة الاجابة من غير ما تسألى يا ثريا
ثريا لا يا فؤاد ما اعرفش و بسالك عشان تقوللى 
فؤاد قبل ما اجاوبك الاجابة اللى انتى عارفاها كويس ممكن تقوليلى عرفتى ازاى ان الفلوس ما اتحطتش
ثريا كنت بدفع بيها جزء تحت الحساب من بوفية حفلة الشهر اللى جاى و مالقيتش فيها فلوس
فؤاد بتنهيدة حادة و هو انا مش قلتلك مافيش حفلات تانى يا ثريا و ان مابقاش فى امكانيات ليها بعد كده
ثريا انت تقول اللى انت عاوزة لكن طالما انا ماقلتش اوكية يبقى اعتبر كل الكلام ده ما اتقالش من اصله
فؤاد پغضب يعنى ايه بقى الكلام اللى انتى بتقوليه ده ايه يعنى كلامى مالوش قيمة عندك للدرجة دى 
ثريا بتعالى من يوم ما اتجوزنا وانت عارف كويس اوى طريقة حياتى و وافقت عليها من الاول مينفعش تيجى بعد العمر ده كله و تدخل فى اللى عمرك ما اتدخلت فيه 
فؤاد الظاهر ان طيبتى معاكى خلتك فكرتى انى مجبر انى اتعامل معاكى بالشكل ده لكن احب اقوللك ان خلاص يا ثريا اللى فات من حياتنا مع بعض السنين دى كلها كوم و من النهاردة كل اللى جاى كوم تانى خالص
ثريا باستهزاء كوم .. عشر اكوام المطلوب منك دلوقتى انك تحطلى آلفلوس فى الفيزا و بس
فؤاد بجمود مافيش