رواية احببته رغم كبريائي الفصل الثاني والعشرون بقلم مريم احمد

طلعت صاحبة ماما من زمان اوي عشان كانوا جيران و انا لسه عارفة من فترة بس
هزت كارولين راسها و قالتلها
كارولين...طيب 
ابتسمت حبيبة عليها و متكلمتش 
كارولين...حبيبة هو انا ممكن اطلب منك طلب 
بصتلها حبيبة و هزت راسها بتأكيد و قالتلها
حبيبة...اكيد
ردت عليها كارولين و هي بتقولها 
كارولين...تعالي معايا ماما نفسها تشوفك اوي و كل يوم تفضل تسألني عليكي و تقولي ابقى ابلغك سلامها 
ابتسمت حبيبة و قالتلها 
حبيبة...حاضر ..انا مقدرش ارفض ل فوفا طلب ابدا
ابتسمت كارولين بفرحة و قالتلها 
كارولين...هكلمها اقولها 
هزت حبيبة راسها برفض و قالتلها
حبيبة...لأ خليها مفاجئة احسن 
هظت كارولين راسها بمعنى ماشي و هي مبتسمة 
....لا اله الا الله محمد رسول الله 
بعد وقت كانوا وصلوا و كارولين فتحت باب الشقة و دخلوا 
و كارولين متكلمتش نهائي سمعوا صوت دوشة ف المطبخ و ريحة الأكل كانت مالية البيت 
راحت حبيبة للمطبخ و ابتسمت اول م شافت فيوليت و قالتلها 
حبيبة...بتعملي اكل ايه 
اتخضت فيوليت من الصوت و قالت بفرحة 
فيوليت...حبيبة 
حضنتها حبيبة بحب حقيقي لأنها ديما كانت بتعتبرها زي امها 
ابتسمتلها حبيبة و قالتلها
حبيبة...عامله ايه يا فوفا 
هزت فيوليت راسها و قالتلها
فيوليت...نشكر ربنا يا بنتي و انتي اخبارك ايه
ابتسمت حبيبة و قالتلها
حبيبة...الحمدلله 
اتكلمت فيوليت و هي فرحانة انها شافت حبيبة 
فيوليت...من بدري بقول ل كارو تبلغك سلامي
حبيبة...اول م عرفت جيتلك على طول اهو 
ابتسمتلها فيوليت و قالتاها
فيوليت...انتي حبيبتي 
ضحكت حبيبة و قالتلها
حبيبة....و انتي روح قلبي
سمعوا صوت باب الشقة بيتقفل و كانت لافينيا اخت كارولين ابتسمت اول م شافت حبيبة و قالتلها
لافينيا...ازيك يا حبيبة 
هزت حبيبة راسها و قالتلها
حبيبة...الحمدلله انتي عامله ايه و اخبار المدرسة ايه
هزت لافينيا راسها و هي مبتسمة 
و فضلت حبيبة قاعده معاهم شوية صغيرين و بعدين مشيت و طبعا فيوليت كانت زعلانه جدا انها هتمشي و فضلت تقولها انها تستنى و ان الاكل قرب يخلص و تتغدى معاهم بس هي رفضت بأدب عشان تعرف تتغدى مع عيليتها 
....استغفر الله العلي العظيم الذي لا اله الا هو الحي القيوم و اتوب اليه
اتفاجئت لما روحت البيت لاقيت اخوها و كاميليا و ايناس و نوح هناك 
ابتسمت بفرحة كبيرة و سلمت عليهم و هي مبسوطة انهم جم 
قالتلهم و هي مبتسمة بفرحة لوجودهم
حبيبة...هو انتوا جيتوا ليه
اتصدموا كلهم من سؤالها و حنان بصتلها بمعنى " ايه الي انت بتقوليه دا " الا اسلام هو الوحيد الي قال 
اسلام...متتخضوش يا جماعة البت مبتسمة و فرحانة بوجودنا اهي
هزت راسها بتأكيد و قالتله
حبيبة...ايوا انا مبسوطة اوي بجد بس استغربت اصل مفيش مناسبة يعني عشان تيجوا
مسحت حنان وشها بنفاذ صبر و علاء قال ل حبيبة
علاء...انا من رأيي انك تروحي تنامي ولا تكلمي صحابك 
هزت حبيبة راسها و قالتلهم
حبيبة...يا جماعة بجد مقصدش الفكرة بس اني متفاجئة 
ضحكت كاميليا و قالتلها
كاميليا...احنا عارفين يا حبيبتي 
ابتسمت حبيبة و حنان قالتلها
حنان...تعالي معايا خدي الاكل 
هزت حبيبة راسها و قالتلها
حبيبة...حاضر
و راحوا